Border News Agency
ပုဏ္ဏားကျွန်း၊ စက်တင်ဘာ ၂။
အာရက္ခတပ်တော်(AA)ထိန်းချုပ်ထားတဲ့ပုဏ္ဏားကျွန်းမြို့နယ်မှာအာရက္ခပြည်သူ့တော်လှန်ရေးအစိုးရရဲ့ရဲတပ်ဖွဲ့ဝင်ခုနှစ်ဦးအပါအဝင်မူးယစ်ဆေးဝါးရောင်း ချဖြန့်ဖြူးသုံးစွဲသူ တဆယ့်တဦးကို သြဂုတ်လ ၃၁ရက်နေ့ကအာရက္ခတပ်တော်(AA)ရဲ့ တရားဥပဒေစိုးမိုးရေးနဲ့ပြည်သူ့လုံခြုံရေးဌာန(DLEPS)အဖွဲ့မှ ဖမ်းဆီးရမိခဲ့ပါတယ်။
အဲဒီအသက်၂၁ နှစ်အရွယ်တပ်သားခန့်စိုးလင်း၊အသက်၂၄ နှစ်အရွယ်ဒု-တပ် ကြပ်သန်းဟန်၊အသက် ၃၅ နှစ်အရွယ်တပ်သားကျော်စိုးလှိုင်၊အသက် ၂၀ အ ရွယ်တပ်သားအောင်နိုင်ဖြိုး၊အသက် ၂ ၅နှစ်အရွယ်တပ်သား မြင့်မြတ်အောင်နိုင်၊အသက် ၂၂ နှစ်အရွယ်တပ်သား ဘိုဆန်းယု(ခ)ဇော်လင်းအောင်၊အသက် ၂၄ နှစ်အရွယ်၊တပ်သား သန်းတိုးအော င်ကို ဖမ်းဆီးရမိခဲ့တာပါ။
သူတို့တွေဟာ တရားဥပဒေစိုးမိုးရေးနဲ့ပြည်သူ့လုံခြုံရေးဌာန(DLEPS)အဖွဲ့မှတပ်ဖွဲ့ဝင်တွေဖြစ်ကြပြီး ပုဏ္ဏားကျွန်းမြို့နယ်မှာ တာဝန်ကျနေတာပါ။
အဲဒီအပြင် ယိုးတရုပ်ရွာကအသက် ၂၂ နှစ်အရွယ်ဇော်မျိုးလွင်၊ အသက် ၄၂ နှစ်အရွယ်ဝင်းသန်း၊ အသက် ၃၆ နှစ်အရွယ် မျိုးဇော်နဲ့အောင်ဖြူပြင်ကျေးရွာမှ ရန်နိုင်စိုးကိုလည်း ဖမ်းဆီးရမိခဲ့တာပါ။
မူးယစ်ဆေးဝါးသုံးစွဲဖြန့်ဖြူးရောင်ချနေတဲ့သတင်းကြောင့် DLEPS တပ်ဖွဲ့ကဩဂုတ်လ ၃၀ ရက်၊ညနေ ၄ နာရီအချိန်ခန့်မှာ ရဲ့တပ်ဖွဲ့ဝင်ခန့်စိုးလင်းကို ဖမ်း ဆီးစစ်ဆေးမေးမြန်းရာမှာ သူရဲ့ထွက်ဆိုချက်အရ မူးယစ်ဆေးဝါးတွေကို အောင်ဖြူပြင်ရွာမှ ရန်နိုင်စိုးကဆင့် ဆက်သွယ်ခဲ့တယ်လို့ဆိုပါတယ်။
အဲဒါကြောင့်မင်းပြားမြို့ရှိ ရန်နိုင်စိုးရဲ့ ယောက်ခမဖြစ်သူဆီကဝယ်ယူခဲ့သလိုဝယ်ယူဖြန့်ဖြူးရောင်းချရာမှာလည်း ယိုးတရုပ်ရွာကဇော်မျိုးလွင်၊ဦးဝင်းသန်းနဲ့ မျိုးဇော်ရို့ပါဝင်ပတ်သက်နေတာကြောင့်သူတို့တွေကိုလည်း ဖမ်းဆီးခဲ့တာပါ။
အဲဒီအပြင် ရဲတပ်ဖွဲ့ဝင်တွေကလည်း မူး ယစ်ဆေးဝါးသုံးစွဲရာမှာပါဝင်တာကြောင့် သူတို့ကိုလည်း ဖမ်းဆီးခဲ့တာလို့ဆိုပါတယ်။
အာရက္ခပြည်သူ့တော်လှန်ရေးအစိုးရအနေနဲ့မူးယစ်ဆေးဝါးရောင်းချဖြန့်ဖြူးသုံးစွဲသူသူတွေကိုကြောသားရင် သားမခွဲခြားဘဲ ဥပဒေနဲ့အညီ အရေးယူသွားမှာဖြစ်သလို အာရက္ခဒေသမှာ မူး ယစ်ဆေးဝါးကင်းစင်ဖို့ကိုလည်း ဆက် လက်ဆောင်ရွက်သွားမယ်လို့ဆိုပါတယ်။
