Border News Agency
အီရန်၊ ဩဂုတ် ၂၃။
အမေရိကန်ရဲ့အီရန်အပေါ် စီးပွားရေးပိတ်ဆို့အရေးယူမှုတွေမှာ ပူးပေါင်းပါဝင်တဲ့ဘယ်နိုင်ငံမဆို ရန်သူအဖြစ်သတ်မှတ်မှာဖြစ်ပြီး အဲဒီနိုင်ငံတွေရဲ့ အကျိုးစီးပွားတွေကို ပစ်မှတ်ထားလက်တုံ့ပြန်သွားမယ်လို့ အီရန်လုံခြုံရေးအရာရှိချုပ် မိုဆန်ရေဇာအီက သတိပေးလိုက်ပါတယ်။
အမေရိကန်သမ္မတ ဒေါ်နယ်ထရမ့်က ကမ္ဘာ့ရေနံသယ်ယူပို့ဆောင်ရေးအတွက်အရေးပါတဲ့ ဟော်မုဇ်ရေလက်ကြားကို အမေရိကန်ရဲ့ ပိုင်နက်အသစ်လို့ ရေးဆွဲထားတဲ့မြေပုံတခုကို သူ့ရဲ့ Truth Social စာမျက်နှာမှာ ပြန်လည်မျှဝေခဲ့ပြီးနောက် အီရန်ဘက်ကခုလိုတုံ့ပြန်လိုက်တာဖြစ်ပါတယ်။
ထရမ့်ဟာ ပြီးခဲ့တဲ့ရက်ပိုင်းကပြုလုပ်ခဲ့တဲ့ မဲဆွယ်ဟောပြောပွဲမှာလည်း ဟော်မုဇ်ရေလက်ကြားကို အမေရိကန်ပိုင်နက်အဖြစ် ရှုမြင်ကြောင်းထုတ်ဖော်ပြောဆိုခဲ့တာကြောင့် ဒေသတွင်းတင်းမာမှုတွေ ပိုမိုမြင့်တက်လာနေတာပါ။
အဲဒီအပြင် အီရန်သမ္မတမတ်စွဒ်ပီဇက်ရှ်ကီယန်ကလည်း ရန်သူ့ဆီမှာဘယ်အခါမှဒူးထောက်လက်မြှောက်မှာမဟုတ်ကြောင်းနဲ့ ပြည်တွင်းစည်းလုံးညီညွတ်ကြဖို့ တိုက်တွန်းပြောဆိုထားပါတယ်။
အဲဒီဟော်မုဇ်ရေလက်ကြားပဋိပက္ခကြောင့် ဒေသတွင်းစစ်ရေးအခြေအနေတွေတင်းမာနေသလို ပြင်သစ်သမ္မတမက်ခရွန်နဲ့ ဆော်ဒီအိမ်ရှေ့မင်းသားတို့ဟာလည်း ရေလက်ကြားကိုရှောင်ကွင်းနိုင်မယ့် အခြားကုန်သွယ်ရေးလမ်းကြောင်းတွေဖော်ဆောင်ဖို့ ပါရီမြို့မှာတွေ့ဆုံဆွေးနွေးသွားမှာဖြစ်ပါတယ်။
