Border News Agency
ပလက်ဝ၊ စက်တင်ဘာ ၄။

အိန္ဒိယနိုင်ငံ၊မီဇိုရမ်ပြည်နယ်သို့နယ်စပ်ဖြတ်ကျော်သွားလာနေကြသူတွေအတွ က် အာရက္ခပြည့်သူတော်လှန်ရေးအစိုး ရက သတိပေးချက်တွေ ထုတ်ပြန်ထားပါတယ်။

နယ်စပ်ဖြတ်ကျော်သွားလာသူတွေနေနဲ့ ငွေကြွေးလိမ်လည်ခံရတာတွေ၊ကားသ မားတွေက နိုင်ထက်စီးနင်းပြုလုပ်တာတွေ၊မူးယစ်ဆေးဝါးသုံးစွဲလို့ ကားမောင်းတာတွေ၊အရေးပေါ်ကိစ္စတွေနဲ့ သာရေးနာရေးကိစွတွေ၊တရားမဝင်ငွေကြေးကောက်ခံမှုတွေ၊ကုန်သည်တွေဆီမှစျေးကွက်ဖျက်ဝယ်ယူငှားရမ်းတာတွေအပါအဝင် တခြားအရေးပေါ်ကိစ္စတွေဖြစ်လာရင် ရက္ခိုင်အမျိုးသားအဖွဲ့ချုပ်ရဲ့ပြင်ပဆက်ဆံရေးဗျူရို၊အိန္ဒိယနယ်စပ်ဆက်ဆံရေးရုံးကို အကြောင်းကြားနိုင်တယ် အသိပေးထားပါတယ်။

အဲဒီအပြင် မြန်မာနိုင်ငံကပါလာတဲ့ငွေတွေကို အိန္ဒိယနိုင်ငံဖက်မှာ မသုံးစွဲဖို့၊တရားမဝင်မူးယစ်ဆေးဝါးနဲ့စိတ်ကိုပြောင်းလဲစေတဲ့ဆေးဝါးတွေကို သုံးစွဲ၊သယ်ယူ၊ရောင်းဝယ်တာတွေမလုပ်ဖို့၊အိန္ဒိယနိုင်ငံ၊မီဇိုရမ်ပြည်နယ်အတွင်း အရက်သောက်တာ​တွေမလုပ်ဖို့ သတိ ပေးထားပါတယ်။

နောက်ပြီး အိန္ဒိယနိုင်ငံရဲ့ ဥပဒေတွေကို လေးစားလိုက်နာကြဖို့၊အိန္ဒိယနိုင်ငံနဲ့ပြ ည်နယ်တွေရဲ့ယဥ်ကျေးမှုတွေကို လေး စားလိုက်နာကြဖို့၊အိန္ဒိယနိုင်ငံကိုသွားမယ့် အာရက္ခပြည်သူတွေအနေနဲ့ ယာယီနယ်စပ်ဖြတ်ကျော်ခွင့်ကဒ်ပြားကို မဖြ စ်မနေယူလာရမယ်လို့လည်း သတိပေးထားပါတယ်။

တဖက်နိုင်ငံအတွင်း ကုန်ပစွည်းဝယ်ယူရာမှာ အဆင်ပြေစေဖို့နဲ့ ငွေကြေးလိမ်မှုတွေမဖြစ်စေဖို့ ကြိုတင်ပြုလုပ်ထားဖို့လိုအပ်တယ်လို့လည်းဆိုပါတယ်။

ပစွည်းတွေလက်ထဲကိုမရောက်ပဲ ငွေကြိုရှင်းတာတွေ ရှောင်ကြဖို့၊ငွေပေး ချေရာမှာ စရံငွေကိုအတက်နိုင်ဆုံးလျော့ချပြီးပေးကြဖို့၊ငွေအပြည့်ပေးတာတွေကို စာရွက်စာတမ်းအထောက် အထားပြုလုပ်ပြီး မှတ်တမ်းဓာတ်ပုံတွေယူထားကြဖို့၊ဆိုင်ရှင်သို့မဟုတ် ပွဲစားတွေရဲ့အကြောင်းကို ကြိုတင်လေ့ လာထားပြီး သူတို့ရဲ့ဖုန်းနံပတ်၊နိုင်ငံ သားကဒ်၊ အမြဲနေတဲ့နေရပ်လိပ်စာ စတာတွေကို မှတ်တမ်းယူထားဖို့ ကြိုတင်ပြုလုပ်ထားသင့်တယ်လို့ အသိပေးထားပါတယ်။

အဲဒီအပြင် ပွဲစားတွေဟာ အိန္ဒိယနိုင်ငံသားဟုတ်မဟုတ် ခိုင်မာပိုင်ဆိုင်တဲ့အထောက်အထား ရှိ၊ မရှိလေ့လာစစ်ဆေးကြဖို့၊ကုန်သည်တွေကားငှားရာမှာ ကားနံပါတ်၊ ကားလိုင်စင်၊ ယာဥ်မောင်းလိုင်စင်၊ ယာဥ်မောင်သူနဲ့ဓာတ်ပုံတွေကို မှတ်တမ်းယူထားကြဖို့၊ကုန်သည်တွေအနေနဲ့ကုန်ပစွည်းတွေဝယ်ယူတာ၊ ကား၊ စက်၊ လှေတွေ ငှားယူရာမှာ ပုံမှန်စျေးထက်အပိုပေးပြီး စျေးကွက်ဖျက်တာတွေမလုပ်ကြဖို့၊ ပြုလုပ်တာတွေ တွေ့ပါက နီးစပ်ရာရုံးတွေမှာ အထောက်အထားတွေနဲ့ တိုင်ကြားဖို့လည်း အ သိပေးထားပါတယ်။

ကုန်သည်တွေအနေနဲ့ပစ္စည်းသယ်ယူရာလမ်းတလျှောက် ငွေကြေးမတရားကောက်ခံတာတွေကြုံရပါက အချိန်၊ နေရာ၊ ရက်စွဲ၊ မှတ်တမ်းဓာတ်ပုံတွေ စနစ်တကျယူထားပြီး အိန္ဒိယနယ်စပ်ဆက်ဆံရေးရုံးကို အကြောင်းကြားပေးဖို့လည်း အသိပေးထားပါတယ်။

အဲဒီအပြင် တဖက်နယ်စပ်ဒေသမှာ လက်တလောဖြစ်ပေါ်နေတဲ့အခြေအနေတွေကို လေ့လာထားကြဖို့နဲ့အာရက္ခကု န်သည်အချင်းချင်းမျှဝေးပေးကြဖို့လည်း အသိပေးထားပါတယ်။

နောက်ပြီး အိန္ဒိယမှာဆေးကုသမယ့် လူနာတွေအနေနဲ့ မိမိသွားရောက်ကုသမယ့် မြို့မှာရှိတဲ့ ဆေးရုံ၊ဆေးခန်းတွေကို ကြိုတင်လေ့လာထားကြဖို့၊ဆေး ခန်းမပြခင် ဘာသာပြန်တွေကို ကြိုတင်ငှားထားကြဖို့၊ကိုယ်တည်းခိုမယ့်နေရာတွေကို ကြိုတင်စုံစမ်းတာတွေနဲ့ တဖက်နိုင်ငံရဲ့ငွေကြေးကို ကြိုတင်လှဲ့လှည်ထားတာတွေလုပ်ဖို့ အသိပေးထားပါတယ်။

အဲဒီအပြင် ဆေးကုသမယ့်လူနာအချင်းချင်းကူညီကြဖို့၊အရေးပေါ်ဆက်သွယ်နိုင်ဖို့ အိန္ဒိယနယ်စပ်ဆက်ဆံရေးရုံးဖုန်းနံပါတ်တွေကို ကြိုတင်ယူထားကြဖို့လည်း အသိပေးထားပါတယ်။

အာရက္ခတပ်တော်ထိန်းချုပ်ထားတဲ့ ပလက်ဝမြို့နယ်ရှိ စစ်ဆေးရေးဂိတ်တွေမှာ အိန္ဒိယယာယီနယ်စပ်ဖြတ်ကျော်ခွင့်လက်မှတ်ကို ရက္ခိုင်အမျိုးသားအဖွဲ့ချု ပ်ရဲ့ပြင်ပဆက်ဆံရေးဗျူရို၊နယ်စပ်ဆ က်ဆံရေးရုံး(အိန္ဒိယ)က ထုတ်ပေးနေပါ
တယ်။

အာရက္ခတပ်တော်ဟာ ပလက်ဝမြို့နယ်အပါအဝင်တဆယ့်ငါးမြို့နယ်ကို အပြီးသတ်ထိန်းချုပ်ထားပြီး အာရက္ခပြည်သူ့တော်လှန်ရေးအစိုးရအဖြစ်အုပ်ချုပ်ရေးယန္တရားတွေဖော်ဆောင်နေပါတယ်။

အာရက္ခတပ်တော်ဟာ အာရက္ခ-အိန္ဒိယနယ်စပ်၊ အာရက္ခ-ဘင်္ဂလာနယ်စပ်ကို ထိန်းချုပ်ထားပြီး နယ်စပ်ဖြတ်ကျော်သွားလာတာတွေ၊နယ်စပ်ကုန်သွယ်ရေးတွေကို ထိန်းချုပ်ဆောင်ရွက်နေပါတယ်။