Border News Agency
ကျောက်ဖြူ၊ဇွန် ၂၀။
ကျောက်ဖြူအထူးစီးပွားရေးဇုန်နဲ့ရေနက်ဆိပ်ကမ်းစီမံကိန်းတွေမှာရင်းနှီးမြှုပ်နှံမှု အခွင့်အလမ်းကောင်းတွေ ရှိနေတယ်လို့ အာဏာသိမ်းစစ်ခေါင်းဆောင် မင်းအောင်လှိုင်က တရုတ်လုပ်ငန်းရှင်တွေကို ဖိတ်ခေါ်လိုက်ပါတယ်။
အဲဒီအပြင် ငွေပေးချေမှုစနစ်တွေမှာလည်း တရုတ်ယွမ်ငွေနဲ့ပါ ပေးချေမှုတွေကို လက်ခံဆောင်ရွက်ပေးနေတယ်လို့ဆိုပါတယ်။
ဒါပေမယ့် ကျောက်ဖြူစီမံကိန်းဟာ အာရက္ခတပ်တော် (AA) နဲ့ အာဏာသိမ်းစစ်တပ်ကြား တိုက်ပွဲတွေ အပြင်းအထန်ဖြစ်ပွားနေတဲ့ နယ်မြေမှာ တည်ရှိနေပါတယ်။
အဲဒီလိုတိုက်ပွဲတွေပြင်းထန်နေပေမယ့်စီမံကိန်းတွေကို အရှိန်မြှင့်ဖို့ လုပ်ဆော င်တာဟာ ဒေသတည်ငြိမ်မှုမရှိသေးတဲ့ကြားအာဏာသိမ်းစစ်တပ်ကတရုတ်ရဲ့ စီးပွားရေးအကျိုးစီးပွားကိုသာ အဓိကထား ဦးစားပေးလိုက်တာဖြစ်ပြီး တရုတ်ရဲ့ ရင်းနှီးမြှုပ်နှံမှုတွေကို စစ်တပ်ဘက်က အတင်းအကျပ် အာမခံချက်ပေးဖို့ ကြိုးပမ်းနေသလို ဖြစ်နေတယ်လို့ ထောက်ပြနေကြပါတယ်။
အဲဒီ အပြင် စီမံကိန်းတွေရဲ့ လုံခြုံရေးအကြောင်းပြချက်နဲ့ တရုတ်လုံခြုံရေးဝန်ထမ်းတွေ မြန်မာနိုင်ငံထဲကို တရားဝင် ဝင်ရောက်လာဖို့ လမ်းစဖြစ်လာနိုင်တယ်လို့ နိုင်ငံရေးလေ့လာသူတွေက သုံးသပ်ထားကြပါတယ်။
