Border News Agency
ကျိုက်ထို၊ သြဂုတ် ၂၄။
မွန်ပြည်နယ်၊ ကျိုက်ထိုမြို့နယ်၊ ချမ်းမြေ့ကျေးရွာဘုန်းကြီးကျောင်းကို စစ်ကော်မရှင်တပ်လေကြောင်းတိုက်ခိုက်လို့ သံဃာတော်နှစ်ပါးပျံလွန်ပြီး ရှစ်ပါးဒဏ်ရာရခဲ့တယ်လို့ ဒေသခံတွေကဆိုကြပါတယ်။
စစ်ကော်မရှင်တပ်ဟာ ဩဂုတ် ၂၄ ရက်၊ဒီနေ့မနက် ၁၀ နာရီကျော်အချိန်ခန့်ကချမ်းမြေ့ရွာ ဘုန်းကြီးကျောင်းကိုလေကြောင်းတိုက်ခိုက်ခဲ့တာကြောင့် အများအပြားဒဏ်ရာပြင်းပြင်းထန်ထန်ရသွားတယ်လို့ ဒေသခံတွေကဆိုကြပါတယ်။
အဲဒီမြို့နယ်မှာတိုက်ပွဲဖြစ်ပွားတာမရှိပဲ စစ်ကောင်စီတပ်က ရွယ်ရည်ချက်ရှိရှိဘုန်းကြီးကျောင်းကို ပေါင် ၃၀၀ဗုံးနဲ့ တိုက်ခိုက်ခဲ့တယ်လို့ ဆိုကြပါတယ်။
အဲဒီဗုံးရောက်ပေါက်ကွဲလို့ ဆွမ်းစားနေသူ သံဃာတွေထဲက သက်တော်လေးဆယ်ကျော်အရွယ် သံဃာနှစ်ပါးနေရာမှာပင်ပျံလွန်တော်မူသွားပြီး ကျန်သံဃာတွေဒဏ်ရာပြင်းထန်ရသွားတယ်လို့ဆိုကြပါတယ်။
အဲဒီအပြင် ဘုန်းကြီးကျောင်းဆောင်နဲ့ ဆွမ်းစားဆောင်တွေလည်းပျက်စီးသွားခဲ့တယ်လို့ဆိုပါတယ်။
စစ်ကော်မရှင်တပ်က သြဂုတ်လ ၉ ရက်နေ့ကလည်းကျိုက်ထိုမြို့နယ်၊ ပျဉ်းကတိုးကုန်းကျေးရွာအုပ်စုအတွင်းရှိ ပိန္နဲကုန်း ကျေးရွာကိုလေကြောင်းတိုက်ခိုက်ခဲ့တာကြောင့် တဦးသေဆုံးပြီး ငါးဦးဒဏ်ရာရသွားခဲ့ပါတယ်။
