Border News Agency
အီရတ်၊ မတ်လ ၁၄။
အီရတ်နိုင်ငံအနောက်ပိုင်းမှာ အမေရိကန်လေတပ်ပိုင် KC-135 ဆီဖြည့်လေယာဉ်တစင်း ပျက်ကျခဲ့တာကြောင့် လေယာဉ်ပေါ်ပါလာတဲ့ လေယာဥ်မှုထမ်း ၆ ဦး သေဆုံးသွားတယ်လို့ အမေရိကန်ဖက်ကအတည်ပြုလိုက်ပါတယ်။
အဲဒီဖြစ်စဉ်ဟာ မတ်လ ၁၂ ရက်၊ အရှေ့တိုင်းစံတော်ချိန် နေ့လည် ၂ နာရီခန့်မှာ ဖြစ်ပွားခဲ့တာဖြစ်ပြီး လက်ရှိမှာ ကျန်ရှိနေသူတွေကို ကယ်ဆယ်နိုင်ဖို့ ဆက်လက်ကြိုးပမ်းနေတယ်လို့ သိရပါတယ်။
လေယာဉ်ပျက်ကျရတဲ့ အကြောင်းရင်းကို စုံစမ်းစစ်ဆေးနေဆဲဖြစ်ပေမယ့် ရန်သူ့တိုက်ခိုက်မှုကြောင့်ဖြစ်စေ မဟာမိတ်တပ်ဖွဲ့တွေရဲ့ မှားယွင်းပစ်ခတ်မှုကြောင့်ဖြစ်စေ ပျက်ကျခဲ့တာမဟုတ်ဘူးလို့ အမေရိကန်ဗဟိုစစ်ဌာနချုပ် (CENTCOM) က အတည်ပြုထားပါတယ်။
အဲဒီသေဆုံးသွားတဲ့ စစ်သည်တွေရဲ့ အမည်စာရင်းကိုတော့ မိသားစုဝင်တွေကို အကြောင်းကြားပြီး ၂၄ နာရီကြာမှသာ တရားဝင်ထုတ်ပြန်သွားမှာ ဖြစ်တယ်လို့ ဆိုပါတယ်။
