Border News Agency
မဲဆောက်၊ ဖေဖော်ဝါရီ ၃။
ထိုင်း – မြန်မာနယ်စပ်မဲဆောက်မြို့မှာ ဖေဖော်ဝါရီလ၂ ရက်၊ မနက်ပိုင်းက တရားမဝင်အလုပ်လုပ်ကိုင်နေတဲ့ မြန်မာနိုင်ငံသားခြောက်ဦးကို ထိုင်းအာဏာပိုင်တွေက ဖမ်းဆီးလိုက်ပါတယ်။
အဲဒီဖမ်းဆီးခံရတဲ့ မြန်မာနိုင်ငံသားတွေဟာ ထိုင်းနိုင်ငံမှာနိုင်ငံခြားသား အလုပ်သမားတွေလုပ်ကိုင်ခွင့်မရှိတဲ့ တားမြစ်အလုပ်တွေဖြစ်တဲ့ စျေးဆိုင်ရောင်းတာ၊ စက်ချုပ်တာ၊ စက်ဘီးပြင်တာနဲ့ အေဂျင်စီလုပ်ငန်းတွေမှာ ဝင်ရောက်လုပ်ကိုင်နေတာကြောင့် ဖမ်းဆီးခံရတာလို့ တာ့က်ခရိုင်လူဝင်မှုကြီးကြပ်ရေးဌာနက ထုတ်ပြန်ထားပါတယ်။
အဲဒီဖမ်းဆီးခံရသူတွေကို မဲဆောက်ရဲစခန်းမှာထိန်းသိမ်းထားပြီး ထိုင်းဥပဒေအရအရေးယူသွားဖို့ ပြင်ဆင်နေပါတယ်။
အဲဒီမဲဆောက်မြို့မှာ ထိုင်းအာဏာပိုင်တွေက တရားမဝင်အလုပ်သမားတွေနဲ့ တားမြစ်အလုပ်လုပ်ကိုင်နေသူတွေကို မြို့အနှံ့မှာနေ့တိုင်းလိုလို လိုက်လံစစ်ဆေးဖမ်းဆီးနေတယ်လို့ သိရပါတယ်။
အဲဒီထိုင်းနဲ့မြန်မာကြား ပဋိပက္ခတချို့ကြောင့် တရားမဝင်လုပ်သားတွေကို လိုက်လံဖမ်းဆီးနေတာမို့ ထိုင်းရောက်မြန်မာတွေအနေနဲ့ ဥပဒေနဲ့ယဉ်ကျေးမှုကိုအလေးထားပြီး အနေအထိုင်ဆင်ခြင်ကြဖို့ မြန်မာအရေးလှုပ်ရှားသူတွေက သတိပေးထားပါတယ်။
