အင်တာဗျူး
Border News Agency
ကျောက်တော်၊ ဇူလိုင် ၈။
အာရက္ခဒေသမှာ မိုးအဆက်မပြတ်ရွာ သွန်းနေတာမို့ လယ်ယာမြေတွေပျက် စီးနေတယ်လို့ တောင်သူလယ်သမားတွေက ဆိုကြပါတယ်။
အဲဒီလယ်ယာမြေတွေဟာ ရေလျှံနေတာမို့ စပါးပင်အပေါက်နည်းတာ၊အပင်တွေရေနဲ့မျောပါတာ၊အပင်သေတာတွေရှိနေတယ်လို့ လယ်သမားတွေက ဆိုကြပါတယ်။
ကျောက်တော်မြို့မှလယ်သမားတဦးကို Border News Agency က တွေ့ဆုံမေးမြန်းထားပါတယ်။
“ကျွန်တော်တို့ ရခိုင်ပြည်မှာ မိုးကလ ည်းနှစ်ခြောက်ဆယ်အတောအတွင်းလောက်မှာဆိုရင် ဒီနှစ်လို တခါမှမိုးမကြီးဘူး။ရက်မပြတ်၊နေ့မပြတ်ရွာနေလို့ ဇွန်လလောက်ကတည်းက ကြဲထားတဲ့စပါးတွေကလည်း မပေါ်နိုင်။တွင်းနက်ထဲမှာကျတဲ့ဟာတွေ အကုန်လုံးပြိုကျတာက ကျလို့။ရေစီးရေလာတွေကလည်း မကောင်းဘူး။ဆည်တွေမြောင်းတွေ ပိုင်းကျ။”
“ဒီနေ့ထက်ထိ ရေကြီးရေ လျှံဖြစ်နေတယ်။ရေကလည်း ချောင်းရေတွေမပြည့်ဘဲပြင်ပကရေတွေပြည့်ပြီးတော့ တချို့ရွာတွေမှာလည်း ရေကြီးလို့ စပါးတွေကို ဖြန့်ပြီးလှန်းတဲ့သူတွေကလှန်းထားရတယ်။လေးရက်၊ငါးရက်နဲ့ ကြဲမယ့်စပါးတွေက ခုနှစ်ရက်၊ ရှစ်ရက်ထိ ညှင်းတွေရှည်လို့ အတိုင်းအတာမရဘဲ ကြဲရတဲ့အခါ အပျက်အစီးတွေများလာမယ်လို့တော့ ကျွန်တော်တို့က သုံးသပ်ပါတယ်။”
“ဒီနှစ်လို မိုးလေဝသလည်း တခါမှမကြုံဖူး၊ မတွေ့ဖူးဘူး။ နောက်ပြီး အလွန် အကျွံမိုးများနေတဲ့အတွက်ကြောင့် လယ်သမားတွေမှာတော့ အပျက်အစီးတွေများမယ်။ကျွန်တော်တို့သိရသလောက်။ကျွန်တော်တို့လည်း လယ်သ မားကြီးတစ်ယောက်ပါပဲ။ ပျက်စီးမှုတွေများနေတာကိုလည်း ကျွန်တော်တို့တွေ အခုကတည်းက ကြုံတွေ့နေကြရပြီ။အင်းအိုင်တွေမှာ ဇွန်လလောက်ကနေကြဲထားတာ အခုဆို ဇူလိုင်လပိုင်းကိုရောက်လာခဲ့တယ်။ဒါပေမယ့်လည်း စပါးပေါ်တာကို တခါမှလည်း မမြင်ရသေးဘူး။အဲဒီတော့ စပါးတွေက အာမ ခံချက်မရပဲ အားလုံးပျက်စီးသွားမယ့်အခြေအနေဖြစ်သွားတယ်။”
“ဒီလိုမိုးကြီးရေကြီးဖြစ်နေတဲ့အတွက်ကြောင့် အလုပ်သမား၊ လယ်သမားတွေလည်း တော်တော်အခက်အခဲတွေနဲ့ကြုံရတယ်။ ဒီနှစ်တော့။ ဝါဆိုလပြည့်ကျော်လောက်ဆို ပျိုးစိုက်မယ်။ ရာသီကိုရော က်လာပြန်ရင်လည်း ပျိုးစိုက်လို့ရမယ်မထင်ဘူး။ စပါးတွေက နက်တယ်။လ ယ်ထဲက ဖြစ်လာတဲ့စပါးပင်တွေက ကိုင်လို့မရတွယ်လို့မရဘူး။ညံ့ပြီးတော့ အပင်တွေက။စပါးတွေလည်း အပျက် အစီးများမယ်လို့တော့ ကျွန်တော်တို့ သုံးသပ်မိတယ်။
အရင်နှစ်တွေကတော့ မိုးကရွာလိုက် စဲလိုက်နဲ့။ ဒီနေ့ထက်ထိ ကျွန်တော်တို့ ဝါဆိုလပြည့်ထိဆို မိုးကမစဲသေးဘူး။ဇွန်လလောက်ကနေ တလထိရွာပြီးပြီ မိုးက။အခုကတရက်လည်း မိုးမစဲတော့ တွင်းထဲမှာ ဖြစ်နေတဲ့စပါးတွေ ရှိတာလည်းရှိတယ်။မရှိတာလည်းမရှိဘူး။ ပြိုကျတာက ပြိုကျသွားပြီ… အင်းအိုင်တွေမှာ။ အဲ့ဒီလိုဆို အခက်အခဲနဲ့တော် တော်ကြုံတွေနိုင်တယ်။လယ်သမားတွေ။”
“အဲဒီလိုမျိုးလည်း ကျွန်တော်တို့ တခါမှမကြုံဖူးဘူး။လုပ်စားနေတဲ့အထဲမှာ။မိုးလေဝသကလည်း ဒီနှစ်လိုမျိုးတခါမှမကြုံဖူးဘူး။နှစ်လေးငါးခြောက်ဆယ်အတိုင်းအတာအတွင်းမှာ ကျွန်တော်တို့ တခါမှလည်းဒီလိုမိုးများတာမတွေ့ဖူးဘူး။”
“ဒီနှစ်မှာ ဘယ်လိုဘယ်လိုမိုးများလည်း မသိတော့ဘူး။သဘာဝဘေးအန္တရာယ်တွေကလည်း များတဲ့အတွက်ကြောင့် လုပ်ရကိုင်ရလယ်သမားတွေလည်း တော်တော်အခက်အခဲ။ထွန်ခတွေကလည်း စျေးများတာကတမျိုး။ အခုက လယ်တဧကကို နှစ်သိန်းခွဲ၊သုံးသိန်း။အလုပ်သမားတစ်ယောက်ကိုလည်း ကန်းသားဆည်၊မြက်နှုတ်တဲ့အလုပ်သ မားတွေကိုလည်း တရက်မှာတသောင်း၊နှစ်သောင်း၊တသောင်းခွဲ။ကန်းသားဆည်သမားတွေဆို နှစ်သောင်း၊နှစ်သောင်းခွဲထိ။စပါးကြဲသမားတစ်ယော က်ကိုလည်း အဲဒီလိုပါပဲ။ လယ်သမားတွေက တော်တော်အခက်အခဲဖြစ်သွားပြီ။မြေဆီ၊မြေသြဇာတွေကလည်း ကြည့်လိုက်ရင် တအိတ်ကို သုံးသိန်းနဲ့နှစ်သောင်း၊သုံးသောင်း။ အဖြူတွေဆိုရင်လည်း နှစ်သိန်း၊သုံးသိန်းပေးရတယ်။”
“အခုလိုမျိုးဖြစ်နေရင် လယ်သမားတွေကလည်း လယ်မြေနဲ့ကောင်းကောင်းလုပ်စားဖို့ အဆင်ပြေမယ်လို့ မထင်တော့ပါဘူး။ ကျွန်တော်တို့လည်း တခြားတွေကို မပြောလိုပါဘူး။ ကျွန်တော်တို့ ကျောက်တော်မြို့မှာတော့ ရေစီး၊ ရေလာများတယ်။ ချောင်း၊ မြောင်း တောင်ကျရေတွေများတော့ ဆည်တွေလည်းပိုင်းကျ၊ ပြိုကျ ထွန်ထားတဲ့မြေ ယာတွေမှာလည်း မြေတွေတွင်းပေါ်သွားတယ်။အဲဒီလိုမျိုး အခက်အခဲအမျိုးမျိုးရှိပါတယ်။”
