Border News Agency
ထန်းတပင်၊ မတ် ၁၅။
ရန်ကုန်တိုင်း၊ ထန်းတပင်မြို့နယ် ဒေးလိုကျေရွာအုပ်စုကို စစ်ကော်မရှင်တပ်လက်နက်ကြီးပစ်ခတ်လို့ အရပ်သားသုံးဦးဒဏ်ရာရသွားခဲ့တယ်လို့ ကရင်အမျိုးသားအစည်းအရုံးမှ မတ်လ ၁၅ရက်၊ ဒီနေ့ထုတ်ပြန်ပါတယ်။
အဲဒီထန်းတပင်မြို့နယ်၊ သဌေးကုန်းကျေးရွာကို မတ်လ ၁၀ ရက်၊ ညနေပိုင်း ၄နာရီ ၃၄မိနစ်အချိန်ခန့်က သံတောင်မြို့ရှိစစ်ကော်မရှင်တပ်မှ ရည်ရွယ်ချက်ရှိရှိလက်နက်ကြီးပစ်ခတ်တိုက်ခိုက်ခဲ့တာလို့ ဆိုပါတယ်။
အဲဒီလိုပစ်ခတ်တိုက်ခိုက်ခဲ့တာကြောင့် သဌေးကုန်းကျေးရွာနေ အသက်သုံးဆယ့်ကိုးနှစ်အရွယ် နော်နိုလင်း ၊ အသက်ကိုးနှစ်အရွယ် စောဖောဆဲဂေမူးနဲ့ အသက်သုံးနှစ်အရွယ် စောဒစ်ဗစ်ထွန်းဒဏ်ရာရရှိခဲ့တယ်လို့ ဆိုပါတယ်။
စစ်ကော်မရှင်တပ်ဟာ အရပ်သားပြည်သူတွေနေထိုင်ရာနေရာကို လေကြောင်း၊ လက်နက်ကြီး၊ ဒရုန်းတွေနဲ့ ရည်ရွယ်ချက်ရှိရှိပစ်ခတ်တိုက်ခိုက်နေတာကြောင့် အရပ်သားပြည်သူတွေ သေဆုံး၊ဒဏ်ရာရနေကြပါတယ်။
