အင်တာဗျူး
Border News Agency
မောင်တော၊သြဂုတ် ၂၃။

ဘူးသီးတောင်မြို့နယ်၊ ထန်းရှောင်ခံရွာသားခြောက်ရာခန့်ကို ၂၀၂၄ ခုနှစ်၊ မေ လ ၂ ရက်နေ့က အာရက္ခတပ်တော်မှ သတ်ဖြတ်ခဲ့တယ်လို့ပြည်ပရောက်နေသူတချို့က အရိုးစုဓါတ်ပုံတွေထုတ်ပြန်စွပ်စွဲထားပါတယ်။

အဲဒီစွပ်စွဲမှုတွေအကြောင်း မောင်တောခရိုင်က မူဆလင်ရပ်မိရပ်ဖတဦးဖြစ်တဲ့မာမတ်အီနုစ်ကို Border News Agency က ဆက်သွယ်မေးထားပါတယ်။

“ဒီထုတ်ပြန်ချက်မှာ ပါတဲ့သူတွေက မောင်တောခရိုင်တခုလုံးမှာရှိနေတဲ့ ကျနော်တို့ ဘာသာရေးခေါင်းဆောင်တွေ၊ရပ်မိရပ်ဖတွေ၊တက်ကြွတဲ့လူငယ်တွေ အကုန်လုံးနဲ့ပူးပေါင်းပြီး ဆိုင်ရာဆိုင်ရာလူကြီးတွေ၊ကျနော်တို့ မူဆလင်မှာရှိနေတဲ့အကြီးတွေနဲ့ပူးပေါင်းပြီး ထုတ်ပြန်တာဖြစ်ပါတယ်။”

“ထုတ်ပြန်ရတဲ့ရွယ်ရည်ချက်က မဟုတ်မမှန်ဝါဒဖြန့်နေတဲ့ နိုင်ငံရေးသမားတွေ၊ပြည်ပရောက်နေတဲ့သူတွေက ဝါဒဖြန့်နေတာတွေကို ကျနော်တို့ပြည်တွင်းမှာရှိတဲ့ညီအစ်ကိုမောင်နှမတွေ ရခိုင်၊မူဆ လင်၊နောက်ပြီး သက္ကမရှိတယ် စတဲ့လူ မျိုးပေါင်းစုံအတူပူးပေါင်းအတူယှဥ်တွဲနေထိုင်နေကြတာကို ခြိမ်းခြောက်နေသလို ဖြစ်နေပါတယ်။”

“အဲဒီလို ဝါဒဖြန့်တာတွေက ဒီမှာ သဟ ဇာတဖြစ်နေတာတွေကို ပြိုကွဲအောင် တမင်လုပ်ကြံဝါဒဖြန့်နေတာဖြစ်ပါတ ယ်။နောက်ပြီး ကျနော်တို့ ဒီမှာအေး အေးချမ်းချမ်းနေနေတာကို နိုင်ငံခြားမှာရှိနေသူတွေက မမြင်နိုင်လို့ ဝါဒဖြန့်နေတာဖြစ်ပါတယ်။”

“ဒီလိုလုပ်ခြင်းအားဖြင့် သူတို့တွေက သူတို့အကျိုးစီးပွားကိုဦးစားပေးပြီးတော့ မဟုတ်သတင်းတွေကိုဖြန့်ပြီး ဝါ ဒဖြန်နေတာဖြစ်ပါတယ်။သူတို့အကျိုး စီးပွားအတွက် လုပ်နေကြတာပါ။”

“သူတို့အဲဒီလို လုပ်တာကြောင့် ကျနော်တို့တတွေ သဟဇာတဖြစ်ဖြစ်နေနေတာကို အနှောင့်အယှက်ပေးနေသလိုဖြစ်နေပါတယ်။ကျနော်တို့လူမျိုး အချင်း ချင်းမယုံသလိုဖြစ်နေပါတယ်။သူတို့က တမင်ရွယ်ရည်ပြီးလုပ်နေတာဖြစ်ပါတ ယ်။အဲဒါကြောင့် ကျနော်တို့အားလုံးပူး ပေါင်းပြီး ထုတ်ပြန်တာဖြစ်ပါတယ်။”

“အရင်စစ်ကောင်စီအုပ်ချုပ်တုန်းက မရခဲ့တဲ့အခွင့်အရေးတွေ ပေါင်းကူးဆ က်ဆံတာတွေကို ခုရနေပါတယ်။လူမျိုးခွဲခြားမှုမရှိဘူး။ငါမကောင်းရင်ငါ ငါ့ကိုအပြစ်။သူလုပ်သူ့အပြစ် ဆိုပြီး ဘက် လိုက်မှုမရှိဘဲ ကျနော်တို့အစိုးရက ဒီလိုလုပ်နေတာတွေကို မျက်မြင်ကိုယ်တွေ့ပါ။ဘက်လိုက်မှုလုပ်တာတွေ လုံးဝမရှိပါဘူး။”

“အဲဒါကြောင့် အာရက္ခနိုင်ငံတော်မှာ အတူယှဥ်တွဲနေကြတာပါ။ရှေ့ဆက်ပြိီး နေဖို့အတွက်လည်းအခိုင်အမာရှိပါတ ယ်။အဲဒါတွေကို ဖျက်ဆီးဖို့အတွက် ပြ ည်ပရောက်နေတဲ့လော်ဘီတွေက ဝါဒဖြန့်နေတာဖြစ်ပါတယ်။”

“မြေပြင်အခြေအနေနဲ့ပတ်သက်ပြီးပြောရလို့ရှိရင် ကျနော်တို့ပြည်သူတွေကသွားပြီးတော့ စစ်ဆေးတာတွေ၊​ဒေ သခံရွာသားတွေ အများစုပါဝင်ပါတ ယ်။သူတို့တွေကိုလည်း သေချာမေးပြီးတော့ ထုတ်ပြန်ချက်ထုတ်တာဖြစ်ပါတ ယ်။အဲဒါတွေက မဟုတ်တဲ့သတင်းဖြစ်နေတာကို ကျနော်တို့ရှုတ်ချပါတယ်။”

“အဲဒါတွေကို ကျနော်တို့ခံပြင်းပါတယ်။ဒါတွေက လုံးဝမဟုတ်ပါဘူး။ထုတ်ပြန်ချက်မှာပါလည်းပါပါတယ်။”

“သူတို့ ပြင်ပမှာဝါဒဖြန့်တာကြောင့် ကျနော်တို့ ဒီမှာရှိနေတဲ့လူမျိုးအချင်းချင်းစိတ်ဝမ်းကွဲစရာတွေ၊ နိုင်ငံအတွက်အကျိုးမဖြစ်တာတွေ၊ ရှေ့လျှောက်အဟန့်အတားဖြစ်လာမှာဖြစ်တာကြောင့် ကျနော်တို့အေးအေးချမ်းချမ်းနဲ့တိုင်းပြည်တည်ဆောက်ဖို့အချိန်မှာအဟန့်အတားမဖြစ်ရအောင်၊ပြည်သူလူမျိုးပေါင်းစုံနားလည်လာအောင် ဒီိထုတ်ပြန်ချက်ကို ထုတ်ပြန်ရခြင်းဖြစ်ပါတယ်။”