အင်တာဗျူး
Border News Agency
မြောက်ဦး၊ဒီဇင်ဘာ ၂၇။
ရန်ကုန်မြို့မှကျောက်ဖြူသို့လေယာဥ်နဲ့ ပြန်လာသူတွေကို စစ်ကော်မရှင်တပ်ဖမ်းဆီးနေပေမယ့် ပွဲစားတွေကတော့လိမ်ညာပို့ဆောင်နေကြပါတယ်။
အဲဒီကျောက်ဖြူမြို့မှ မြောက်ဦးမြို့နယ်သို့ပြန်လာသူလင်ယောကျ်ားဖမ်းဆီးခံလိုက်ရသူ ဒေါ်လှအေးကျော့ကို Border News Agency က တွေ့ဆုံမေးထားပါတယ်။
“ဘယ်လိုဖြစ်သွားတာလဲဆိုတော့ နိုင်ငံခြားက ဆင်းလာတယ်။ ကျောက်ဖြူမှာ နှစ်လလောက်နေလိုက်ပါတယ်။ နှစ်လလောက်နေပြီတော့ သူတို့ဟာလာဖို့အတွက် လမ်းအဆင်မပြေပါ။ စစ်ကောင် စီကထုတ်လို့မပေးပါဘူး။ လမ်းကို ထုတ်လို့မပေးတော့သူတို့နေပါတယ်။ နေတော့ သူတို့လည်းကြံရာမရတော့ ပွဲစားတယောက်ကနေပြီးတော့ ငါတို့ပို့ပေးလို့ရတယ်မင်းတို့ကိုဆိုပြီး ပွဲစားတယောက်ကခေါ်သွားပါတယ်။ အဲဒီမှာနေပြီးတော့ ဖမ်းဆီးခံလိုက်ရတာပါ။ ဖမ်းဆီးခံလိုက်ရတဲ့နေရာမှာ အဆက်သွယ်မရ ဖြစ်သွားပါတယ်။ ပြီးတော့မှနောက် မှအဆက်သွယ်ရပါတယ်။ ဖမ်းသွားပါတယ်လို့။”
“သူရှိရောရှိနေသေးလား အဲဒါကိုပဲတွေးမိပါတယ်။ အဆက်သွယ်မရတဲ့အချိန်မှာက အဆက်သွယ်ရပြီးမှ အော်… သူရှိတယ်ဆိုတာကိုမျှော်လင့်မိပါတယ်။ အဖမ်းခံရတာက ၁၀ လပိုင်း ၂၄ ရက်နေ့ သောကြာနေ့ကပါ။ နာမည်က ဦးကျော်မိုးနိုင်ပါ။ အသက်က ၃၃ နှစ်ပါ။”
“ဖမ်းတာက ၅၀(ည)ပုဒ်မနဲ့ တရားစွဲပါတယ်။ တရားစွဲလို့ပြီးတာနဲ့ရုံလေးပတ်ထုတ်ခဲ့ပါတယ်။ ရုံးလေးပတ်ထုတ်လို့ပြီးတာနဲ့အမိန့်ချပါတယ်။ အမိန့်ချတော့ ၅၀(ည)ပုဒ်မနဲ့ဖြစ်လို့ ထောင်ဒဏ် ၁၀ နှစ်ချလိုက်ပါတယ်။”
“လက်ရှိမှာ စိုက်ခင်းတွေနည်းနည်းပါးပါးလုပ်ထားလို့ စားဝတ်နေရေးတော့ နည်းနည်းပါးပါးလောက် အဆင်တော့ပြေပါတယ်။ နောက်ဆက်တွဲဆိုတော့ဘယ်လိုဖြစ်လာမလဲဆိုတာကို စဉ်းစားလို့မရသေးပါဘူး။ သားလေးအတွက်အနာဂတ်က သူကဘယ်လို လူလားမြောက်လာမလဲ အဲဒါကိုပဲတွေးနေရပါတယ်။”
“ကျွန်မအိမ်ရှင်ကို အမြန်ဆုံးလွှတ်ပေးစေချင်ပါတယ်။ သူကအပြစ်မရှိတဲ့ ပြည်သူလူထုဖြစ်လို့ပါ။ နိုင်ငံခြားမှာအဆင်မပြေပါ။”
“နေရတာလည်းအဆင်မပြေပါ။ ပြီးတော့သူလည်း ကျန်းမာရေးလည်းမကောင်းဆိုတော့အိမ်ကိုလာမယ်ဆိုပြီးလာခဲ့တာပါ။ ကျန်းကျန်းမာမာနဲ့အိမ်ကိုလည်းမရောက်လိုက်ပါ။ လမ်းမှာအဲဒီလိုဖြစ်သွားပါတယ်။”
“အခုသူကျနေတာက ကျောက်ဖြူထောင်ပါ။ သူထောင်ကျသွားတဲ့အတွက်ဘယ်လိုမျိုးပြောချင်လဲဆိုတော့ အရင်ဆုံးသူ့ကိုလွှတ်လို့ပေးစေချင်ပါတယ်။အိမ်ကိုလည်းအရင်ဆုံးရောက်စေချင်ပါတယ်။ သူတို့ကိုအရင်ဆုံးလွတ်နိုင်အောင်ကူညီထောက်ပ့ပေးစေချင်ပါတယ်။”
