Border Nwes Agency
မူး၊ ဇန်နဝါရီ ၂၁။
ကော်သူးလေအုပ်ချုပ်မှုနယ်မြေ၊ ခလယ်လွီထူခရိုင်၊ မူးမြို့နယ်စီမံအုပ်ချုပ်နယ်မြေမှာ စစ်ကော်မရှင်တပ်လေကြောင်းတိုက်ခိုက်လို့ အရပ်သားတဦးဒဏ်ရာရသွားတယ်လို့ ကေအဲန်ယူ – ကရင်အမျိုးသားအစည်းအရုံးက ဇန်နဝါရီလ ၂၁ရက်၊ ဒီနေ့ထုတ်ပြန်ပါတယ်။
အဲဒီလှေဒုံးကျေးရွာဇန်နဝါရီလ ၁၉ ရက်နေ့က စစ်ကော်မရှင်တပ်ရဲ့ခမရ – ၃၀၇ မှဒရုန်းနဲ့တိုက်ခိုက်ခဲ့တာကြောင့် အသက်ခြောက်ဆယ်အရွယ် ဦးရွှေမြင့်ဒဏ်ရာရသွားခဲ့တယ်လို့ ဆိုပါတယ်။
အဲဒီအပြင်တောင်ငူလေတပ်မှ ကွီးဒိုခေါ်အုပ်စုအတွင်းကို စစ်ကော်မရှင်တပ်လေကြောင်းမှ ပေါင် ၃၀၀ ဗုံးနှစ်လုံးနဲ့တိုက်ခိုက်ခဲ့တာကြောင့် နွားတကောင်ဒဏ်ရာရသွားတယ်လို့ ဆိုပါတယ်။
အဲဒီဆောထိမြို့နယ် အင်းပုဝါကျေးရွာကို ခမရ – ၂၆၄ တပ်မှ ၈၁ မမ လက်နက်ကြီးနှစ်လုံးနဲ့ ရည်ရွယ်ချက်ရှိရှိပစ်ခတ်ခဲ့တာကြောင့် ဦးမောင်မြင့်နေအိမ်ခြံဝင်းထဲမှ နွားတကောင်ဒဏ်ရာရသွားပြီး နွားလှည်းတစီးထိခိုက်ပျက်စီးသွားတယ်လို့ ဆိုပါတယ်။
အဲဒါကြောင့်စစ်ကော်မရှင်တပ်ရဲ့ အရပ်သားပြည်သူကိုပစ်မှတ်ထားတဲ့ အကြမ်းဖက်လုပ်ရပ်တွေကြောင့် အရပ်သားပြည်သူ ထိခိုက်သေဆုံးတာတွေ၊ အိုးအိမ်ပစ္စည်းဥစ္စာပျက်စီးဆုံးရှုံးတာတွေနဲ့ ကြုံတွေ့နေကြရသလို စိုးရိမ်ကြောက်လန့်နေကြတယ် လို့ဆိုပါတယ်။
