Border News Agency
မကွေး၊ မတ် ၂၅။
မကွေးတိုင်း၊ ယောဒေသရှိ ယောကာကွယ်ရေးတပ်စခန်းကို စစ်ကော်မရှင်တပ်လေကြောင်းတိုက်ခိုက်တာတွေလုပ်နေတယ်လို့ မတ်လ ၂၄ ရက်နေ့ကယောကာကွယ်ရေးတပ်ထုတ်ပြန်ပါတယ်။
စစ်ကော်မရှင်တပ်ဟာ မတ်လ ၂၄ရက် ၊နေ့လယ် ၁၂နာရီ ၄၀မိနစ်အချိန်ခန့်က ယောကာကွယ်ရေးတပ်စခန်းတွေကိုလေကြောင်းတိုက်ခိုက်ခဲ့တာပါ။
အဲဒီစခန်းတွေကို စစ်ကော်မရှင်တပ်ကတိုက်လေယာဥ်ခြောက်စီးထိအသုံးပြုပြီးအကြိမ်ကြိမ်တိုက်ခိုက်နေတာဖြစ်သ လိုပေါင်းငါးရာဗုံးတွေအပါအဝင်စက် သေနတ်နဲ့လည်းပသ်ခတ်သွားတယ်လို့ဆိုပါတယ်။
အဲဒီတိုက်ခိုက်မှုကြောင့် ယောကာကွယ်ရေးတပ်ရိက္ခာဆောင်နဲ့ဒရုန်းဆောင်အပါအဝင် အဆောင်လေးလုံးပျက်စီးခဲ့တယ်လို့ ဆိုပါတယ်။
အဲဒီလိုတိုက်ခိုက်မှုကြောင့် အရပ်သားနှစ်ဦးသေဆုံးခဲ့သလို အရပ်သားနှစ်ဦးဒဏ်ရာရသွားခဲ့ပြီး ယောကာကွယ်ရေးတပ် ရဲဘော်နှစ်ဦးလည်း ဒဏ်ရာရသွားခဲ့တယ်လို့ ဆိုပါတယ်။
ယောကာကွယ်ရေးတပ်ဟာ စစ်ကော်မ ရှင်တပ်ရဲ့ အဓိကစစ်ရေးပစ်မှတ်အဖြစ်သတ်မှတ်ခံထားရပေမယ့် မလျှော့တဲ့ဇွဲလုံ့လတွေနဲ့ တော်လှန်ရေးအောင်နိုင်ဖို့အတွက် ရှေ့ဆက်ပြီးစနစ်တကျစစ်ရေးပြင်ဆင်မှုတွေကို ပြုလုပ်သွားမယ်လို့ ဆိုပါတယ်။
