Border News Agency
ချင်းပြည်၊ ဒီဇင်ဘာ ၂၉။
ချင်းဒေသမှာ အာရက္ခတပ်တော်(AA)မှ ချင်းတော်လှန်ရေးတပ်ဖွဲ့ရှစ်ဖွဲ့နဲ့ ဘာသာရေး၊ လူမှုရေးအသင်းအဖွဲ့ခြောက်ဖွဲ့ကို ခရစ္စမတ်လက်ဆောင်တွေပေးခဲ့ပါတယ်။
အာရက္ခတပ်တော်ရဲ့ မဟာမိတ်တော်လှန်ရေးတပ်ဖွဲ့တွေဖြစ်တဲ့CDF-Mindat၊CDF- Matupi၊CDF-Kanpetlet၊CDF- Daai၊ MTC/MDF(Mra)၊ CNO/CNDF၊ ZFU/ PDF-Zoland၊ CPU/CPA အဖွဲ့တွေကို ခရစ္စမတ်လက်ဆောင်တွေပေးခဲ့တာပါ။
အဲဒီချင်းတော်လှန်ရေးဖွဲ့တွေအတွက် တဖွဲ့ကိုငွေကျပ် သုံးဆယ်ငါးသိန်းထိ ခရစ္စမတ်လက်ဆောင်အဖြစ် ဒီဇင်ဘာလ ၂၄ ရက်နေ့မှာပေးခဲ့ပြီး ဆုတောင်းမေတ္တာပို့သခဲ့တယ်လို့ဆိုပါတယ်။
အဲဒီအပြင် မင်းတပ်မြို့နယ်အုပ်ချုပ်ရေးရုံး၊ ကန်ပက်လက်မြို့နယ်အုပ်ချုပ်ရေးရုံးအပါအဝင် ဘာသာရေး၊ လူမှုရေး၊ ကျန်း
မာရေး၊ အုပ်ချုပ်ရေးဆိုင်ရာ အသင်းအဖွဲ့ခြောက်ဖွဲ့ကိုလည်း တဖွဲ့ကိုငွေကျပ် သုံးဆယ်ငါးသိန်းပေးခဲ့တာပါ။။
နောက်ပြီး CDF- Matupi အဖွဲ့တို့ကို နွားနှစ်ကောင်နဲ့ ဆန်အိတ်နှစ်ရာ၊ CDF-Kanpetlet အဖွဲ့တွေအတွက်ဆန်အိတ်တရာကို အာရက္ခတပ်တော်မှထပ်ပြီးပေးခဲ့ပါတယ်။
