Border News Agency
ကျောက်မဲ၊ စက်တင်ဘာ ၄။
ကျောက်မဲမြို့နယ်ကို စစ်ကော်မရှင်တပ်လေကြောင်းတိုက်ခိုက်လို့ အမျိုးသမီးတဦးဒဏ်ရာရသွားပြီး နေအိမ်လေးလုံးပျက်စီးသွားတယ်လို့ တအာင်းတပ်မတော်က စက်တင်ဘာလ ၄ ရက်၊ ဒီနေ့ထုတ်ပြန်ပါတယ်။
စစ်ကော်မရှင်တပ်ဟာ ကျောက်မဲမြို့ နယ်၊ ပန်သပြေကျေးရွာနဲ့ ပန်ကွမ်ကျေးရွာကိုစပေါင် ၂၅၀ ဗုံးနှစ်လုံးဗုံးနဲ့တိုက်ခိုက်ခဲ့တာကြောင့် အမျိုးသမီးတဦးဒဏ်ရာရသွားပြီး၊ နေအိမ်လေးလုံး၊ စာသင်ကျောင်းတကျောင်းနဲ့ စေတီပုထိုးတွေပျက်စီးသွားခဲ့တယ်လို့ဆိုပါတယ်။
ကျောက်မဲမြို့နယ်၊ ပန်သပြေကျေးရွာကို ဒီနေ့နေ့လည် ၁၂ နာရီ ၂၂ မိနစ်အချိန်က ရော့ကတ်ဗုံးတွေနဲ့ ပစ်ခတ်တိုက်ခိုက်ခဲ့တာကြောင့်အမျိုးသမီးတဦးဒဏ်ရာရသွားပြီး နေအိမ်လေးလုံးနဲ့စာသင်ကျောင်းတကျောင်းပျက်စီးသွားခဲ့တယ်လို့ဆိုပါတယ်။
အဲဒီအပြင်ပန်ကွမ်ကျေးရွာသို့ ၁၀ နာရီ ၃၀ မိနစ်အချိန်ကတိုက်ပွဲဖြစ်ပွားတာမရှိဘဲ စစ်ကောင်စီတပ်မှပေါင်၂၅၀ ဗုံးနှစ်လုံးနဲ့တိုက်ခိုက်ခဲ့တာကြောင့် စေတီပုထိုးတွေလည်းပျက်စီးသွားခဲ့တယ်လို့ ဆိုပါတယ်။
သီပေါမြိုနယ်၊ ဘော်ကြိုကျေးရွာသို့ စက်တင်ဘာလ ၂ ရက်နေ့ကလည်းလေကြောင်းမှ ပေါင်၂၅၀ ဗုံးနှစ်လုံးနဲ့တိုက်ခိုက်ခဲ့တာကြောင့်အမျိုးသားတဦးဒဏ်ရာရသွားသလိုနေအိမ်သုံးလုံး ပျက်စီးသွားခဲ့တယ်လို့ ဆိုပါတယ်။
အဲဒါကြောင့်စစ်ကောင်စီတပ်လေကြောင်းရန်ကိုရှောင်နိုင်ဖို့ စစ်ရေးသတိအမြဲရှိဖို့လိုအပ်ပြီး လေကြောင်းရန်ကာကွယ်ရေး ဆိုင်ရာနည်းလမ်းတွေကို ပြည်သူတွေလိုက်နာကြဖို့လိုအပ်တယ်လို့ တအာင်းတပ်မတော်က အသိပေးထုတ်ပြန်ထားပါတယ်။
