Border News Agency
ရန်ကုန်၊စက်တင်ဘာ ၇။
အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ ရန်ကုန်တိုင်းပကဖအဖွဲ့ ရဲဘော်တွေကို စစ်သည်တော်ကျင့်ဝတတ်နဲ့စစ်ဘက်ဆိုင်ရာဥပဒေသင်တန်းကို ပြုလုပ်ခဲ့တယ်လို့ ပကဖအသံမှ စက်တင်ဘာလ ၆ ရက်၊ မနေ့ကထုတ်ပြန်ပါတယ်။
အဲဒီသင်တန်းကို စက်တင်ဘာလ ၁ရက်နေ့မှ ၃ ရက်နေ့ထိအွန်လိုင်းမှပြုလုပ်ခဲ့ပြီး သင်တန်းကို ရန်ကုန်တိုင်းပကဖတိုက်ခိုက်ရေးတပ်ဖွဲ့တွေ၊ခရိုင်ဦးစီးတာဝန်ခံတွေ၊ ရေးရာတာဝန်ခံတွေ၊ တပ်ဖွဲ့မှူးတွေနဲ့ရဲဘော်တွေ တက်ရောက်ခဲ့ကြတယ်လို့ဆိုပါတယ်။
အဲဒီသင်တန်းမှာ စစ်သည်တော်ကျင့်ဝတ်၊ စစ်ဘက်ဆိုင်ရာဥပဒေတွေ၊ အမှုဖြစ်စဉ်တွေ၊ ဥပဒေကျင့်ဝတ်သဘောတရားတွေကို လက်ထောက်-စစ်ဥပဒေချုပ်ဆရာဦးမောင်မောင်ကသင်ပေးခဲတာလို့ဆိုပါတယ်။
ပြည်သူ့ကာကွယ်ရေးတပ်မတော်နဲ့ပြည်သူ့ကာကွယ်ရေးအဖွဲ့ကို ကျင့်ဝတ်၊ ဥပဒေလိုက်နာကာတိုက်စွမ်းရည်ပြည့်ဝတဲ့ အင်အားစုဖြစ်လာအောင်ကာကွယ်ရေးဝန်ကြီးဌာနက စနစ်တကျတည်ဆောက်နေတယ်လို့ဆိုပါတယ်။
