Border News Agency
မကွေး၊ သြဂုတ် ၁၉။

မကွေးတိုင်း၊ ဆိတ်ဖြူမြို့နယ်ရှိ ကျေးရွာသုံးရွာကို သြဂုတ်လ ၁၉ ရက်နေ့၊ မနက်က စစ်ကော်မရှင်တပ်လေကြောင်းတိုက်ခိုက်လို့ အရပ်သားဆယ်ဦးသေ ဆုံးသွားခဲ့တယ်လို့ ဒေသခံတွေက ဆိုကြပါတယ်။

စစ်ကော်မရှင်တပ်ဟာ ကျွန်းတော၊ ငါးချဥ်ချောင်း၊ ရှားလှကျေးရွာတွေကိုရွယ်ရည်ချက်ရှိရှိလေကြောင်းတိုက်ခိုက်ခဲ့တာမို့ အရပ်သားတွေအပြင် နွားရှစ်ကောင်လည်း သေဆုံးသွားခဲ့ပါတယ်။

အဲဒီဆိတ်ဖြူမြို့နယ် ကျွန်းတောကျေးရွာကို တိုက်ပွဲဖြစ်ပွားတာမရှိဘဲ ၁၂၀ မမ ငါးလုံးပစ်ခတ်တိုက်ခိုက်ခဲ့တာကြောင့် အမျိုးသားနှစ်ဦး၊ အမျိုးသမီးသုံးသေဆုံးသွားခဲ့သလိုရှစ်ဦးဒဏ်ရာရသွားခဲ့ပြီးပါတယ်။

အဲဒီငါးချဥ်ချောင်းကျေးရွာကိုလည်း စစ်ကောင်စီက ၁၂၀ မမတလုံးကြဲချခဲ့တာကြောင့်နွတကောင်သေဆုံးခဲ့ပြီးနေအိမ် တလုံးပျက်စီးခဲ့တယ်လို့ဆိုပါတယ်။

အဲဒီအပြင်ရှားလှကျေးရွာကို ၁၂၀ မမသုံးလုံးကြဲချတိုက်ခိုက်ခဲ့တာကြောင့် အမျိုးသမီးနှစ်ဦးနဲ့အမျိုးသားသုံးဦးသေဆုံးပြီး နွားလေးကောင် သေဆုံးခဲ့တယ်လို့ ဒေသခံတွေက ဆိုကြပါတယ်။

အဲဒီကျေးရွာသုံးခုကို စစ်ကော်မရှင်တပ်မှ ဒီနေ့တရက်တည်းမှာ တချိန်တည်း လေကြောင်းတိုက်ခိုက်ခဲ့တာလို့ ဒေသခံတွေကဆိုကြပါတယ်။

မြန်မာပြည်အနှံ့မှာ လေကြောင်းတိုက်ခိုက်မှုတွေကို စစ်ကော်မရှင်တပ်နေ့စဥ်ရက်ဆက်ပြုလုပ်နေတာမို့ အရပ်သားပြည်သူတွေ နေ့စဥ်သေဆုံးဒဏ်ရာရနေကြပါတယ်။

စစ်ကော်မရှင်တပ်ဟာ လေကြောင်းတိုက်ခိုက်မှုတွေကို ပိုမိုပြုလုပ်လာနေပေမယ့် ကမ္ဘာ့ကုလသမဂ္ဂ၊အာဆီယံအပါအ ဝင် နိုင်ငံတကာအစိုးရတွေက ထိရော က်တဲအရေးယူတာတွေမရှိကြဘူးလို့မြန်မာပြည်သူတွေက ဆိုကြပါတယ်။