Border News Agency
မူး၊ ဇန်နဝါရီ ၂။
ကော်သူးလေအုပ်ချုပ်မှုနယ်မြေ၊ ခလယ်လွီထူခရိုင်၊ မူးမြို့နယ်မှာ စစ်ကော်မရှင်တပ်ဖွဲ့ဝင် ငါးဦးအလင်းဝင်လာတယ်လို့ ကရင်အမျိုးသားအစည်းအရုံးမှ ဇန်နဝါရီလ ၂ ရက်၊ ဒီနေ့ထုတ်ပြန်ပါတယ်။
အဲဒီမူးမြို့နယ်မှာ စစ်ကော်မရှင်တပ်ရဲ့ခမရ-၅၉၉ တပ်ရင်းမှ အတင်းအဓမ္မစစ်မှုထမ်းစေခိုင်းခံရတဲ့ တပ်ဖွဲ့ဝင်ငါးဦးကရင်အမျိုးသားလွတ်မြောက်ရေးတပ်မတော် (KNLA)တပ်ရင်း ၈ သို့ ပြီးခဲ့တဲ့ ဒီဇင်ဘာလ ၂၉ ရက်နေ့က အလင်းဝင်လာတယ်လို့ ဆိုပါတယ်။
အဲဒီ စစ်ကော်မရှင်တပ်ဖွဲ့ဝင် အသက်ဆယ့်ခုနှစ်နှစ်အရွယ်စန်းကိုနိုင်(ခ)ကိုကို၊ အသက်နှစ်ဆယ့်ကိုးနှစ်အရွယ်ညွန့်ဇော်၊ အသက်နှစ်ဆယ့်ကိုးနှစ်အရွယ်နေလင်းထက်၊ အသက်နှစ်ဆယ့်ရှစ်နှစ်အရွယ် ကျော်ကျော်၊ အသက်သုံးဆယ်အရွယ် မြင့်သောင်တို့ အလင်းဝင်လာတယ်လို့ ဆိုပါတယ်။
စစ်ကော်မရှင်တပ်ဆီ အတင်းအဓမ္မစစ်မှုထမ်းစေခိုင်းခံရသူတွေအနေနဲ့ နီးစပ်ရာတော်လှန်ရေးတပ်ဖွဲ့တွေကို ဆက်သွယ်ကာဘက်ပြောင်းခိုလှုံကြဖို့ ကရင်အမျိုးသားအစည်းအရုံးမှ တိုက်တွန်းထားပါတယ်။
