Border News Agency
နမ့်ဆန်၊ အောက်တိုဘာ ၁၄။
တအာင်းဒေသ၊ နမ့်ဆန်မြို့နယ်၊ ကယားကြီးအုပ်စု၊ ကယားကြီးကျေးရွာရှိစာသင်ကျောင်းကို စစ်ကော်မရှင်တပ်လေကြောင်းတိုက်ခိုက်လို့ စာသင်ကျောင်းတွေပျက်စီးသွားတယ်လို့ တအာင်းပြည်ပညာရေးကောင်စီ(TLEC)က အောက်တိုဘာလ ၁၄ ရက်၊ ဒီနေ့ထုတ်ပြန်ပါတယ်။
စစ်ကော်မရှင်တပ်ဟာ တအာင်းပြည်ပညာရေးကောင်စီ(TLEC)ကဖွင့်ထားတဲ့အထက(ခွဲ)ကျောင်းတကျောင်းကို အောက်တိုဘာလ ၁၃ ရက်၊နေ့လည် ၁ နာရီအချိန်က လေကြောင်းတိုက်ခိုက်ခဲ့တယ်လို့ဆိုပါတယ်။
အဲဒီလိုလေကြောင်းတိုက်ခိုက်ခဲ့တာကြောင့် စာသင်ဆောင်နှစ်ကျောင်းပျ က်စီးခဲ့ပါတယ်။
စစ်ကော်မရှင်တပ်ဟာ နမ့်ဆန်မြို့ပေါ်နဲ့ မြို့အနီးတဝိုက်ကို လေကြောင်းကင်း ထောက်တာတွေ မကြာခဏပြုလုပ်နေတယ်လို့ဆိုပါတယ်။
အဲဒီကျောင်းမှ ကျောင်းသူ၊ကျောင်း သားတွေနဲ့ဆရာ၊မလုံခြုံရေးအတွက် ယာယီကျောင်းပိတ်ထားတာကြောင့် လူထိခိုက်တာမရှိခဲ့ပေမယ့် ကျောင်းဖွင့်ရက်ဖြစ်တဲ့တနင်္ဂလာနေ့မှာ ရွယ်ရည်ချက်ရှိရှိလေကြောင်းတိုက်ခိုက်ခဲ့တာလို့ဆိုပါတယ်။
စစ်ကော်မရှင်တပ်ဟာ စာသင်ကျောင်းနဲ့ အရပ်သားပြည်သူတွေနေထိုင်တဲ့နေရာတွေကိုရည်ရွယ်ချက်ရှိရှိတိုက်ခိုက်နေပြီးနိုင်ငံတကာလူသားချင်းစာနာမှုဥပဒေနဲ့ကလေးသူငယ်အခွင့်အရေးဆိုင်ရာဥပဒေတွေကိုချိုးဖောက်ကာ စစ်ရာဇဝတ်မှု ကျူးလွန်နေတယ်လို့ဆိုပါတယ်။
နမ့်ဆန်မြို့နယ်၊အုမ်စွမ်ကျေးရွာအုပ်စု၊ အုမ်စွမ်ကျေးရွာကိုလည်း အောက်တို ဘာလ ၁၄ ရက်၊ဒီနေ့ မနက် ၇ နာရီအ ချိန်က လေကြောင်းမှ ဗုံးငါးလုံးနဲ့တိုက် ခိုက်ခဲ့တာကြောင့်ကျောင်းသူတဦးသေ ဆုံးခဲ့ပြီး နေအိမ်အများအပြားပျက်စီးသွားခဲ့တယ်လို့ဆိုပါတယ်။
တအာင်းဒေသ၊ဘုရာကြီးအုပ်စု၊ ဇယ်တုန်ဟုန်းကျေးရွာစာသင်ကျောင်းအနီးတဝိုက်ကိုလည်း အောက်တိုဘာလ ၄ ရက်နေ့က လေကြောင်းတိုက်ခိုက်ခဲ့တာကြောင့် ကျောင်းသားနှစ်ဦးသေဆုံးခဲ့ပြီး စာသင်ကျောင်းတွေလည်း ပျက်စီးသွားခဲ့တယ်လို့ ဆိုပါတယ်။
တအာင်းပြည်ပညာရေးကောင်စီ (TLEC)ရဲ့စာရင်းအရ စစ်ကော်မရှင်လေကြာင်းတိုက်ခိုက်လို့ ကျောင်းသားနှစ်ဦးနဲ့ ကျောင်းသူ တဦး စုစုပေါင်းသုံးဦးသေဆုံးခဲ့တယ်လို့ဆိုပါတယ်။
