Border News Agency
ကျောက်ဖြူ၊ သြဂုတ် ၂၈။
ကျောက်ဖြူမြို့နယ်၊ ဇင်ချောင်းကုန်ဘောင်ကြီးရွာကို သြဂုတ်လ ၂၇ ရက်နေ့က စစ်ကော်မရှင်ရေတပ်စစ်သင်္ဘောကလက်နက်ကြီးပစ်ခတ်လို့ အရပ်သားတဦးဒဏ်ရာရရှိသွားပါတယ်။
အဲဒီကျောက်ဖြူမြို့နယ်၊ ဇင်ချောင်းကုန်ဘောင်ကြီးရွာမှာကျရောက်ပေါက်ကွဲပြီးအသက်ငါးဆယ်တနှစ်အရွယ်ဦးမင်းမင်းကြီးမှာ ဦးခေါင်းနဲ့ဘယ်ဖက်တင်ပါးမှာဒဏ်ရာရရှိသွားတာပါ။
အဲဒီအပြင် သူရဲ့နေအိမ်လည်း ထိခိုက်ပျက်စီးသွားခဲ့ပါတယ်။
စစ်ကော်မရှင်ရေတပ်စစ်သင်္ဘောဟာ ဇင်ချောင်းရွာအောက်ဖက်ပင်လယ်ပြင်မှလက်နက်ကြီးတွေပစ်ခတ်ခဲ့တာလို့ဆိုပါတယ်။
ကျောက်ဖြူမြို့နယ်မှာစစ်ကော်မရှင်တပ်နဲ့အာရက္ခတပ်တော်ကြား တိုက်ပွဲတွေပြင်းထန်နေပြီး စစ်ကော်မရှင်တပ်က ကြည်းရေလေပူးပေါင်းခုခံနေတာပါ။
အဲဒီအပြင်ရေတပ်စစ်သင်္ဘောကြီးတွေအပါအဝင်ရေတပ်အင်အားကိုဖြည့်တင်းထားပြီး စစ်ကော်မရှင်ရေတပ်စစ်သင်္ဘောတွေကလည်း ပစ်ကူပေးနေတယ်လို့ ဆိုကြပါတယ်။
ကျောက်ဖြူတိုက်ပွဲတွေမှာ နှစ်ဘက်ထိခိုက်သေဆုံးတာတွေရှိနေပြီး အပြန်အ လှန်အတက်အဆုတ်တွေလည်းဖြစ်နေတာမို့အပြီးသတ်အဆုံးသတ်ဖို့အချိန်ပိုကြာသွားနိုင်တယ်လို့ ဆိုကြပါတယ်။
