Border News Agency

အာရက္ခတပ်တော်(AA)သိမ်းပိုက်ထိန်း ချုပ်ထားတဲ့ မောင်တောမြို့ကဟိန္ဒူဘာသာဝင်တွေဟာ စားနပ်ရိက္ခာ၊ ဆေးဝါး အကူအညီတွေ လိုအပ်နေကြတယ်လို့ ဟိန္ဒူဘာသာဝင်တွေက ဆိုကြပါတယ်။ အဲဒီမောင်တောမြို့နယ်မှာ ဟိန္ဒူဘာသာဝင်လေးထောင်ကျော်ထိရှိနေပြီးအများစုဟာ အလုပ်အကိုင်တွေမရှိကြသေးဘူးလို့ ဆိုကြပါတယ်။ သူတို့တွေဟာ နိုင်ငံတကာလူသားချင်းစာနာထောက်ထားမှုဆိုင်ရာအကူအညီတွေမရကြသလို အာရက္ခတပ်တော်ဆီကလည်း အကူအညီတွေမရကြတာမို့ စားဝတ်နေရေးအခက်အခဲနဲ့ရင်ဆိုင်နေကြရတယ်လို့ ဟိန္ဒူဘာသာဝင်တွေ ကဆိုကြပါတယ်။ "စားဖို့၊သောက်ဖို့ အခက်အခဲရှိတယ်။ အလုပ်အကိုင်လည်းမရှိဘူး။ ဆန်တသိုက်စားရမယ့်နေရာမှာ နှစ်ဗူးလုပ်လို့စားရတယ်။နှစ်ဗူးစားတာမှာ တဗူးလုပ်လို့စားနေရတယ်။ အဲလိုအခက်အခဲတွေဖြစ်နေပါတယ်။ အဲဒါတွေကို ကူညီပေးစေချင်ပါတယ်။ လူတွေကအလုပ်အကိုင်လည်း အဆင်မပြေဘူး။ စားဝတ်နေရေးနဲ့ အများကြီးဒုက္ခရောက်နေကြတယ်။" လို့ မောင်တောမြို့မှဟိန္ဒူဘာသာဝင်အမျိုးသမီးတဦးက Border News Agency ကိုပြောပါတယ်။ အာရက္ခအဆုံးအဖြတ်စစ်ပွဲမှာ အာရက္ခတပ်တော်ဟာ ပလက်ဝဒေသအပါအဝင် မောင်တော၊ ဘူးသီးတောင်၊ ရသေ့တောင်၊ ပုဏ္ဏားကျွန်း၊ ကျောက်တော်၊ မြောက်ဦး၊ မင်းပြား၊ မြေပုံ၊ ပေါက်တော၊ ရမ်းဗြဲ၊ သံတွဲ၊ တောင်ကုတ်၊ အမ်း၊ ဂွမြို့ နယ်တွေကို အပြီးသတ်သိမ်းပိုက်ထိန်း ချုပ်ထားပြီဖြစ်ပါတယ်။ အာရက္ခတပ်တော်သိမ်းပိုက်ထိန်းချုပ်ထားတဲ့နယ်မြေတွေမှာ အာရက္ခပြည်သူ့တော်လှန်ရေးအစိုးရအဖြစ်အုပ်ချုပ်ရေးယန္တရားတွေဖော်ဆောင်နေပြီး အာရက္ခပြည်သူတွေအတွက် ပြည်သူ့ဝန် ဆောင်မှုတွေဆောင်ရွက်ပေးနေပေမယ့် တည်ငြိမ်အေးချမ်းမှုတွေမဖြစ်သေးဘူးလို့ အာရက္ခပြည်သူတွေက ဆိုကြပါတယ်။ အဲဒါကြောင့် အာရက္ခပြည်သူတွေဟာ မိမိတို့ရဲ့အသက်မွေးဝမ်းကျောင်းအ လုပ်တွေကို ပြန်လည်မလုပ်နိုင်ကြသေးတာမို့ ပုံမှန်ဝင်ငွေမရှိကြသေးဘူးလို့လ ည်း အာရက္ခပြည်သူတွေကဆိုကြပါတယ်။ အဲဒီလိုဝင်ငွေမရှိကြတာမို့ စားဝတ်နေရေးအပါအဝင် ကျန်းမာရေးစောင့်ရှောက်မှုအကူအညီတွေလိုအပ်နေကြတယ်လို့လည်း အာရက္ခပြည်သူတွေကဆိုကြပါတယ်။ "ကျမသမီးကခု လေးဖက်နာရောဂါဖြစ်နေပါတယ်။ ကျမတို့မှာ အလုပ်လည်းမရှိဘူး။ဆေးကုဖို့လည်း ပိုက်ဆံမရှိဘူး။ ရောဂါဖြစ်နေတာရှစ်လရှိပါပြီ။ အစာစားလို့လည်းမရဘူး။ ဝမ်းခဲတယ်ပြောတယ်။ ခုကျမတို့မှာလည်း အလုပ်မရှိဘူး။ ဘာလုပ်လို့ ဆေးခန်းပြလို့ရမလဲ။ မပြနိုင်ဘူး။ ပိုက်ဆံမရှိဘူး။ ရောင်းချရတာလည်းအဆင်မပြေဘူး။ စားဖို့ကလ ည်းမရှိဘူး။ ဆေးခန်းပြဖို့ ပိုက်ဆံအကူအညီတွေပေးစေချင်ပါတယ်။" လို့ မော င်တောမြို့မှ ဟိန္ဒူဘာသာဝင်အမျိုးသမီးတဦးက Border News Agency ကိုပြောပါတယ်။ အာရက္ခအဆုံးအဖြတ်စစ်ပွဲမှာ စစ်ကောင်စီတပ်က မြို့ပေါ်ရပ်ကွက်တွေ၊ လူနေကျေးရွာတွေ၊ဘာသာရေးဆိုင်ရာအဆောက်အအုံတွေ၊ စာသင်ကျောင်းတွေ၊ဆေးရုံတွေ၊ စစ်ဘေးရှောင်စခန်းတွေအပါအဝင် တိုင်ပွဲမဖြစ်ပွားတဲ့နေရာတွေကိုလည်း ဒရုန်းတွေ၊ လက်နက်ကြီးတွေ၊ အတွဲလိုက်ဒုံးတွေအပြင် တိုက်လေယာဥ်တွေ၊ ရေတပ်စစ်သင်္ဘောကြီးတွေနဲ့ပစ်ခတ်တာတွေပြုလုပ်နေတယ်လို့ အာရက္ခပြည်သူတွေက ဆိုကြပါတယ်။ အဲဒီအပြင် နိုင်ငံတကာလူသားချင်းစာနာထောင်ထားမှုဆိုင်ရာအကူအညီပေးရေးအဖွဲ့တွေ၊ အဆောက်အအုံတွေ၊ ပစ္စည်းတွေကိုလည်း ဖောက်ထွင်းခိုးယူဖျက်ဆီးနေကြသလို ပြည်သူလူထုကိုပစ်မှတ်ထားပစ်ခတ်သတ်ဖြတ်နေကြတာမို့ စစ်ဘေးရှောင်တွေအပါအဝင်ပြည်သူတွေ အလုပ်လုပ်ဖို့တောင်ခက်ခဲနေကြတယ်လို့ ဆိုကြပါတယ်။ အဲဒါကြောင့် မောင်တောမြို့နယ်ကဟိန္ဒူဘာသာဝင်တွေဟာ ငွေးကြေးအခက်အခဲတွေကြောင်း ဆေးကုသမှုခံယူဖို့အခက်အခဲတွေအများကြီးရှိနေတယ်လို့ ဆိုကြပါတယ်။ "ကလေးတွေရောဂါဖြစ်ရင် ဆရာဝန်လည်းမရှိဘူး။ သူနာပြုဆရာမလည်းမရှိဘူး။ဆေးခန်းလည်းမရှိဘူး။ ဒီမှာ ကျမတို့လာကတည်းက ဘာတခုမှမရှိဘူး။ ဆေးခန်းတော့ဖွင့်တယ်လို့ ကြားတယ်။ အဲဒါကို တခါလောက်သွားပြချင်တယ်။ တခါသွားပြရင် ပိုက်ဆံတစ်သောင်းငါးထောင်ပေးရတယ်။ ပိုက်ဆံရှိမှလည်း သွားနိုင်မယ်။ မရှိရင် ဘယ်လိုလုပ်မလဲ။ တယောက်သွားပြတာ သုံးသောင်း၊ လေးသောင်းယူတယ်တဲ့။ ကျမတို့မှာမရှိဘူး။ မရှိရင် မသွားတော့ဘူး။ အဲဒါကြောင့်အကူအညီလိုချင်ပါတယ်။" လို့ မောင်တောမြို့မှ ဟိန္ဒူဘာသာဝင်တွေ အမျိုးသမီးတဦးက Border News Agency ကို ပြောပါတယ်။ အဲဒီမောင်တောမြို့နယ်တခုလုံးကို ပြီးခဲ့တဲ့နှစ်ဒီဇင်ဘာလ ၈ ရက်နေ့က အာရက္ခတပ်တော်(AA) ကအပြီးသတ်သိမ်း ပိုက်ထိန်းချုပ်ထားပြီးအုပ်ချုပ်ရေးယ န္တရားတွေဖော်ဆောင်နေတယ်လို့ အာရက္ခပြည်သူတွေကဆိုကြပါတယ်။ အဲဒီမောင်တောမြို့နယ်မှာ နိုင်ငံတကာလူသားချင်းစာနာထောက်ထားမှုဆိုင် ရာအကူအညီပေးရေးအဖွဲ့တွေအများကြီးရှိနေပေမယ့် ရုံးအားလုံးကို ပိတ်ထားကြပြီး စစ်ဘေးရှောင်ထွက်သွားကြပြီမို့ နိုင်ငံတကာလူသားချင်းစာနာထောက်ထားမှုဆိုင်ရာအကူအညီပေးရေးအဖွဲ့တွေရဲ့အကူအညီတွေလည်းရပ်တန့်နေတယ်လို့ အာရက္ခပြည်သူတွေက ဆိုကြပါတယ်။

Border News Agency

BNA

အာရက္ခ-ဘင်္ဂလားနယ်စပ်မှာအကြမ်းဖက်သမားတွေ အကြမ်းဖက်တိုက်ခိုက်နေ

ရိုဟင်ဂျာလက်နက်ကိုင်တွေဘင်္ဂလားဒေ့ရှ်နိုင်ငံအကျိုးစီးပွားကို ခြိမ်းခြောက်နေပြီလား

မောင်တောခရိုင်က မွတ်ဆလင်တွေကို HDCO အကူအညီတွေပေး

မောင်တောမြို့နယ်က မြိုကလေးတွေ ပညာရေးအတွက် အကူအညီတွေ လိုအပ်နေ

လူမျိုးရေးရာ

စစ်တွေခရိုင်

မြောက်ဦးခရိုင်

မောင်တောခရိုင်

သံတွဲခရိုင်

ကျောက်ဖြူခရိုင်

တောင်ကုတ်ခရိုင်

အမ်းခရိုင်

Add New Playlist

All Categories

Add Your Heading Text Here

Add Your Heading Text Here

Add Your Heading Text Here

English Page