Border News Agency
ရန်ကုန်၊ မတ် ၆ ။
ရုရှားရေတပ်ပစိဖိတ်စစ်ရေယာဉ်စုက စစ်သင်္ဘော ၃ စီးဟာ ချစ်ကြည်ရေးခရီးစဉ်အဖြစ် မတ်လ ၅ ရက်၊ မနေ့က ရန်ကုန်မြို့၊ သီလဝါဆိပ်ကမ်းကို ရောက်ရှိလာပါတယ်။
အဲဒီရောက်ရှိလာတဲ့သင်္ဘောတွေဟာ Sovershenyi နဲ့ Rezkiy လို့ခေါ်တဲ့ ကော်ဗက်စစ်ရေယာဉ် ၂ စီးနဲ့ Pechenga ဆီတင်သင်္ဘော ၁ စီးတို့ဖြစ်ပြီး အရာရှိနဲ့ စစ်သည် အင်အား ၃၅၀ ကျော် လိုက်ပါလာတာပါ။
ဒီခရီးစဉ်ကို Captain 1st Rank Andrei Gaevoi က ဦးဆောင်လာတာဖြစ်ပြီး၊ မြန်မာနိုင်ငံမှာ မတ်လ ၁၀ ရက်နေ့အထိ ၆ ရက်ကြာ နေထိုင်သွားမှာဖြစ်ပါတယ်။
နေထိုင်စဉ်အတွင်း လေ့လာလည်ပတ်မှုတွေအပြင် နှစ်နိုင်ငံချစ်ကြည်ရေးအားကစားပြိုင်ပွဲတွေကိုလည်း လုပ်ဆောင်သွားဖို့ ရှိနေတယ်လို့ စစ်ကော်မရှင်က ထုတ်ပြန်ထားပါတယ်။
ရန်ကုန်ဆိပ်ကမ်းကို ရောက်ရှိလာတဲ့ ရုရှားစစ်သင်္ဘောတွေကို စစ်ကော်မရှင်တပ်ရဲ့ရေက တာဝန်ရှိသူတွေနဲ့ ရုရှားစစ်သံမှူးတို့ သွားရောက်ကြိုဆိုခဲ့ကြပါတယ်။
ဒါဟာမကြာသေးခင်ကမှ မြန်မာနဲ့ ရုရှားကြား စစ်ရေးပူးပေါင်းဆောင်ရွက်မှုတွေ တိုးမြှင့်နေတဲ့ကာလအတွင်း ရုရှားရေတပ်ရဲ့ ခရီးစဉ်တခုလည်း ဖြစ်ပါတယ်။
