Border News Agency
မဲဆောက်၊မတ် ၁၁။
ထိုင်းနိုင်ငံ၊ တာ့ခ်ခရိုင်၊ မဲဆောက်မြို့နယ်ထဲက အထည်ချုပ်စက်ရုံ ၄ ရုံကို မတ်လ ၁၁ ရက်၊ ဒီနေ့ မနက်က တာဝန်ရှိသူတွေဝင်ရောက်စစ်ဆေးခဲ့ရာမှာ အလုပ်လုပ်ကိုင်ခွင့်အထောက်အထားမရှိတဲ့ မြန်မာလုပ်သား ၃၀ ကျော် ဖမ်းဆီးခံလိုက်ရတယ်လို့ Thai PBS သတင်းအရ သိရပါတယ်။
မဲဆောက်မြို့နယ်အုပ်ချုပ်ရေးမှူးရဲ့ ညွှန်ကြားချက်နဲ့ စစ်တပ်၊ ရဲနဲ့အလုပ်သမားရေးရာဌာန ပူးပေါင်းအဖွဲ့တွေက နယ်မြေအတွင်းက လုပ်ငန်းခွင်တွေကို ရှောင်တခင်စစ်ဆေးခဲ့တာပါ။
အဲဒီဖမ်းဆီးခံရတဲ့ မြန်မာလုပ်သားတွေဟာ နေရပ်မှာစိုက်ပျိုးရေးလုပ်ငန်းတွေပြီးသွားလို့ အလုပ်အကိုင်သစ်ရှာဖို့ ထိုင်းဘက်ကို အထောက်အထားမရှိဘဲ ကူးလာကြသူတွေဖြစ်တယ်လို့ သိရပါတယ်။
အဲဒီဖမ်းဆီးရမိတဲ့ မြန်မာလုပ်သား ၃၀ ကျော်ကို ဥပဒေအရအရေးယူဖို့အတွက် သက်ဆိုင်ရာမှာဖမ်းဆီးထိန်းသိမ်းထားတယ်လို့သိရပါတယ်။
