Border News Agency
ဒီပဲယင်း၊ ဇန်နဝါရီ ၁၉။
ဒီပဲယင်းမြို့နယ်၊ စိုင်ပြင်မြို့ကို စစ်ကော်မရှင်တပ်လေကြောင်းတိုက်ခိုက်လို့ အရပ်သားတဦးသေဆုံးသွားတယ်လို့ ဒီပဲယင်းပြည်သူ့အုပ်ချုပ်ရေးအဖွဲ့ ဇန်နဝါရီလ ၁၉ ရက်၊ ဒီနေ့ထုတ်ပြန်ပါတယ်။
အဲဒီ စိုင်ပြင်မြို့ကို ဇန်နဝါရီလ ၁၉ ရက်၊ ဒီနေ့ နေ့လည် ၁၁ နာရီ ၄၅ မိနစ်အချိန်က စစ်ကော်မရှင်တပ်လေကြောင်းတိုက်ခိုက်လို့ တဦးသေဆုံးပြီးနှစ်ဦးဒဏ်ရာရသွားခဲ့တယ်လို့ ဆိုပါတယ်။
အဲဒီဒဏ်ရာရသူနှစ်ဦးထဲမှာ တဦးကဒဏ်ရာပြင်းထန်တာကြောင့် အသက်အန္တရာယ်စိုးရိမ်ရတဲ့ အရေးပေါ်အခြေအနေနဲ့ ရင်ဆိုင်နေရပါတယ်လို့ ဆိုပါတယ်။
အဲဒီစိုင်ပြင်မြို့ကို စစ်ကော်မရှင်တပ်ဟာ လေကြောင်းတိုက်ခိုက်နေတာကြောင့် မြို့ပေါ်မှာရှိတဲ့ပြည်သူတွေ ထိတ်လန့်တုန်လှုပ်ပြီး ဘေးလွတ်ရာကိုပြေးလွှားခဲ့ကြရတယ်လို့ ဆိုပါတယ်။
အဲဒီအပြင် ပြည်သူပိုင်အဆောက်အဦးတချို့လည်း မီးလောင်ပျက်စီးသွားခဲ့ရတယ်လို့ ဆိုပါတယ်။
အဲဒီထိခိုက်ပျက်စီးသွားတဲ့ အခြေအနေတွေကို လိုက်လံစစ်ဆေးနေပြီး ကူညီကယ်ဆယ်ရေးတွေ လုပ်ဆောင်နေတယ်လို့လည်း ဆိုပါတယ်။
