Border News Agency
မြောက်ဦး၊သြဂုတ် ၂၆။
အာရက္ခတပ်တော်(AA)ထိန်းချုပ်ထားတဲ့မြောက်ဦးမြို့ကို ဩဂုတ်လ၂၅ ရက်နေ့ညက စစ်ကော်မရှင်တပ်က လေကြောင်းတိုက်ခိုက်လို့ အရပ်သား ၁၁ ဦးသေဆုံးပြီး ၂၁ ဦး ဒဏ်ရာရရှိသွားတယ်လို့ မြောက်ဦးမြို့ခံတွေက ဆိုကြပါတယ်။
မြောက်ဦးမြို့၊အောင်တပ်အုပ်စု၊ဒိုင်းကျီရပ်ကွက်ကို သြဂုတ်လ ၂၅ ရက်နေ့ည ၁၁ နာရီကျော်အချိန်က စစ်ကော်မ ရှင်တပ်က လေကြောင်းမှပေါင်းငါးရာဗုံးကြဲတိုက်ခိုက်ခဲ့တာပါ။
အဲဒီဗုံးဟာ ဒိုင်းကျီရပ်ကွက်ရှိစိုက်ပျိုးရေးဂိုဒေါင်အနီး ကျရောက်ပေါက်ကွဲပြီးအနီးရှိအရပ်သားပြည်သူတွေ သေ ဆုံးဒဏ်ရာရခဲ့ကြတာပါ။
အဲဒီအထဲမှာ ကလေးသူငယ်တွေ၊ အမျိုးသမီးတွေ၊သက်ကြီးရွယ်အိုတွေလည်းပါဝင်ပြီး ဒဏ်ရာပြင်းထန်သူတွေလည်းပါဝင်ပါတယ်။
စစ်ကော်မရှင်တပ်ဟာ အရပ်သားပြည်သူနေရာတွေကို ရည်ရွယ်ချက်ရှိရှိလေကြောင်းလေကြောင်းတိုက်ခိုက်မှုတွေနေ့စဥ်လိုလိုပြုလုပ်နေတာမို့ အရပ်သားပြည်သူတွေ သေဆုံးဒဏ်ရာရနေကြပါတယ်။
