Border News Agency
ဒါကာ၊ အောက်တိုဘာ ၂၁။

ရိုဟင်ဂျာအရေးနဲ့ပတ်သက်ပြီး ဘင်္ဂလားဒေ့ရှ်နိုင်ငံက နိုင်ငံတကာသံတမန်တွေကို အောက်တိုဘာလထဲမှာ ဆက် တိုက်ဆော်သြတာတွေ လုပ်နေကြပါတယ်။

အဲဒါဟာ ဘင်္ဂလားဒေ့ရှ်နိုင်ငံရေးလက် ရှိအခြေအနေနဲ့လည်း ဆက်စပ်နေတာပါ။

ဘင်္ဂလားဒေ့ရှ်ဟာ လာမယ့်ရွေးကောက် ပွဲကို ၂၀၂၆ ခုနှစ်၊ ဧပြီလမတိုင်ခင်ကျင်းပမယ်လို့ဆိုထားတာမို့ နိုင်ငံတကာသံတမန်အသိုင်းအဝိုင်းကလည်း ဘင်္ဂလားဒေ့ရှ်နိုင်ငံကိုအဝင်အထွက်ခပ်စိတ်စိတ်ရှိ​နေပါတယ်။

သံတမန်တွေနဲ့တွေ့တိုင်းမှာ ရိုဟင်ဂျာအရေးကိုလည်း ဘင်္ဂလားဒေ့ရှ်ဟာ ထည့်သွင်းဆော်ဩနေပါတယ်။

အဲဒါနဲ့ပတ်သက်လို့လက်ရှိအောက်တို ဘာလတတိယပတ်ထိ တရားဝင်ထုတ်ပြန်ချက်တွေအရ ဘင်္ဂလားဒေ့ရှ်ရဲ့ဆော်ဩမှုဟာ သုံးကြိမ်ထက်မနည်းရှိနေပါတယ်။

ဘင်္ဂလားဒေ့ရှ်ထုတ်ပြန်ချက်တွေကိုကြည့်ရင် အောက်တိုလာလ ၆ ရက်နေ့မှာ အသစ်ခန့်အပ်ခံရတဲ့ဘင်္ဂလားဒေ့ရှ်နိုင်ငံဆိုင်ရာနယ်သာလန်သံအမတ်ကြီးဂျိုးရစ်ဗန်ဘွန်မဲလ်ဟာ ဘင်္ဂလားဒေ့ရှ်နိုင်ငံ ခြားရေးအကြံပေးအမ်ဒီတိုဟဒ်ဟူစိန်နဲ့ တွေ့ဆုံပါတယ်။

တူရကီလက်ထောက်နိုင်ငံခြားရေးဝန်ကြီးလည်းဖြစ် သံတမန်လည်းဖြစ်တဲ့အေဘာရစ်အီကင်ဆီဟာ အောက်တို ဘာလ ၇ ရက်နေ့မှာ ရောက်ရှိလာပါတယ်။

ဥရောပသမဂ္ဂ(EU)ကိုယ်စားလှယ်တွေကတော့ အောက်တိုဘာလ ၁၀ ရက်နေ့မှာ ရောက်ရှိလာပါတယ်။

ဘင်္ဂလားဒေ့ရှ်နိုင်ငံခြားရေးအကြံပေးဟာ ယူဂန္ဓာနိုင်ငံကန်ပါလာမှာကျင်းပတဲ့ဘက်မလိုက်နိုင်ငံများဝန်ကြီးတွေအဆင့်အစည်းအဝေးကို အောက်တိုဘာ လ ၁၅ ရက်နေ့သွားတတ်ပါတယ်။

နိုင်ငံခြားရေးလက်ထောက်အတွင်းဝန် အာဆတ်အာလမ်ဆီယမ်ဟာ နယ်သာလန်နိုင်ငံသည် ဂိတ်မြို့မှာ နယ်သာလန်နိုင်ငံခြားရေးဝန်ကြီးဌာနရဲ့အထွေထွေအတွင်းရေးမှုးခရစ်စတီယံရီဘာဂျင်နဲ့ အောက်တိုဘာလ ၁၆ ရက်က တွေ့ဆုံပါတယ်။

ဘင်္ဂလားဒေရှ့်နိုင်ငံခြားရေးဝန်ကြီးဌာန အတွင်းရေးမှုး ဒေါက်တာအမ်ဒီနက်စ်ရုလ်အစ္စလမ်ဟာ ကူဝိတ်နိုင်ငံလက်ထောက်နိုင်ငံခြားရေးဝန်ကြီးဖြစ်တဲ့ သံတမန်ဆမ်မီးအစ်စာဂျိုဟာဟာယတ်နဲ့ အောက်တိုလာလ ၁၉ ရက်နေ့က တွေ့ဆုံပါတယ်။

အဲဒီတွေ့ဆုံမှုတွေထဲ ဘင်္ဂလားဒေ့ရှ်ပြောတာတွေမှာ ဘင်္ဂလားဒေ့ရှ်ရဲ့လက် ရှိနိုင်ငံရေး၊ လုံခြုံရေး၊ တည်ငြိမ်ရေး၊ စီးပွားရေး၊အကူအညီလိုအပ်ချက်တွေပါပါတယ်။

အဲဒီအပြင် ရိုဟင်ဂျာတွေနေရပ်ပြန်နိုင်ရေးနဲ့ပတ်သက်လို့လည်း နိုင်ငံတကာက အလေးပေးဆောင်ရွက်ဖို့ကိုလည်း ဆော်ဩချက် အမြဲတန်းထည့်ပြောပါတယ်။

ဘင်္ဂလားဒေ့ရှ်ရဲ့နိုင်ငံရေးအခြေအနေအရလည်း နိုင်ငံတကာသံတမန်တွေဟာ ရှေ့ဆက်ပြီးရောက်ရှိနေမှာပါ။

အဲဒီအပြင် မလေးရှားနိုင်ငံမှာ လာမယ့်အောက်တိုဘာလ ၂၆ ရက်နေ့ကျင်းပမယ့် ၄၇ ကြိမ်မြောက်အာဆီယံထိပ်သီးအစည်းအဝေးကိုလည်း ဘင်္ဂလားဒေ့ရှ်တက်နိုင်ပါတယ်။

အဲဒီ ၄၇ ကြိမ်မြောက်အာဆီယံအစည်း အဝေးမှာ အရှေ့တီမောအပါအဝင်အာဆီယံနိုင်ငံခေါင်းဆောင်တွေနဲ့အမေရိကန်၊ တရုတ်၊ ရုရှား၊ ဘရာဇီး၊ အိန္ဒိယ၊ ဩစတေးလျ၊ ကနေဒါ စတဲ့နိုင်ငံတွေကထိပ်ပိုင်းခေါင်းဆောင်တွေတက်မှာပါ။

အဲဒီအပြင်မြန်မာ့စစ်တပ်အာဏာသိမ်းခေါင်းဆောင်ဗိုလ်ချုပ်မှူးကြီးမင်းအောင်လှိုင်လည်းအစည်းအဝေးတက်မယ်လို့ ဆိုပါတယ်။

အဲဒီအာဆီယံအစည်းအဝေးဟာ ဘင်္ဂလားဒေ့ရှ်နိုင်ငံခေါ​င်းစားစရာဖြစ်နေတဲ့ ဒေသတွင်းတည်ငြိမ်ရေး၊ မူးယစ်ဆေးဝါးကိစ္စရပ်တွေကို ဆွေးနွေးနိုင်ပါတယ်။

အဲဒီအစည်းအဝေးမတိုင်မီ ကုလသမဂ္ဂ မြန်မာနိုင်ငံဆိုင်ရာစုံစမ်းစစ်ဆေးရေး ယန္တယား(IIMM)ကလည်း UNGA ညီလာခံကို တင်သွင်းမယ့်အစီရင်ခံစာကို ကြိုတင်ပြင်ဆင်ထားပြီးမို့ ဘင်္ဂလားဒေ့ရှ်ဟာ ရိုဟင်ဂျာတွေနေရပ်ပြန်ရေးနဲ့ ပတ်သက်လို့ ဆော်ဩမှုထပ်လုပ်နိုင်​တဲ့အခွင့်အလမ်းလည်းဖြစ်ပါတယ်။

ကိုးကား…

• ဘင်္ဂလားဒေ့ရှ်နိုင်ငံခြားရေးဝန်ကြီးဌာနထုတ်ပြန်ချက်တွေ။