အင်တာဗျူး
Border News Agency
မောင်တော၊ သြဂုတ် ၂၄။
ဘူးသီးတောင်မြို့နယ်၊ ထန်းရှောင်ခံရွာသားခြောက်ရာခန့်ကို ၂၀၂၄ ခုနှစ်၊ မေလ ၂ ရက်နေ့က အာရက္ခတပ်တော်မှ သတ်ဖြတ်ခဲ့တယ်လို့ပြည်ပရောက်နေသူတချို့က အရိုးစုဓါတ်ပုံတွေထုတ်ပြန်စွပ်စွဲထားပါတယ်။
အဲဒီစွပ်စွဲမှုတွေအကြောင်း မောင်တောခရိုင်က အစ္စလာမ်ဘာသာရေးဆရာတဦးဖြစ်တဲ့မော်လဝီဆရာမာမတ်တာလီကို Border News Agencyက ဆက်သွယ်မေးထားပါတယ်။
“ထုတ်ပြန်ချက် ရည်ရွယ်ချက်က မောင်တော၊ဘူးသီးတောင်မှာရှိတဲ့ မူဆလင်နဲ့ရခိုင်သဟဇာတ မဟုတ်မမှန်ကိစ္စတခုနဲ့သဟဇာတပျက်စီးသွားမှာကိုကြောက်ပါတယ်။”
“အဲဒီအတွက်နဲ့ဒီရည်ရွယ်ချက်နဲ့ ကျွန် တော်တို့ရေရှည်ဒီနေရာမှာသဟဇာတရှိရှိနေထိုင်သွားဖို့အတွက် မဟုတ်မမှန်သတင်းတခုကိုနေပြီးတော့ ထုတ်ပြန်တဲ့အနေနဲ့ကျွန်တော်တို့ဟာ ပြန်လည်ပြီးမောင်တော၊ ဘူးသီးတောင် မော်လဝီဆရာတွေအများကြီးရှိတယ်။”
“အဲဒီအထဲမှာကျွန်တော်တို့ထုတ်ပြန်တဲ့ထဲမှာ ၁၆၇ယောက်ထဲမှာ မော်လဝီဆ ရာ ရှစ်ဆယ်နီးပါးလောက်ပါပါတယ်။ အဲဒီအတွက်နဲ့ကျွန်တော်တို့က ဒီအရာကို နိုင်ငံတကာကသိသွားအောင် မဟု တ်မမှန်သတင်းတခုကိုလုပ်တာကို ကျွန်တော်တို့အနေနဲ့မလိုလားပါဘူး။ ပြသနာတွေဖြစ်မှာကို ကြောက်ပါတယ်။”
“လူမှုသဟဇာတပျက်စီးမှာလည်းကြော က်ပါတယ်။အဲဒီအတွက်ကြောင့်ကျွန် တော်ဟာ ဒီထုတ်ပြန်ချက်ကိုထုတ်သွားတာဖြစ်တယ်။”
“သူတို့မြေပြင်အနေအထားကိုဘာမှမသိဘဲနဲ့သူတို့နိုင်ငံခြားကနေပြီးတော့ နေရာဒေသကလူတွေကို မငြိမ်းချမ်းအောင်လုပ်နေတာဖြစ်ပါတယ်။”
“ဘူးသီးတောင်မြို့နယ်၊ ထန်ရှောက်ခံကျေးရွာမှာနေပြီးတော့ မောင်တော၊ ဘူးသီးတောင်က လူတွေလည်း ကျွန်တော်တို့ကိုယ်တိုင်သွားပြီး ရွာသားတွေကို လေ့လာပြီးတော့မှ ကျွန်တော်တို့ ထုတ်ပြန်ချက်ကိုထုတ်ပြန်တာဖြစ်ပါတယ်။”
“ဘာလို့လဲဆို ကျွန်တော်တို့ရွာသားက ခုနှစ်ရာကျော်ရှိပါတယ်။သူတို့ဘက်ကလည်းလူပေါင်းခြောက်ရာ၊ခုနှစ်ရာကျော်သေဆုံးသွားတာလုံးဝမဟုတ်တဲ့သတင်းတခုကိုနေပြီးတော့ သူတို့ဟာ စစ်သားအလောင်းတွေကို သူတို့မူလင်တွေသေသွားတယ်ဆိုပြီးမဟုတ်မမှန်သတင်းတခုလွှင့်တဲ့အတွက်နဲ့ ကျွန်တော်တို့ဟာ နိုင်ငံတကာကလည်းသိသွားအောင် မောင်တောမှာ ရပ်မိရပ်ဖတွေမော်လဝီဆရာတွေအကုန်လုံးပူး ပေါင်းပြီးတော့ ထုတ်ပြန်ချက်တခုကို ထုတ်ပြန်တာဖြစ်တယ်။”
“နောက်ထပ်လူတွေကတော့ လူငယ်တွေ၊ ရပ်မိရပ်ဖတွေ၊ ပညာတတ်လူကြီးတွေ အဲ့လိုလူတွေပါတယ်။”
