Border News Agency
စစ်ကိုင်း၊ ဇန်နဝါရီ ၁၀။
စစ်ကိုင်းတိုင်း၊ မုံရွာမြို့အနောက်မြောက်တိုင်းစစ်ဌာနချုပ်ကိုဆင်းတဲ့ စစ်ရဟတ်ယာဉ်(MI 17P )ကို ထိမှန်အောင်ပစ်ခတ်နိုင်ခဲ့တယ်လို့ မုံရွာခရိုင် အမှတ် ၂၀ တပ်ရင်း(BOB Battalion of Budalin) ကဇန်နဝါရီလ ၁၀ ရက်၊ ဒီနေ့ထုတ်ပြန်ပါတယ်။
ကန့်ဘလူ ၆၀၀၆ မှ မုံရွာမြို့နမခ ကို ဆင်းတဲ့အချိန် ဇန်နဝါရီလ ၈ ရက်၊ နေ့လည် ၂ နာရီအချိန်က ပစ်ခတ်ခဲ့တာလို့ဆိုပါတယ်။
အဲဒီစစ်ရဟတ်ယာဉ်က ခေါင်းပိုင်း နဲ့ အမြီးပိုင်းထိမှန်ခဲ့သလို ရဟတ်ယာဉ်အောက်သို့အကျမှာ ပေါက်ကွဲသံကြားခဲဲ့ရတယ်လို့ ဆိုပါတယ်။
အဲဒီပစ်ခတ်မှုကို မုံရွာခရိုင်အမှတ်၂၀ တပ်ရင်း BOB ရဲ့ စီစဥ်မူ့နဲ့ သပိတ်ကျင်းတိုက်နယ်(ပကဖ)၊ အရာတော်မြို့နယ်(ပကဖ)တွေကမုံရွာခရိုင်(ပကဖ)ရဲ့ ထောက်ပံ့မှုနဲ့ လုပ်ခဲ့တာလို့ဆိုပါတယ်။
