Border News Agency
ထိုင်း၊ ဇန်နဝါရီ ၂၅။
ထိုင်းနိုင်ငံ၊ ချင်းမိုင်ခရိုင်၊ မယ်ရင်မြို့က လူနေအိမ်တအိမ်မှာ ဇန်နဝါရီလ ၂၄ ရက်နေ့၊ နေ့လည်ပိုင်းကမီးလောင်မှုဖြစ်ပွားခဲ့လို့ ဂိုဒေါင်ထဲမှာရပ်ထားတဲ့ ကားခြာက်စီးမီးလောင်ပျက်စီးသွားခဲ့ပါတယ်။
အဲဒီမီးဟာ နေ့လည် ၁၂ နာရီခွဲလောက်မှာ အမှတ် ၁၂ ရပ်ကွက်၊ “ဘန်ပါမွန်” ရွာရှိ နေအိမ်တအိမ်အိမ်ကနေ စပြီးလောင်ကျွမ်းခဲ့တာလို့ သိရပါတယ်။
အဲဒီအခင်းဖြစ်နေရာကို မယ်ရင်မြို့က မီးသတ်တပ်ဖွဲ့ဝင်တွေနဲ့ ကယ်ဆယ်ရေးအဖွဲ့တွေ ဝိုင်းဝန်းငြှိမ်းသတ်ခဲ့ကြပေမယ့် မီးအရှိန်ပြင်းတာကြောင့် ကားဂိုဒေါင်ကို မြန်မြန်ဆန်ဆန် ကူးစက်သွားခဲ့တာပါ။
အဲဒီမီးလောင်မှုအတွင်း လူထိခိုက်ဒဏ်ရာရတာမျိုးတော့ မရှိခဲ့ဘူးလို့ ကယ်ဆယ်ရေးအဖွဲ့တွေရဲ့ မှတ်တမ်းအရ သိရပါတယ်။
အဲဒီမီးလောင်ရတဲ့ အကြောင်းရင်းနဲ့ ပျက်စီးဆုံးရှုံးမှု တန်ဖိုးပမာဏဘယ်လောက်ရှိတယ်ဆိုတာကို သက်ဆိုင်ရာ ရဲတပ်ဖွဲ့နဲ့ တာဝန်ရှိသူတွေက ဆက်လက်စစ်ဆေးနေဆဲ ဖြစ်ပါတယ်။
