Border News Agency
ပဲခူး၊ မတ် ၁၃။
အမျိုးသားညီညွတ်ရေးအစိုးရ(NUG)၊ ပြည်သူ့ကာကွယ်ရေးတပ်မတော်(PDF)အထူးတိုင်းစစ်ဌာနရဲ့ အခြေခံစစ်ပညာသင်တန်းဆင်းပွဲကို ပြီးခဲ့တဲ့ မတ်လ ၄ ရက်နေ့က ပဲခူးတိုင်းအတွင်းမှာရှိတဲ့ လေ့ကျင့်ရေးသင်တန်းကျောင်းတခုမှာ ကျင်းပခဲ့ပါတယ်။
အဲဒီသင်တန်းကို အထူးတိုင်းစစ်ဌာနကွပ်ကဲမှုအောက်မှာရှိတဲ့ တပ်ရင်းတပ်ဖွဲ့တွေက သင်တန်းသား၊ သင်တန်းသူတွေတက်ရောက်ခဲ့ကြတာပါ။
အခမ်းအနားမှာ PDF စစ်ဦးစီးချုပ်ရဲ့ ဂုဏ်ပြုသဝဏ်လွှာကိုဖတ်ကြားခဲ့သလို စစ်ရုံးချုပ်ကတာဝန်ရှိသူတွေနဲ့ အထူးတိုင်းစစ်ဌာနတိုင်းကွပ်ကဲရေးမှူးတို့က သင်တန်းဆင်းမိန့်ခွန်းတွေ ပြောကြားခဲ့ကြပါတယ်။
ဒါ့အပြင် သင်တန်းအတွင်းထူးချွန်တဲ့ ကျောင်းသားတွေကိုလည်း စစ်ရုံးချုပ်ကတာဝန်ရှိသူတွေက ဂုဏ်ပြုဆုငွေတွေချီးမြှင့်ခဲ့ကြတယ်လို့ သိရပါတယ်။
အဲဒီ PDF အမှတ် ၁ စစ်ဆင်ရေးနယ်မြေအတွင်းကတပ်ရင်းတွေဟာ စစ်ရေးစွမ်းရည်တိုးတက်လာစေဖို့ အခုလိုအခြေခံစစ်ပညာသင်တန်းတွေကို ဆက်တိုက်လုပ်ဆောင်နေတာဖြစ်ပါတယ်။
အထူးတိုင်းစစ်ဌာနအနေနဲ့လည်း နယ်မြေစိုးမိုးရေးနဲ့ စစ်ဆင်ရေးလုပ်ငန်းတွေမှာ ပိုမိုထိရောက်အောင်ပြင်ဆင်နေတာလည်းဖြစ်ပါတယ်။
