Border News Agency
အီရန်၊ဇွန် ၂၀။
ဘေးကင်းစွာဖြတ်သန်းသွားလာနိုင်ရေးအတွက် ဟော်မုဇ်ရေလက်ကြားကို ဖြတ်ကူးမယ့် သင်္ဘောတွေအနေနဲ့ ကြိုတင်မှတ်ပုံတင်ရမှာ ဖြစ်တယ်လို့ Reuters သတင်းဌာနမှာ ဖော်ပြထားပါတယ်။
အဲဒီ ရေလက်ကြားကို ဖြတ်ကူးဖို့ ရည်ရွယ်ထားတဲ့ သင်္ဘောပိုင်ရှင်တွေနဲ့ ကပ္ပတိန်တွေအနေနဲ့အရေးကြီးတဲ့ ဒီရေလမ်းကြောင်းအတွင်းသို့ မဝင်ရောက်မီ ခွင့်ပြုချက်နဲ့ အာမခံရရှိရေးအတွက် မဖြစ်မနေ မှတ်ပုံတင်ရမယ်လို့ အီရန်ဘက်က သတိပေးထားတာ ဖြစ်ပါတယ်။
ပါရှန်ပင်လယ်ကွေ့ရေလက်ကြားအာဏာပိုင် (PGSA) ကလည်း ကုန်သွယ်စီးပွားဖြစ် သင်္ဘောတွေ ဘေးကင်းစွာ ဖြတ်သန်းနိုင်ဖို့အတွက်ဇွန်လ ၁၉ ရက်ကစတင်ပြီး သတ်မှတ်ထားတဲ့ စည်းကမ်းချက်တွေကို လိုက်နာရမှာဖြစ်တယ်လို့ ပြောကြားခဲ့ပါတယ်။
ခုထုတ်ပြန်ချက်ဟာ အမေရိကန်သမ္မတ ဒေါ်နယ်ထရမ့်နဲ့ အီရန်သမ္မတတို့ လက်မှတ်ရေးထိုးထားတဲ့ ကြားဖြတ်သဘောတူညီချက်အရ အပစ်အခတ်ရပ်စဲရေးကို ရက်ပေါင်း ၆၀ ဆက်လက်ထိန်းသိမ်းပြီး အီရန်ရဲ့ နျူကလီးယားအစီအစဉ်၊ ဒုံးကျည်စွမ်းရည်နဲ့ စီးပွားရေးပိတ်ဆို့မှု ဖြေလျှော့ရေး စတဲ့ အပြီးသတ်သဘောတူညီချက်တွေအတွက် ဆက်လက်ဆွေးနွေးမယ့် အခြေအနေကြားက ထွက်ပေါ်လာတာ ဖြစ်ပါတယ်။
