Border News Agency
ကျောက်တော်၊ ဇန်နဝါရီ ၁၆။
ကျောက်တော်မြို့နယ်က စစ်ဘေးရှောင်တွေ စားဝတ်နေရေးအခက်အခဲတွေနဲ့ ရင်ဆိုင်ကြုံတွေ့ခဲ့ကြရတာကြောင့် အကူအညီတွေလိုအပ်နေတယ်လို့ စစ်ဘေးရှောင်တွေကဆိုကြပါတယ်။
အဲဒီကျောက်တော်မြို့နယ် စစ်ဘေးရှောင်တဦးဖြစ်တဲ့ ဒေါ်အေးနုခိုင်ကို Border News Agency ကမေးမြန်းထားပါတယ်။
“လက်ရှိအခက်အခဲနဲ့ကြုံတယ်ဆိုတာက ထင်းခုတ်ရင်စားရတယ်။ မခုတ်ရင်မစားရဘူး။ လူတွေကဒီမိန်းမတွေတခုမှမရှာတတ်။ ရတဲ့ထိရှာပေးရင်စားရတယ်။ ယောကျ်ားလည်းမရှိတော့ဘူး။
“စစ်တွေမြို့နယ်မှာ နေခဲ့တဲ့အချိန်ကတော့ ဒီအလုပ်တွေမလုပ်ဖူးဘူး။ အခုကလုပ်စရာလည်းမရှိဘူး။ နှစ်နှစ်ရှိပြီမလား။ အဲဒီလိုထင်းခုတ်ပြီးစားကြတယ်။ အကုန်လုံးထင်းခုတ်ပြီးစားကြတယ်။
“ထွက်တာကတော့ နှစ်သောင်းသုံးသောင်းထွက်တယ်။ အခုတော့တကျပ်မှလည်းမရှိဘူး။ ဝင်ငွေက ဘယ်ကရှိမှာလဲဝင်ငွေမရှိဘူး။ ထင်းသွားခုတ်လို့ရခဲ့ရင် ရှစ်ထောင်ရတယ်။ အဲဒါတွေကိုရောင်းရင် ကိုယ့်မှာတသောင်း…အဲလိုရတဲ့ချိန်ရတယ်။
“နေ့တိုင်းကုန်ကျတာတော့မပြောနဲ့တော့။ နေ့တိုင်း တရက်မကျန်၊ တလမကျန်စားတာ ဈေးသို့ထွက်သွားရင် နှစ်သောင်းနဲ့မရသုံးသောင်း နောက်ထပ်တော့မရှိဘူး။
“သူများတွေခိုင်းရင်လုပ်ပါတယ်။ တခြားလူကဒီဟာတခုတော့ လုပ်ပေး…စိုက်ခင်းတွေလုပ်ခိုင်းရင်တော့လုပ်တယ်။ ရက်ကျလုပ်တယ်။ အဖွဲ့အစည်းကတော့ အရင်တုန်းကတော့ပေးတယ်။ အခုတော့ ပေးဖို့မရောက်လာဘူး။
