Border News Agency
တီးတိန်၊ ဧပြီ ၂။

PDF ZOLAND ရဲ့အခြေခံစစ်ပညာသင်တန်း အပတ်စဉ် ၁၈ ဆင်းပွဲကို ပြီးခဲ့တဲ့ မတ်လ ၃၀ ရက်နေ့က ကျင်းပပြုလုပ်ခဲ့တယ်လို့ ထုတ်ပြန်ပါတယ်။

“ကိုယ့်ကံကြမ္မာ ကိုယ်ဖန်တီးဖို့” ဆိုတဲ့ ရည်မှန်းချက်နဲ့အတူ မိမိတို့ရဲ့တီးတိန်မြို့ကို ကိုယ်တိုင်တိုက်ယူနိုင်ဖို့အတွက် အခုလိုစစ်ရေးလေ့ကျင့်မှုတွေကို အားသွန်ခွန်စိုက် ပြင်ဆင်နေတာလို့ဆိုပါတယ်။

​ချင်းညီနောင်စစ်ဆင်ရေးရဲ့ အစိတ်အပိုင်းတခုဖြစ်တဲ့ တီးတိန်စစ်ဆင်ရေးမှာ အောင်လံအတူတူ စိုက်ထူနိုင်ဖို့အတွက် ရဲဘော်သစ်တွေကို မွေးထုတ်ပေးလိုက်တာပါ။

​တီးတိန်မြို့ကို ပြည်သူ့လက်ထဲ ပြန်လည်ရောက်ရှိရေးအတွက် ပြည်တွင်း၊ ပြည်ပမှာရှိတဲ့ ဇိုမီးပြည်သူအားလုံးအနေနဲ့ ဒီစစ်ဆင်ရေးမှာ အတူတကွ ပါဝင်အားဖြည့်ပေးကြဖို့ကိုလည်း PDF ZOLAND က တိုက်တွန်းထားပါတယ်။

PDF ZOLAND အနေနဲ့ မြို့သိမ်းတိုက်ပွဲတွေအတွက် အမြဲတမ်းအသင့်ရှိနေပြီး သမိုင်းသစ်ကိုအတူတူရေးထိုးကြဖို့ ပြည်သူတွေကို ဖိတ်ခေါ်ထားပါတယ်။