Border News Agency

​အာရက္ခတပ်တော် ထိန်းချုပ်ထားတဲ့ ကျောက်တော်မြို့နယ်မှာ ယာဉ်တိုက်မှုတွေ လျော့နည်းစေဖို့အတွက် တရားဥပဒေစိုးမိုးရေးနဲ့ ပြည်သူ့လုံခြုံရေးဌာန (DLEPS) က ယာဉ်အန္တရာယ်သတိပေး လက်ကမ်းစာစောင်တွေ လိုက်လံဖြန့်ဝေနေပါတယ်။ ဒီလုပ်ငန်းစဉ်ကို DLEPS တပ်ဖွဲ့ဝင်တွေနဲ့ ULA/AA အဖွဲ့ဝင်တွေ ပူးပေါင်းပြီး မြို့ပေါ်က လမ်းဆုံလမ်းခွတွေ၊ဈေးတွေနဲ့ ကားဂိတ်၊ ဆိပ်ကမ်းတွေမှာ အသိပညာပေး ဗီနိုင်းတွေစိုက်ထူတာ၊ စာစောင်ဝေတာတွေ လုပ်ဆောင်နေတာပါ။ ​အဓိကကတော့ အာရက္ခပြည်သူ့တော်လှန်ရေးအစိုးရက ထုတ်ပြန်ထားတဲ့ ယာဉ်စည်းကမ်း ၁၀ချက်နဲ့ လမ်းအသုံးပြုသူတွေ လိုက်နာရမယ့် စည်းကမ်း ၁၉ ချက်ကို ပြည်သူတွေ သိရှိလိုက်နာဖို့အတွက် ကြပ်မတ်စစ်ဆေးနေတာ ဖြစ်ပါတယ်။ ​အာရက္ခတပ်တော်ကထိန်းချုပ်ထားတဲ့ မြို့နယ်တွေမှာ အာရက္ခပြည်သူတွေဘေးကင်းလုံခြုံစေဖို့အတွက် လမ်းမတွေပေါ်မှာ ယာဉ်ကြောရှင်းလင်းတာနဲ့ အသိပညာပေးတာတွေကို အခုလို ဆက်တိုက်လုပ်ဆောင်နေတာဖြစ်ပါတယ်။

ကော်သူးလေအုပ်ချုပ်မှုနယ်မြေ၊ဒူးသထူခရိုင်၊ကျိုက်ထိုမြို့နယ်ကိုစစ်‌ကော် မရှင်တပ်စစ်ကြောင်းထိုးဝင်ရောက်လာတာ‌ကြောင့် ပြည်သူတထောင်ကျော်စစ်ဘေးရှောင်နေကြရပါတယ်။ အဲဒီအပြင် ပြည်သူပိုင်နေအိမ်တွေ  ဖောက်ထွင်းခံနေရပြီးအိမ်အသုံးအ ဆောင်ပစ္စည်းတွေနဲ့အတူ ဆိုင်ကယ် ကိုး စီးကို အတင်းအဓမ္မသိမ်းဆည်းခဲ့တယ်လို့ ဆိုပါတယ်။ အဲဒီအပြင် လက်နက်ကြီး၊လက်နက်င ယ်ပစ်ခတ်မှုလို့ အရပ်သားလေးဦးသေ ဆုံးပြီးသုံးဦးဒဏ်ရာရခဲ့တယ်လို့ ဆိုပါတယ်။ အဲဒီမြို့နယ်ရှိ ကျေးရွာဆယ်ကိုးရွာမှ ပြည်သူ ၁၂၉၃၀ ကျော်ထွက်ပြေးနေကြရတာပါ။ အဲဒီညောင်ထောက်ရွာမှပြည်သူပိုင်နေ အိမ်တွေဖောက်ထွင်းပြီးအိမ်အသုံးအ ဆောင်ပစ္စည်းတွေ၊ဆိုင်ကယ် ခြောက်စီးကို သိမ်းယူခဲ့ပြီးနေအိမ်နှစ်လုံးကို မီးရှို့ဖျက်ဆီးခဲ့တယ်လို့ ဆိုပါတယ်။ အဲဒီနောက် အလူးကြီးရွာမှအိမ်အသုံး အဆောင်ပစ္စည်းတွေ၊ဆိုင်ကယ်သုံးစီး ၊လက်ကိုင်ဖုန်းလေးလုံး၊ပါဝါဘတ်သုံးလုံးနဲ့ငွေသားငါးသိန်းကျပ်ကို အဓမ္မ သိ မ်းဆည်းယူသွားတယ်လို့ ဆိုပါတယ်။ အဲဒီစစ်ဘေးရှောင်တွေအတွက် အရေးပေါ် နေရာထိုင်ခင်း၊စားနပ်ရိက္ခာ၊ဆေး ဝါးအကူအညီတွေ လိုအပ်နေတယ်လို့ ဆိုပါတယ်။

​ထိုင်းနိုင်ငံတောင်ပိုင်း၊ ဟတ်ရိုင်မြို့နယ်က ဖတ်တုန်းပရာသန်းခီရီဝပ်ကျောင်းမှာဖေဖော်ဝါရီလ ၁၁ ရက်နေ့ကဖြစ်သွားတဲ့ သေနတ်ပစ်ခတ်မှုမှာ ဒဏ်ရာရခဲ့တဲ့ ကျောင်းအုပ်ဆရာမကြီး ကွယ်လွန်သွားပြီဖြစ်ပါတယ်။ အဲဒါကြောင့် နစ်နာခဲ့ရသူတွေအတွက် နစ်နာကြေးတွေ အမြန်ဆုံးပေးသွားမယ်လို့ ထိုင်းတရားရေးဝန်ကြီးဌာနက ဖေဖော်ဝါရီလ ၁၂ ရက်၊မနေ့ကထုတ်ပြန်လိုက်ပါတယ်။ ​အဲဒီ စိတ်မနှံ့တဲ့ ဒေသခံလူငယ်တဦးဟာ ကျောင်းထဲကို ကျူးကျော်ဝင်ရောက်ပြီး သေနတ်နဲ့ ပစ်ခတ်ခဲ့တာပါ။ အဲဒီလို ပစ်ခတ်မှုကြောင့် ကျောင်းအုပ်ဆရာမကြီး Mrs. Sasipat Sinsamosorn ရဲ့ ဘယ်ဘက်ရင်အုံမှာ သေနတ်ဒဏ်ရာ ပြင်းပြင်းထန်ထန် ရသွားခဲ့ပြီး ဆေးရုံမှာ ကုသနေရင်းနဲ့ပဲကွယ်လွန်သွားခဲ့တာ ဖြစ်ပါတယ်။ ​ဒီပစ်ခတ်မှုအတွင်းမှာပဲ အသက်ဆယ့်ငါးနှစ်အရွယ် ကျောင်းသူတဦးမှာလည်း ခါးမှာ သေနတ်ဒဏ်ရာရခဲ့ပေမယ့် အရေးပေါ်အခြေအနေကနေ လွတ်မြောက်ပြီး အသက်အန္တရာယ် မစိုးရိမ်ရတော့ဘူးလို့ သိရပါတယ်။ ​အဲဒီအပြင် သေနတ်သမားရန်ကနေ လွတ်အောင် အဆောက်အဦပေါ်ကနေ ခုန်ချခဲ့လို့ ဒဏ်ရာရသွားတဲ့ ကျောင်းသားလေးတဦးကတော့ အခုထိဆေးရုံမှာ ဆက်ပြီး ဆေးကုသမှု ခံယူနေရဆဲ ဖြစ်ပါတယ်။ ​ဆောင်ခလာခရိုင် တရားရေးရုံးက တာဝန်ရှိသူတွေဟာ နစ်နာခဲ့တဲ့မိသားစုတွေဆီကို ကိုယ်တိုင်သွားရောက်တွေ့ဆုံခဲ့ပြီး ရာဇဝတ်မှု ကျူးလွန်ခံရသူတွေရဲ့ ကုသရေးနဲ့ တခြားနစ်နာကြေးတွေကို ပေးအပ်သွားမယ်လို့ ပြောကြားခဲ့ပါတယ်။ အဲဒီကွယ်လွန်သွားတဲ့ ကျောင်းအုပ်ဆရာမကြီးအတွက် နစ်နာကြေး၊နာရေးစရိတ်နဲ့ ထောက်ပံ့ကြေး စုစုပေါင်း ဘတ် ၂၀၀,၀၀၀ ပေးသွားမှာဖြစ်ပြီး ဒဏ်ရာရသွား ကျောင်းသူ၊ကျောင်းသားတွေအတွက်လည်း ဆေးကုသစရိတ် ဘတ် ၄၀,၀၀၀ အထိနဲ့ တခြားနစ်နာကြေးတွေကိုပါ ပေးအပ်သွားဖို့ ရှိနေပါတယ်။ ​အဲဒီပြစ်မှုကျူးလွန်သူ လူငယ်ကတော့ အရင်က မူးယစ်ဆေးသုံးခဲ့ဖူးသလို စိတ်ကျန်းမာရေးကုသမှုလည်း ခံယူဖူးသူတဦးဖြစ်ပြီး ရဲတပ်ဖွဲ့ကဥပဒေအရ ဆက်လက်အရေးယူသွားမယ်လို့ သိရပါတယ်။

​တိုင်းရင်းသားလက်နက်ကိုင်အဖွဲ့တွေအနေနဲ့ တနိုင်ငံလုံး ပစ်ခတ်တိုက်ခိုက်မှုရပ်စဲရေးသဘောတူစာချုပ် (NCA)လမ်းကြောင်းအတိုင်း မလာဘူးဆိုရင် နယ်စပ်ဒေသ တည်ငြိမ်ရေးနဲ့ ဖွံ့ဖြိုးရေးကို ထိခိုက်စေလိမ့်မယ်လို့ စစ်ခေါင်းဆောင်ကဆိုပါတယ်။ ဖေဖော်ဝါရီလ ၁၂ ရက်၊မနေ့ကကျရောက်တဲ့ ၇၉ နှစ်မြောက် ပြည်ထောင်စုနေ့မှာ စစ်ခေါင်းဆောင်မင်းအောင်လှိုင်က သဝဏ်လွှာပေးပို့ခဲ့ပြီး သတိပေးလိုက်တာပါ။ ​စစ်ခေါင်းဆောင်က နိုင်ငံရေးပြဿနာကို လက်နက်ကိုင်နည်းလမ်းနဲ့ ဖြေရှင်းတာဟာ တိုင်းပြည်အတွက် နစ်နာမှုတွေပဲ ရှိမှာဖြစ်လို့ NCA ပါအချက်အလက်တွေနဲ့အညီ နိုင်ငံရေးစားပွဲဝိုင်းမှာ ဆွေးနွေးကြဖို့ တိုက်တွန်းထားတာပါ။ ဒါပေမယ့် မြေပြင်မှာတော့ စစ်ကော်မရှင်တပ်နဲ့ တိုင်းရင်းသားလက်နက်ကိုင်အဖွဲ့တွေအကြား တိုက်ပွဲတွေဟာ တကျော့ပြန် ပြင်းထန်နေဆဲ ဖြစ်ပါတယ်။ ​ပြည်သူတွေနဲ့တိုင်းရင်းသားအဖွဲ့အစည်းအချို့ကတော့ စစ်ကော်မရှင်တပ်ရဲ့ NCA စကားဟာ ဟန်ပြသက်သက်သာဖြစ်ပြီး လက်တွေ့မှာတော့ လေကြောင်းတိုက်ခိုက်မှုတွေနဲ့ လက်နက်ကြီးသုံး ပစ်ခတ်မှုတွေကြောင့် ဒေသခံပြည်သူတွေ နေ့စဉ်နဲ့အမျှ ထွက်ပြေးတိမ်းရှောင်နေရတာကို ထောက်ပြဝေဖန်နေကြပါတယ်။ ​အထူးသဖြင့် နယ်စပ်ဒေသတွေမှာ ကုန်သွယ်မှုလမ်းကြောင်းတွေ ပိတ်ဆို့နေပြီးလမ်းတံတားတွေ ပျက်စီးနေတာဟာ အကြမ်းဖက်မှုတွေကြောင့်လို့ စစ်ခေါင်းဆောင်က ဆိုပေမယ့် ပြည်သူတွေကတော့ ဒါဟာ စစ်ကော်မရှင်တပ်ရဲ့ စစ်ရေးဗျူဟာတွေကြောင့်ဖြစ်ပြီး လူမှုစီးပွားဘဝတွေ လုံးဝပျက်စီးနေရပြီလို့ တုံ့ပြန်နေကြတာပါ။ ​နိုင်ငံတကာကလည်း စစ်ကော်မရှင်တပ်က ဖိတ်ခေါ်နေတဲ့ ငြိမ်းချမ်းရေးဟာ အားလုံးပါဝင်နိုင်တဲ့ ပုံစံမျိုးမဟုတ်ဘဲ သူတို့အာဏာတည်မြဲရေးအတွက်သာ ရည်ရွယ်နေတာကြောင့် NCA ဟာ လက်ရှိပဋိပက္ခကို ဖြေရှင်းနိုင်မယ့် အဓိကသော့ချက် မဟုတ်တော့ဘူးလို့ သုံးသပ်မှုတွေ ရှိနေပါတယ်။ ​အဲဒီအပြင် တိုင်းရင်းသားလက်နက်ကိုင် အဖွဲ့အစည်းအများစုကလည်း စစ်ကော်မရှင်တပ် အာဏာသိမ်းပြီးကတည်းက NCA ရဲ့ အနှစ်သာရတွေ ပျက်စီးသွားပြီလို့ ယူဆထားကြပါတယ်။  အဲဒါကြောင့် စစ်မှန်တဲ့ဖက်ဒရယ်ဒီမိုကရေစီအတွက်ဆိုရင် စစ်အာဏာရှင်စနစ်အပြီးတိုင်ချုပ်ငြိမ်းဖို့ကသာ ပထမဦးစားပေးဖြစ်တယ်လို့ ပြည်သူတွေနဲ့ နိုင်ငံရေးလေ့လာသူတွေကဆိုကြပါတယ်။

ထိုင်းအစိုးရထုတ်ပေးထားတဲ့အလုပ်လုပ်ခွင့်(Work Permit)ကိုင်ဆောင်ထားသူ မြန်မာရွှေ့ပြောင်းအလုပ်သမား တွေအတွက် ဘယ်သူ၊ ဘယ်ဝါဖြစ်ကြောင့်သက်သေခံလက်မှတ်(CI)လုပ်ပေးတော့မယ်လို့မြန်မာသံရုံးကထုတ်ပြန်ပါတယ်။ အဲဒီသက်သေခံလက်မှတ်တွေကို လာမယ့်ဖေဖော်ဝါရီလ ၁၇ ရက်နေ့ကစတင်ပြီးနေရာငါးခုမှလုပ်ပေးမှာလို့ထုတ်ပြန်ပါတယ်။ မြန်မာ-ထိုင်းနှစ်နိုင်ငံအလုပ်သမားဝန် ကြီးဌာနပူးပေါင်းပြီး  စမုစခွန်၊စမုကန်၊ ဆူရတ်ဌာနီ၊ချင်းမယ်နဲ့ ချွန်ဘူရီခရိုင်မှာလုပ်ပေးမှာပါ။ အဲဒီ Work Permit CI စာအုပ်ရဲ့ ကုန်ကျစာရိတ်မှာ ဘတ် ၂,၄၇၀ ဖြစ်ပြီး အလုပ်သမားတွေဟာ နီးစပ်ရာ 7-Eleven ဆိုင်တွေမှာ ငွေသွင်းရမှာဖြစ်ပါတယ်။ အဲဒီငွေသွင်းပြီးပါက မိမိတို့လျှောက် ထားလိုတဲ့စခန်းအမည်နဲ့နေ့ရက်ကို ရွေးချယ်နိုင်ဖြစ်ပြီး ရရှိလာတဲ့ ပြေစာနဲ့ အတူ စခန်းတွေကိုသွားရောက်လုပ်ရမှာပါ။ အဲဒီ CI လျှောက်ထားရာမှာ သတ်မှတ်ထားတဲ့ ကုန်ကျစာရိတ်ထက် ပိုမိုပေးဆောင်ရတာမရှိဖို့၊မလိုလားတဲ့ကုန်ကျစာရိတ်တွေမရှိစေဖို့အတွက် အလုပ်သ မားတွေ သတိပြုကြဖို့ အလုပ်သမားညွှန်ကြားရေးဦးစီးဌာနက အသိပေးထားပါတယ်။

Border News Agency ​မဲဆောက်၊ ဖေဖော်ဝါရီ ၁၂။ ​ထိုင်း-မြန်မာနယ်စပ်၊ မဲဆောက်မြို့ရှိ အလှပြင်ဆိုင်တခုမှာ အလုပ်လုပ်နေတဲ့ မြန်မာနိုင်ငံသားနှစ်ဦးကို အလုပ်လုပ်ကိုင်ခွင့်လက်မှတ်မရှိတဲ့အတွက် ထိုင်းအာဏာပိုင်တွေကဖမ်းဆီးလိုက်တယ်လို့ တာ့ခ်ခရိုင် လူဝင်မှုကြီးကြပ်ရေးဌာန (Immigration Tak) က ဖေဖော်ဝါရီလ ၁၁ ရက်၊ မနေ့ထုတ်ပြန်ပါတယ်။ အဲဒီ မဲဆောက်မြို့၊ဖရာသတ်ဖာဒဲန်းကျေးရွာအုပ်စုရှိ "မာမာဘျူတီဆလွန်း" (Ma Ma Beauty Salon) အလှပြင်ဆိုင်ကိုဖေဖော်ဝါရီလ ၁၀ ရက်နေ့က တာ့ခ်ခရိုင် လဝက စုံစမ်းစစ်ဆေးရေးအဖွဲ့၊လဝက အမှတ် ၅ အဖွဲ့နဲ့ တာ့ခ်ခရိုင်အလုပ်သမားညွှန်ကြားမှုဦးစီးဌာနတို့ ပူးပေါင်းပြီး ဝင်ရောက်စစ်ဆေးခဲ့တာပါ။ ​အဲဒီလိုစစ်ဆေးရာမှာ အသက်လေးဆယ်အရွယ်နဲ့ နှစ်ဆယ့်ရှစ်နှစ်အရွယ်ရှိတဲ့ မြန်မာနိုင်ငံသားနှစ်ဦးဟာ အလုပ်လုပ်ကိုင်ခွင့် အထောက်အထားမရှိဘဲ ဆိုင်မှာ အလုပ်လုပ်နေတာကို စစ်ဆေးတွေ့ရှိခဲ့ရတာ ဖြစ်ပါတယ်။ ​သူတို့ နှစ်ဦးကို ခွင့်ပြုချက်မရှိဘဲ အလုပ်လုပ်ကိုင်မှုနဲ့ အမှုဖွင့်ထားပြီး၊ လုပ်ထုံးလုပ်နည်းအတိုင်း မဲဆောက်ရဲစခန်းကို ပို့ဆောင်ကာ ဥပဒေအရ ဆက်လက်အရေးယူသွားမယ်လို့ ဆိုပါတယ်။

Border News Agency ​ဆောင်ခလာ၊ ဖေဖော်ဝါရီ ၁၂။ ​ထိုင်းနိုင်ငံတောင်ပိုင်း၊ ဆောင်ခလာပြည်နယ်၊ ဟတ်ယိုင်ခရိုင်ရှိ ပရာသန်ကီရီဝပ်ကျောင်းအတွင်းမှာ ဖေဖော်ဝါရီလ၁၁ ရက်၊မနေ့က သေနတ်ပစ်ခတ်မှုတခုဖြစ်ပွားခဲ့ပြီး ကျောင်းအုပ်ကြီးအပါအဝင် စုစုပေါင်း ၄ ဦး ဒဏ်ရာရသွားခဲ့တယ်လို့ ထိုင်းသတင်းတွေအရ သိရပါတယ်။ အဲဒီ​ကျူးလွန်သူဟာ အခင်းမဖြစ်ပွားခင်က ရဲအရာရှိတဦးကို ဓားနဲ့ခုတ်ပြီး ရဲတပ်ဖွဲ့ဝင်ရဲ့ 9mm သေနတ်ကို လုယူကာ ကျောင်းအတွင်းကို ဆိုင်ကယ်နဲ့ ဝင်ရောက်လာခဲ့တာပါ။ အဲဒီနောက် ကျောင်းအတွင်းမှာ သေနတ်နဲ့ စတင်ပစ်ခတ်ခဲ့ပြီး ကျောင်းအုပ်ကြီးနဲ့ ကျောင်းသားတွေကို အစည်းအဝေးခန်းမထဲမှာ ဓားစာခံအဖြစ် ဖမ်းဆီးဖို့ ကြိုးပမ်းခဲ့တယ်လို့ ဆိုပါတယ်။ အဲ​ဒီပစ်ခတ်မှုကြောင့် ကျောင်းအုပ်ကြီးမှာ ဒဏ်ရာပြင်းထန်တာကြောင့် အရေးပေါ်ခွဲစိတ်မှုခံယူခဲ့ရပြီး လက်ရှိမှာတော့ အထူးကြပ်မတ်ကုသဆောင် (ICU) ထဲမှာ ဆေးကုသမှု ခံယူနေရပါတယ်။ ကျောင်းသား ၂ ဦးကတော့ ထွက်ပြေးလွတ်မြောက်ဖို့ ကြိုးစားစဉ်မှာ ဒဏ်ရာရရှိခဲ့လို့ ဆေးရုံကိုပို့ဆောင်ထားရသလို တရားခံကို ရဲတပ်ဖွဲ့ကဝင်ရောက်ဖမ်းဆီး ထိန်းချုပ်ချိန်မှာလည်း တရားခံဖြစ်သူမှာ ဒဏ်ရာရရှိခဲ့ပါတယ်။ အဲဒီ​ကျူးလွန်သူဟာ အရင်က ရာဇဝတ်မှုမှတ်တမ်းမရှိပေမယ့် စိတ်ကျန်းမာရေးချို့ယွင်းမှုကြောင့်ဆေးကုသမှု ခံယူခဲ့ဖူးသူဖြစ်ပြီး ပြီးခဲ့တဲ့ ၂၀၂၅ ခုနှစ်၊ ဒီဇင်ဘာလမှ ဆေးရုံက ဆင်းလာသူဖြစ်ပါတယ်။ သူရဲ့ညီမငယ်ကို ဆရာမဖြစ်သူက အပြစ်ပေးဆုံးမခဲ့တာကို မကျေနပ်လို့ အခုလို လာရောက်လုပ်ဆောင်တာ ဖြစ်နိုင်တယ်လို့ ယူဆနေကြပါတယ်။ ​လက်ရှိမှာတော့ ရဲတပ်ဖွဲ့က သက်သေအထောက်အထားတွေ သိမ်းဆည်းဖို့ ကျောင်းဝင်းတခုလုံးကို ပိတ်ဆို့ထားပါတယ်။ စစ်ဆေးမှုတွေ မပြီးမချင်း ဆရာတွေနဲ့ ကျောင်းသားတွေကို ယာဉ်တွေ ပြန်ထုတ်ခွင့်မပြုသေးဘဲ ကျောင်းသားတွေကိုတော့ ဘေးကင်းရာ ကျောင်းပြင်ပကို ယာယီရွှေ့ပြောင်းပေးထားတယ်လို့ သိရပါတယ်။

Border News Agency  မလေးရှား၊ ဖေဖော်ဝါရီ ၁၂။ မလေးရှားနိုင်ငံ၊ ပီနန်းမြို့က JURU ညစျေးမှာ ဖေဖော်ဝါရီဘ၁၁ ရက်၊မနေ့ညက အာဏာပိုင်တွေ အော်ပရာစီ (Operasi) ဝင်ရောက်ဖမ်းဆီးခဲ့ပါတယ်။ ​အာဏာပိုင်တွေဟာ ညစျေးအတွင်း ရုတ်တရက် ဝင်ရောက်စစ်ဆေးခဲ့တာဖြစ်ပြီး အထောက်အထားမဲ့သူ အချို့ကိုလည်း ဖမ်းဆီးခေါ်ဆောင်သွားပါတယ်။ ​အဲဒါကြောင့် ပီနန်းရောက် မြန်မာနိုင်ငံသားတွေအနေနဲ့ အခုရက်ပိုင်းအတွင်း အပြင်ထွက် သွားလာရာမှာ အထူးသတိထားကြဖို့ လိုအပ်နေတာပါ။  ​အထူးသဖြင့် အထောက်အထား မပြည့်စုံတဲ့ အမျိုးသား၊ အမျိုးသမီးတွေအနေနဲ့ အခုရက်ပိုင်းမှာ ညစျေးလို လူစည်ကားတဲ့နေရာတွေကို မသွားသင့်ဘူးလို့ မလေးရှားရောက်မြန်မာတွေက အသိပေးထားပါတယ်။ ​မလေးရှားမှာ အခုနောက်ပိုင်း အော်ပရာစီ ဝင်ရောက်စစ်ဆေးတာတွေ ခပ်စိပ်စိပ် ပြန်ရှိလာတာကြောင့် သတိနဲ့ နေထိုင်ကြဖို့ တိုက်တွန်းထားတာ ဖြစ်ပါတယ်။

Border News Agency  တနင်္သာရီတိုင်း၊ ဖေဖော်ဝါရီ ၁၂။ ​တနင်္သာရီတိုင်း၊ သရက်ချောင်းမြို့နယ်တိုက်ပွဲမှာ စစ်ကော်မရှင်တပ်ဖွဲ့ကိုးဦးသေဆုံးပြီး လက်နက်ခုနှစ်လက်သိမ်းဆည်းရမိခဲ့တယ်လို့ KNU မြိတ်-ထားဝယ်ခရိုင်က ဖေဖော်ဝါရီလ ၁၁ ရက်၊မနေ့ကထုတ်ပြန်ပါတယ်။ ​အဲဒီသရက်ချောင်းမြို့ကနေ ဝင်းဝတပ်စခန်းကို အင်အားဖြည့်ဖို့ စစ်ကြောင်းထိုးလာတဲ့ စစ်ကော်မရှင်တပ်ရင်း ၄၀၃၊ ၄၀၄ နဲ့ ၄၀၅ ပူးပေါင်းစစ်ကြောင်းကို ဖေဖော်ဝါရီလ ၁၀ ရက်နေ့ကကြားဖြတ်တိုက်ခိုက်ခဲ့တာပါ။ ​အဲဒီတိုက်ပွဲအတွင်းမှာ စစ်ကော်မရှင်ဘက်ကကိုးဦး သေဆုံးသွားခဲ့ပြီး MA-1 နှစ်လက်၊ MA-3 ငါးလက်နဲ့ ခဲယမ်းအချို့ကို တော်လှန်ရေးတပ်ဖွဲ့တွေဘက်က သိမ်းဆည်းရမိခဲ့တယ်လို့ဆိုပါတယ်။ ​အဲဒီ စစ်ကော်မရှင်တပ်စစ်ကြောင်းကို KNLA တပ်မဟာ ၄၊ တပ်မဟာ ၆ နဲ့ တော်လှန်ရေးပူးပေါင်းစစ်ကြောင်းတွေပူးပေါင်းတိုက်ခိုက်ခဲ့တာလို့ဆိုပါတယ်။

Border News Agency မင်းပြား၊ ဖေဖော်ဝါရီ ၁၂။ အာရက္ခတပ်တော်(AA)ထိန်းချုပ်ထားတဲ့ ​မင်းပြားခရိုင်အတွင်းမှာ သေဆုံးနိုင်ခြေ အလွန်မြင့်မားတဲ့ နီပါးဗိုင်းရပ်စ် (Nipah Virus) အန္တရာယ်ကို ကြိုတင်တားဆီးနိုင်ဖို့အတွက် အာရက္ခပြည်သူ့ကျန်းမာရေးဌာနက ဦးဆောင်ပြီး ဒေသခံတွေဆီ လက်ကမ်းစာစောင်တွေ လိုက်လံဖြန့်ဝေနေတယ်လို့ သိရပါတယ်။ အခုရက်ပိုင်းအတွင်းမှာပဲမြို့ပေါ်နဲ့ ကျေးရွာတချို့အထိ ကျန်းမာရေးဝန်ထမ်းတွေ ကိုယ်တိုင်ဆင်းပြီး အသိပညာပေးတာတွေ လုပ်ဆောင်နေတာပါ။ အဲ​ဒီလိုဆောင်ရွက်ရာမှာ အာရက္ခပြည်သူ့ကျန်းမာရေးဌာနတင်မကဘဲ ရက္ခိုင်အမျိုးသားအဖွဲ့ချုပ် (ULA) နဲ့ သက်ဆိုင်ရာ ဌာနဆိုင်ရာ တာဝန်ရှိသူတွေပါ ပူးပေါင်းပါဝင်နေကြတာ ဖြစ်ပါတယ်။ ပြည်သူတွေရဲ့လက်ထဲကို ဒီရောဂါအကြောင်း သိကောင်းစရာနဲ့ ကာကွယ်နည်းတွေကို ကိုယ်တိုင်ကိုယ်ကျ လိုက်ဝေပေးနေတာကြောင့် ဒေသခံတွေအတွက်လည်း ဗဟုသုတတွေ အများကြီးရရှိစေပါတယ်။ ​လက်ကမ်းစာစောင်ဝေတာအပြင် လူအသွားအလာများတဲ့ နေရာတွေမှာလည်း နီပါးဗိုင်းရပ်စ် သတိပေးဆိုင်းဘုတ်တွေကို စိုက်ထူထားကြပါတယ်။ အထူးသဖြင့် ဈေးတွေ၊ကားဂိတ်တွေ၊ ဘုတ်ဆိပ်တွေနဲ့ လမ်းဆုံလမ်းခွတွေလို လူစည်ကားတဲ့နေရာတွေကို အဓိကထားပြီး ဗီနိုင်းဆိုင်းဘုတ်တွေနဲ့ သတိပေး နှိုးဆော်ထားတာကို တွေ့ရပါတယ်။ ​အခုလို လုပ်ဆောင်ရတာဟာ အိမ်နီးချင်း အိန္ဒိယနိုင်ငံမှာ နီပါးဗိုင်းရပ်စ် ကူးစက်ပြန့်ပွားမှုတွေ ရှိနေတာကြောင့် ဒေသတွင်းကို ကူးစက်မလာအောင် ကြိုတင်ကာကွယ်တဲ့ အနေနဲ့ လုပ်တာပါ။ အဲဒါကြောင့်လည်း ကျန်းမာရေးဌာနနဲ့အတူ DLEPS (ရဲတပ်ဖွဲ့)၊ အုပ်ချုပ်ရေး၊ မီးသတ်နဲ့ HDCO စတဲ့ အဖွဲ့အစည်းပေါင်းစုံက အရှိန်အဟုန်နဲ့ ဝိုင်းဝန်းလုပ်ဆောင်နေကြတာ ဖြစ်ပါတယ်။ ​အာရက္ခပြည်သူ့ကျန်းမာရေးဌာနကတော့ ပြည်သူတွေအနေနဲ့ နီပါးဗိုင်းရပ်စ် သံသယဖြစ်ဖွယ်လက္ခဏာတွေခံစားရတာနဲ့ နီးစပ်ရာ ကျန်းမာရေးဌာနတွေကို အမြန်ဆုံး အကြောင်းကြားကြဖို့ အထူးတိုက်တွန်းထားပါတယ်။