Border News Agency
တဲလ်အဗီးဗ်၊ မတ် ၆ ။
အီရန်နိုင်ငံကနေ ခိုရမ်ရှာ-၄ (Khorramshahr-4) အမျိုးအစား အလတ်စားပစ်ဒုံးကျည်နဲ့အစ္စရေးနိုင်ငံ၊တဲလ်အဗီးဗ်မြို့နဲ့ မီဝါဇဲရက်ဇိအွန်မြို့တွေကို မတ်လ ၅ ရက်၊ညအချိန်မှာ ပစ်ခတ်တိုက်ခိုက်ခဲ့တယ်လို့ ဒေသတွင်းမီဒီယာတွေနဲ့ ပြည်သူတွေကဆိုကြပါတယ်။
အဲဒီဒုံးကျည်ဟာ ဝေဟင်မှာတင် ထိပ်ဖူးအသေးပေါင်း ၁၀၀ ကျော်အဖြစ် ကွဲထွက်သွားပြီး အစ္စရေးမြို့ပေါ်ကို တပြိုင်နက်တည်း ကျရောက်ပေါက်ကွဲခဲ့တာ ဖြစ်ပါတယ်။
အဲဒါဟာ အီရန်ရဲ့ အဆင့်မြင့်ဒုံးကျည်နည်းပညာကို အသုံးပြုပြီး တိုက်ခိုက်ခဲ့တာလို့ စစ်ရေးလေ့လာသူတွေက ဆိုပါတယ်။
အစ္စရေးရဲ့ လေကြောင်းရန်ကာကွယ်ရေးစနစ်တွေက ဒုံးကျည်တချို့ကို ကြားဖြတ်ပစ်ချနိုင်ခဲ့ပေမယ့် ထိပ်ဖူးအသေးအမြောက်အမြား တပြိုင်တည်းကျလာတာကြောင့် မြို့တွင်းနေရာတချို့မှာ ထိခိုက်ပျက်စီးမှုတွေ ရှိနေတယ်လို့ သိရပါတယ်။
အဲဒီ တဲလ်အဗီးဗ်မြို့တခွင်မှာ လေကြောင်းရန်သတိပေးဥဩသံတွေ ဆက်တိုက်ထွက်ပေါ်နေပြီး ပြည်သူတွေကို ဘေးကင်းရာ ခိုလှုံရာနေရာတွေဆီ အမြန်ဆုံးသွားကြဖို့ အာဏာပိုင်တွေက နှိုးဆော်ထားပါတယ်။
ဒီတိုက်ခိုက်မှုကြောင့် လူသေဆုံးဒဏ်ရာရမှု အခြေအနေအသေးစိတ်ကိုတော့ အစ္စရေးစစ်တပ်ဘက်က အတည်ပြုဖို့ ကြိုးစားနေဆဲဖြစ်ပြီး ဒါဟာ အီရန်ဘက်ကနေ အပြင်းထန်ဆုံး တုံ့ပြန်တိုက်ခိုက်မှုတခုလည်းဖြစ်တယ်လို့ ဆိုပါတယ်။
