Border News Agency
နေပြည်တော်၊ ဩဂုတ် ၁၉။
မြန်မာနိုင်ငံအပါအဝင် ဆူဒန်၊ တခြားနိုင်ငံတွေမှာ လူမှုကူညီရေးလုပ်သားတွေ ပစ်မှတ်ထားတိုက်ခိုက်ခံရမှု မြင့်တက်လာနေတယ်လို့ ကုလသမဂ္ဂအတွင်း ရေးမှူးချုပ်အန်တိုနီယိုဂူတာရက်စ်က ဒီနေ့ကျရောက်တဲ့ ကမ္ဘာ့လူသားချင်းစာ နာမှုဆိုင်ရာ ယအထိမ်းအမှတ်နေ့မှာပြောကြားလိုက်ပါတယ်။
ကမ္ဘာအနှံ့မှာ ပြီးခဲ့တဲ့နှစ်အတွင်းလူမှုကူညီပေးရေးလုပ်သားသုံးရာ့ကိုးဆယ်ဦးထက်မနည်းအသတ်ခံခဲ့ရပြီး စံချိန်တင်မြင့်မားတဲ့သေဆုံးမှုအရေအတွက်ဖြစ်ခဲ့တယ်လို့လည်း ဆိုပါတယ်။
ဒါပေမယ့်မြန်မာနိုင်ငံအတွင်းက တိုက်ခိုက်ခံရသူအရေအတွက်ကိုတော့ ဖော် ပြထားတာမရှိပါဘူး။
အဲဒီလူမှုကူညီရေးလုပ်သားတွေကို လေးစားပြီး အကာအကွယ်ပေးရမယ်ဆိုတာ နိုင်ငံတကာဥပဒေမှာ ရှင်းရှင်း လင်းလင်းဖော်ပြထားပြီး ဒါကိုပဋိပက္ခမှာပါဝင်ပတ်သက်သူအားလုံးလိုက်နာရဖို့လိုတယ်လို့ ဆိုပါတယ်။
မြန်မာနိုင်ငံမှာ ၂၀၂၁ ခုနှစ် စစ်တပ်က အာဏာသိမ်းပြီးနောက် လူမှုကူညီရေးလုပ်သားတွေကို တိုက်ခိုက်မှုတွေအပြ င် တော်လှန်ရေးအဖွဲ့တွေနဲ့ပတ်သက်မှုရှိတယ်ဆိုတဲ့စွပ်စွဲချက်တွေနဲ့ ဖမ်းဆီးထောင်ချတာတွေလည်း ရှိနေတယ်လို့ လေ့လာစောင့်ကြည့်သူတွေက ဆိုကြပါတယ်။
၂၀၂၁ ခုနှစ်စစ်တပ်က အာဏာသိမ်းပြီးနောက် ရခိုင်က အရပ်ဖက်လူမှုအဖွဲ့အစည်းတွေ၊အဖွဲ့ဝင်တွေ၊လူမှုကူညီရေးလုပ်သားတွေကို အာဏာသိမ်းစစ်တပ်က ဖမ်းဆီးသတ်ဖြတ်ထောင်ဒဏ်ချမှတ်တာတွေလည်း ရှိခဲ့တယ်လို့ အရပ်ဖက်လူမှုအဖွဲ့အစည်းတွေက ဆိုကြပါတယ်။
အဲဒီအပြင် အာရက္ခတပ်တော်(AA)ထိန်းနယ်မြေတွေမှာလည်း နိုင်ငံတကာလူသားချင်းစာနာထောက်ထားမှုဆိုင်ရာအကူအညီပေးရေးအဖွဲ့တွေအပါအဝင် အရပ်ဖက်အဖွဲ့တွေ၊ လူမှုကူညီရေးအဖွဲ့တ ချို့ကို တားမြစ်ကန့်သတ်ထားတာတွေရှိနေတယ်လို့ ဆိုကြပါတယ်။
