အာရက္ခတပ်တော်ထိန်းချုပ်ထားတဲ့မောင်တောမြို့မှာဒေသကြက်တွေ ဈေးကောင်းရနေပါတယ်။ မောင်တောမြို့မှာ ဒေသအိမ်‌ကြမ်ကြက်အကြီးတကောင်ကိုခြောက်သောင်းကျပ်၊အလတ်တကောင်ကိုငါးသောင်းကျပ်၊အငယ်တကောင်ကို သုံးသောင်းကျပ်ထိစျေးရှိနေပါတယ်။ အဲဒီကြက်တွေကို ဘူးသီးတောင်မြို့န ယ်မှအများဆုံးလာရောက်ရောင်းချနေတာပါ။ အာရက္ခအဆုံးအဖြတ်စစ်ပွဲနောက်ပိုင်းအာရက္ခတပ်တော်ကမြို့အများစုကိုသိမ်းပိုက်ထိန်းချုပ်လိုက်တာမို့ ဒေသထွက်ကုန်တွေကို ပိုမိုထုတ်လုပ်လာကြပါတယ်။ အဲဒါကြောင့်ဒေသကြက်တွေကို ပိုမိုမွေးလာကြသလို တပိုင်တနိုင်မွေးသူတွေလည်းပိုများလာနေကြပါတယ်။

အာရက္ခတပ်တော်ထိန်းချုပ်ထားတဲ့ ဘူးသီးတောင်-မောင်တောလမ်းမှာ ပြန်လည်ပြုပြင်မှုမရှိသေးတာကြောင့် လမ်းတလျှောက် ချိုင့်ခွက်တွေများနေပြီး မိုးမကျမှီပြုပြင်ပေးဖို့ ခရီးသွားတွေကမျှော်လင့်နေကြပါတယ်။ အဲဒီလမ်းဟာ လက်ရှိမှာ ကုန်ကားကြီးတွေ သွားနေရပေမယ့် မိုးတွင်းဆိုရင် လမ်းအခြေအနေကြောင့် ကားကြီးတွေသွားလို့မရတော့ဘဲ စားသောက်ကုန်နဲ့ လူသုံးကုန်တွေကို ယာဉ်ငယ်တွေနဲ့ပဲ ခက်ခက်ခဲခဲ သယ်ယူနေကြရတယ်လို့ဆိုကြပါတယ်။ ရက္ခပြည်သူ့တော်လှန်ရေးအစိုးရက လမ်းတံတားတချို့ ပြုပြင်ပေးနေပေမယ့် ဒီလမ်းပိုင်းမှာတော့ စက်ယန္တရားနဲ့ နည်းပညာလိုအပ်ချက်အပြင် ကုန်ကျစရိတ် များတာကြောင့် မပြင်နိုင်သေးတာလို့ ဒေသခံတွေကဆိုကြပါတယ်။ အဲဒီလမ်းဆိုးတာကြောင့် ခရီးကြန့်ကြာရုံတင်မကဘဲ ယာဉ်တိမ်းမှောက်မှုတွေ ဖြစ်လာမှာကိုလည်း ယာဉ်မောင်းတွေနဲ့ ဒေသခံတွေက စိုးရိမ်နေကြပါတယ်။ မိုးတွင်းမှာလမ်းပန်းဆက်သွယ်ရေး ပြတ်တောက်ပြီး ကုန်ဈေးနှုန်းတွေ အဆမတန် တက်မလာအောင် သက်ဆိုင်ရာက ဒီလမ်းပိုင်းကို အမြန်ဆုံး ပြုပြင်ပေးဖို့ ပြည်သူတွေက တောင်းဆိုနေကြပါတယ်။

​အာရက္ခဒေသက ဂဏန်းတွေကို ဘင်္ဂလားဒေ့ရှ်နိုင်ငံကို တင်ပို့နေကြတာဟာစျေးကောင်းရနေကြတယ်လို့ ကုန်သည်တွေက ဆိုကြပါတယ်။ ​အရင်တုန်းကဂဏန်းလုံးတကီလိုကိုကျပ်ငါးထောင်မှခုနှစ်ထောင်ထိသာရခဲ့ပေမယ့် ခုတော့ တကီလိုကိုတသောင်းငါးထောင်ကျပ်ထိဈေးကောင်းရနေတာ ပါ။ ​"အရင်ကဂဏန်းလုံးတကေစီကို မြန်မာကျပ်ငွေငါးထောင်ခြောက်ထောင်ပဲရှိခဲ့တယ်။အခုလက်ရှိမှာတကေစီကိုတသောင်းငါးထောင်အထိဈေးမြင့်တက် နေပါတယ်။"လို့ ဂဏန်းကုန်သည်တဦးက Border News Agency ကိုပြောပါတယ်။ ​အရင်က ဂဏန်းတွေကို မူဆယ်လမ်း ကြောင်းမှတဆင့် တရုတ်နိုင်ငံကို တိုက် ရိုက်တင်ပို့ခဲ့ကြပေမယ့် စစ်ရေးပဋိပက္ခကြောင့် လမ်းကြောင်းပြောင်းသွားခဲ့တာပါ။ အဲဒီအပြင် ​စစ်ကော်မရှင်တပ်က လမ်းပန်းဆက်သွယ်ရေးတွေကို ပိတ်ဆို့ထားတာမို့ ဘင်္ဂလားဒေ့ရှ်သို့သာတင်ပို့နေကြတာလို့ ကုန်သည်တွေက ဆိုကြပါတယ်။ ​"ဂဏန်းလုံးတွေ ဈေးထိုးကျလို့ ဝယ်သူ မရှိလို့ ဝင်ငွေမရှိဘဲစားဝတ်နေရေး အ ဆင်မပြေခဲ့တာခြောက်လကျော်ခဲ့ပြီ။အခုမှ ဘင်္ဂလားဘက်က အဝယ်လိုက်လာတယ်။ဝယ်သူရှိရင်ကျွန်တော်တို့ဂဏန်းထောင်ရှာတဲ့သူတွေဝင်ငွေရပြီးအဆင်ပြေကြပါတယ်။"လို့ ဂဏန်းဖမ်းသူတဦးက Border News Agency ကိုပြောပါတယ်။ ​ဘင်္ဂလားဒေ့ရှ်နိုင်ငံမှဂဏန်းဝယ်ယူနေတာမို့ ဂဏန်းရှာသူတွေများလာသလိုဝ င်ငွေလည်းတိုးလာနေတယ်လို့ ဆိုကြပါတယ်။ အဲဒါကြောင့် ဘင်္ဂလားဒေ့ရှ်အစိုးရနဲ့အာရက္ခပြည်သူ့တော်လှန်ရေးအစိုးရကြားတရားဝင်ကုန်သွယ်ရေးအားကောင်းလာဖို့မျှော်လင့်နေကြတယ်လို့ အာရက္ခပြည်သူတွေက ဆိုကြပါတယ်။

​အာရက္ခဒေသက ဂဏန်းတွေကို ဘင်္ဂလားဒေ့ရှ်နိုင်ငံကို တင်ပို့နေကြတာဟာစျေးကောင်းရနေကြပါတယ်။ ​အရင်တုန်းကဂဏန်းလုံးတကီလိုကိုကျပ်ငါးထောင်မှခုနှစ်ထောင်ထိသာရခဲ့ပေမယ့် ခုတော့ တကီလိုကိုတသောင်းငါးထောင်ကျပ်ထိဈေးကောင်းရနေတာပါ။ ​အရင်တုန်းက ဂဏန်းတွေကို မူဆယ်လမ်းကြောင်းမှတဆင့် တရုတ်နိုင်ငံကို တိုက်ရိုက်တင်ပို့ခဲ့ကြပေမယ့် စစ်ရေးပဋိပက္ခကြောင့် လမ်းကြောင်းပြောင်းသွားခဲ့တာပါ။ အဲဒီအပြင် ​စစ်ကော်မရှင်တပ်က လမ်း ပန်းဆက်သွယ်ရေးတွေကို ပိတ်ဆို့ထားတာမို့ ဘင်္ဂလားဒေ့ရှ်သို့သာတင်ပို့နေကြတာလို့ ကုန်သည်တွေက ဆိုကြပါတယ်။ ​ဘင်္ဂလားဒေ့ရှ်နိုင်ငံမှဂဏန်းဝယ်ယူနေတာမို့ ဂဏန်းရှာသူတွေများလာသလိုဝ င်ငွေလည်းတိုးလာနေတယ်လို့ ဆိုကြပါတယ်။ အဲဒါကြောင့် ဘင်္ဂလားဒေ့ရှ်အစိုးရနဲ့အာရက္ခပြည်သူ့တော်လှန်ရေးအစိုးရကြားတရားဝင်ကုန်သွယ်ရေးအားကောင်းလာဖို့မျှော်လင့်နေကြတယ်လို့ အာရက္ခပြည်သူတွေက ဆိုကြပါတယ်။  အာရက္ခဒေသမှာအင်းအိုင်မြစ်ချောင်းတွေပေါများသလိုသားငါးပုစွန်တွေလည်းပေါများတာမို့ ဂဏန်းတွေရှာဖွေရတာပိုလွယ်ပိုများတယ်လို့ အာရက္ခပြည်သူတွေက ဆိုကြပါတယ်။

​အိန္ဒိယနိုင်ငံ၊ ဝန်ကြီးချုပ် နရင်ဒြာမိုဒီဟာ နိုင်ငံရဲ့ပထမဆုံး Namo Bharat အမြန်ရထားစနစ်နဲ့ မက်ထရိုရထားကို ဖွင့်လှစ်ပေးလိုက်ပြီး Delhi–Meerut လမ်းပိုင်းကို နိုင်ငံအတွက် အပ်နှံပေးလိုက်တယ်ပြီလို့ အိန္ဒိယအစိုးရသတင်းပြန်ကြားရေးဌာန(PIB) က ထုတ်ပြန်ထားပါတယ်။ ​ဒါဟာ ကမ္ဘာ့အဆင့်မီ အခြေခံအဆောက်အအုံ ခေတ်သစ်တခုရဲ့ အစဖြစ်သလို ဒေသခံတွေရဲ့လူနေမှုဘဝကို ပိုပြီး ချောမွေ့အဆင်ပြေစေမှာ ဖြစ်တယ်လို့ ဝန်ကြီးချုပ်က ပြောကြားခဲ့ပါတယ်။ အိန္ဒိယနိုင်ငံမှာ ပထမဆုံးအကြိမ်အဖြစ်အမြန်ရထားနဲ့ မက်ထရိုဝန်ဆောင်မှုတွေကို ပလက်ဖောင်းတခု၊လမ်းကြောင်းတခုတည်းကနေ ပူးပေါင်းပြေးဆွဲသွားမှာ ဖြစ်တယ်လို့လည်း ဆိုပါတယ်။ အဲဒီလို ဆက်သွယ်ရေးနဲ့ အခြေခံအဆောက်အအုံတွေ ဖွံ့ဖြိုးလာတာဟာ 'ဖွံ့ဖြိုးတိုးတက်တဲ့ အိန္ဒိယနိုင်ငံ'ဖြစ်လာဖို့အတွက် အဓိကစွမ်းအားစုတွေဖြစ်တယ်လို့လည်းဆိုပါတယ်။

Border News Agency  မောင်တော၊ ဖေဖော်ဝါရီ ၂၂။ ​အာရက္ခတပ်တော်ထိန်းချုပ်နယ်မြေမှာ လူနေထိုင်မှုနှုန်းဟာ ပုံမှန်ထက်ထက်ဝက်ကျော်လောက်အထိ လျော့နည်းနေသေးတာကြောင့် အခြေခံအိမ်ဆောက်ပစ္စည်းတွေဖြစ်တဲ့ ဝါးနဲ့ဓနိအရောင်းအဝယ်ဈေးကွက် ကျဆင်းနေတယ်လို့ ကုန်သည်တွေက ဆိုကြပါတယ်။ အဲဒီအပြင် စစ်ရေးအခြေအနေတွေကလည်း လုံးဝငြိမ်သက်သွားတာမျိုး မရှိသေးတဲ့အတွက် ဒေသခံတွေအနေနဲ့ ငွေအကုန်အကျခံပြီး နေအိမ်တွေကိုပြန်လည်ပြုပြင်တာမျိုး မလုပ်နိုင်ကြသေးတာကြောင့် အခုလိုဝယ်လိုအား နည်းပါးနေတာလို့ သိရပါတယ်။ ​"နယ်မြေထဲမှာ လူနေထိုင်မှုကထက်ဝက်အောက်ကို ကျဆင်းနေတယ်။ ဒီလိုအခြေအနေမှာ ဝါးနဲ့ဓနိတွေ ဘယ်လိုလုပ် အရောင်းသွက်မှာလဲ။ စစ်ရေးကလည်း မပြတ်သေးတော့ ဘယ်သူမှငွေကုန်ခံပြီး အိမ်မပြင်နိုင်ကြသေးဘူး။ ဒါကြောင့် ဝယ်လိုအားကထိုးကျနေတာပါ။" လို့ ဝါးကုန်သည်တဦးက Border News Agency ကိုပြောပါတယ်။ ​အရင်အခြားဒေသတွေကနေ ဝါးနဲ့ဓနိတွေအမြောက်အမြား ဝင်ရောက်ခဲ့ပေမယ့် အခုအခါမှာတော့လမ်းပန်းဆက်သွယ်ရေးနဲ့ စစ်ရေးအခြေအနေတွေကြောင့် နီးစပ်ရာဒေသထွက်ဝါးအချို့သာ ဝင်ရောက်နိုင်တော့တာ ဖြစ်ပါတယ်။ ​ဒေသတွင်းကို ဝါးတွေဝင်ရောက်မှုရှိနေပေမယ့် ဝယ်ယူသူနည်းပါးနေပြီး ဝါးဈေးနှုန်းတွေကလည်း တနေရာနဲ့တနေရာ သိသိသာသာကွာဟချက်တွေ ရှိနေတယ်လို့ ဆိုကြပါတယ်။ ​"အခုကအရင်လိုတခြားဒေသက ဝါးတွေမလာတော့ဘူး။ စစ်ရေးကြောင့်လည်း ပါတယ်။ လက်ရှိမှာတော့ နီးစပ်ရာတောတောင်တွေကထွက်တဲ့ ဝါးတွေပဲနယ်မြေထဲကို ဝင်လာပါတယ်။ ဓနိ (အုန်း) ကတော့ ဘေးမြို့နယ်တွေဘက်ကနေ လာပါတယ်" လို့ ကုန်သည်တဦးက ဆိုပါတယ်။ အာရက္ခဒေသက ဝါးဈေးနှုန်းတွေဟာ ၁၂ တောင် တလုံးကို ၆၅၀ ကျပ်ကနေ ၁,၂၀၀ ကျပ်အထိရှိနေပြီး ၁၀ တောင် တလုံးကို ၅၅၀ ကျပ်ကနေ ၁,၁၀၀ ကျပ်အထိ ဒေသအလိုက်ဈေးနှုန်းတွေ ကွာခြားနေပါတယ်။ အဲ​ဒီမြို့နယ်အချင်းချင်း ၁၆ မိုင်လောက်ပဲ ဝေးပေမယ့်ဈေးနှုန်းတွေ နှစ်ဆနီးပါးကွာဟနေရတာဟာ သယ်ယူပို့ဆောင်ရေး စရိတ်နဲ့ အလုပ်သမားခတွေ မြင့်မားနေတာကြောင့်ဖြစ်တယ်လို့ ကုန်သည်တွေကဆိုကြပါတယ်။ ​အဲဒီလိုဒေသတခုနဲ့တခုအတွင်း အခြေခံအိမ်ဆောက်ပစ္စည်းဈေးနှုန်းတွေ အဆမတန်ကွာဟနေတာဟာ ပြည်သူတွေအတွက်ဝန်ထုပ်ဝန်ပိုး ဖြစ်စေတာကြောင့် အာရက္ခပြည်သူ့တော်လှန်ရေးအစိုးရရဲ့ အုပ်ချုပ်ရေးယန္တရားအနေနဲ့ ကုန်စည်စီးဆင်းမှု၊ ဈေးနှုန်းတည်ငြိမ်ရေးကို စနစ်တကျကြပ်မတ်ထိန်းညှိပေးဖို့ လိုအပ်နေတယ်လို့လည်း ဒေသခံတွေနဲ့ ကုန်သည်တွေက ထောက်ပြနေကြပါတယ်။

အာရက္ခတပ်တော် ထိန်းချုပ်နယ်မြေမှာလူနေထိုင်မှု နည်းပါးနေသေးတာကြောင့် အခြေခံအိမ်ဆောက်ပစ္စည်းတွေဖြစ်တဲ့ ဝါးနဲ့ဓနိဝယ်လိုအားတွေ သိသိသာသာ ကျဆင်းနေပါတယ်။ ​အရင်ကဆိုရင် တခြားဒေသတွေကနေ ဝါးတွေအမြောက်အမြား ဝင်ရောက်ခဲ့ပေမယ့် အခုတော့ နီးစပ်ရာဒေသထွက်ဝါးတချို့ပဲ ဝင်နေပြီးဝယ်မယ့်သူမရှိသလောက် အရောင်းအဝယ်နည်းပါးနေတာပါ။ ​အဲဒီအပြင် သွားလာရေး အခက်အခဲတွေရှိနေသလို ဒေသခံတွေကလည်းအိမ်အသစ်ဆောက်ဖို့ထက် တခြားအရေးကြီးတဲ့ စားဝတ်နေရေးကိုပဲ ဦးစားပေးနေကြရလို့ အိမ်ဆောက်ပစ္စည်းဈေးကွက် ငြိမ်နေတာ ဖြစ်ပါတယ်။ ​ကုန်သည်တွေဘက်မှာလည်း ဝယ်လိုအားမရှိတာကြောင့် ပစ္စည်းတွေသိုလှောင်ထားရတာကြာလာရင် ပျက်စီးဆုံးရှုံးမှာကို စိုးရိမ်နေကြပါတယ်။ ဒါကြောင့် နယ်မြေအတွင်းလူပြန်လည်အခြေချမှုတွေများလာမှပဲ ဒီဈေးကွက်က ပြန်ကောင်းလာနိုင်မယ်လို့လည်း ကုန်သည်တွေကခန့်မှန်းနေကြပါတယ်။

​ထိုင်းနိုင်ငံ၊ ရယောင်မြို့နယ်၊ ကချတ်ဈေးအတွင်းမှာ မူးယစ်ဆေးဝါး ဖြန့်ဖြူးရောင်းချနေသူတဦးကို မူးယစ်ဆေးပြား၂,၇၃၀ ပြားနဲ့အတူ ဖေဖော်ဝါရီလ ၂၀ ရက်၊ မနေ့က အာဏာပိုင်တွေက ဖမ်းဆီးရမိခဲ့ပါတယ်။ ​အဲဒီ ရယောင်မြို့နယ် အုပ်ချုပ်ရေးမှူး ဦးဆောင်တဲ့အဖွဲ့ဟာ ဒေသတွင်း မူးယစ်ဆေးဝါး ပပျောက်ရေးအတွက် "Re-X Ray" စစ်ဆင်ရေးကို လုပ်ဆောင်နေစဉ်အတွင်း အခုလို ဈေးထဲမှာ ဆေးပြားတွေ ရောင်းချနေတဲ့ သတင်းကို ရရှိခဲ့တာ ဖြစ်ပါတယ်။ အသက် ၃၀ အရွယ် တရားခံ ဂျင်ဝစ် (Jenwit) ဆိုသူဟာ လူမှုကွန်ရက်ကနေတဆင့် ဒေသတွင်းကလူငယ်တွေနဲ့ အလုပ်သမားတွေဆီကို ဆေးပြားတွေ ဖြန့်ဖြူးနေတာကြောင့် အာဏာပိုင်တွေက အရပ်ဝတ်နဲ့ ဝယ်ယူဟန်ဆောင်ပြီး ထောင်ချောက်ဆင် ဖမ်းဆီးခဲ့တာပါ။ ​အဲဒီ တရားခံရဲ့ ထွက်ဆိုချက်အရ သူဟာ မူးယစ်ကွန်ရက်တွေဆီကနေ ဆေးပြားတွေကို လက်ခံရယူပြီး အမြတ်အစွန်းအတွက် အကြိမ်ကြိမ် ပြန်လည်ရောင်းချနေတာ ဖြစ်တယ်လို့လည်း သိရှိရပါတယ်။ အဲဒီ တရားခံကို စမ်နပ်ထောင်ရဲစခန်းဆီ လွှဲပြောင်းပေးထားပြီး သူနဲ့ ဆက်နွှယ်နေတဲ့ မူးယစ်ကွန်ရက်တွေကိုလည်း ဆက်လက်ဖော်ထုတ် ဖမ်းဆီးသွားမယ်လို့ မြို့နယ်အုပ်ချုပ်ရေးအဖွဲ့က ထုတ်ပြန်ထားပါတယ်။

အာရက္ခတပ်တော် (AA) သိမ်းပိုက်ထိန်းချုပ်ထားတဲ့ မောင်တောမြို့မှာအလုပ်အကိုင် ရှားပါးမှုတွေကြောင့် ကလေးသူငယ်တွေကိုပါခေါ်ပြီး တောင်းရမ်းစားသောက်နေနေသူတွေ များပြားလာနေတယ်လို့ မောင်တောမြို့ခံတွေကဆိုကြပါတယ်။  မောင်တောမြို့သိမ်းတိုက်ပွဲ ကာလအတွင်းမှာ ဒေသတွင်းရှိ ရခိုင်၊မွတ်ဆလင်နဲ့ ဟိန္ဒူ အခြေခံလူတန်းစားတွေဟာ အလုပ်အကိုင်တွေပြတ်တောက်သွားပြီး ဝင်ငွေမရှိတော့တာကြောင့် အခုလို တောင်းရမ်းစားသောက်မှုတွေ ပိုများလာတာ ဖြစ်ပါတယ်လို့ မြို့ခံတွေကဆိုကြပါတယ်။ ​“အဓိကကစားဝတ်နေရေး ခက်ခဲလို့ပါ။ ကလေးတွေကိုပါခေါ်ပြီး တောင်းရမ်းနေတာ မြင်ရတာအတော်လေး အရုပ်ဆိုးပေမဲ့လည်း မိသားစုထမင်းတနပ် စားနိုင်ဖို့က သူတို့အတွက်အဓိက ဖြစ်နေပါတယ်။" လို့မောင်တောမြို့ရှိမွတ်ဆလင်လူကြီးတဦးက Border News Agency ကိုပြောပါတယ်။  မောင်တောမြို့ရှိ မြို့ပေါ်ရပ်ကွက်တွေနဲ့ လူစည်ကားရာနေရာတွေမှာ ကလေးငယ်တွေကို ချီပိုးပြီးတောင်းရမ်းနေတာတွေကို နေ့စဉ်တွေ့မြင်နေရတာဖြစ်လို့ ဒါဟာ ဒေသတွင်းက ဆင်းရဲနွမ်းပါးမှု ပြဿနာကိုဖော်ပြနေတာဖြစ်တယ်လို့ ဒေသခံတွေက ဆိုကြပါတယ်။ အာရက္ခဒေသမှာ ​အလုပ်အကိုင်အခွင့်အလမ်းတွေ နည်းပါးတာကြောင့် အခြေခံလူတန်းစားတွေဟာ စားနပ်ရိက္ခာအတွက် အခက်အခဲများစွာနဲ့ရင်ဆိုင်နေကြရပြီး အဲဒီအခြေအနေတွေကိုအမြန်ဆုံး ဖြေရှင်းပေးနိုင်ဖို့ လိုအပ်နေတယ်လို့ ပြည်သူတွေကဆိုကြပါတယ်။ 

​အာရက္ခတပ်တော်(AA) ထိန်းချုပ်ထားတဲ့မောင်တောဒေသအတွင်း ခုနှစ်နွေစပါးစိုက်ပျိုးမှုတွေဟာ အရင်နှစ်တွေကထက် ပိုမိုဖြစ်ထွန်းအောင်မြင်နေ​ပေမယ့် သွင်းအားစုနဲ့ စက်ကိရိယာအကူအညီတွေ လိုအပ်နေကြတယ်လို့ တောင်သူတွေကဆိုကြပါတယ်။ ​အာရက္ခဒေသအတွင်း စားနပ်ရိက္ခာဖူလုံရေးအတွက် မောင်တောမြို့နယ်ရှိ ဆည်တွေနဲ့ ရေချိုတောင်ကျချောင်းတွေအနီးရှိ မြေနေရာတွေကိုအဓိကထားကာ ခု ၂၀၂၆ ခုနှစ်အတွင်း အားတက်သရော စိုက်ပျိုးနေကြတာဖြစ်တယ်လို့ဆိုကြပါတယ်။ အဲဒါကြောင့် စိုက်ပျိုးရေးတိုးချဲ့ဖို့အတွက်အကူအညီတွေလိုအပ်နေတယ်လို့ နွေစပါးစိုက်တောင်သူတွေကဆိုကြပါတယ်။ "နွေစပါးတိုးချဲ့ဖို့အတွက်ဆိုရင် အဓိက မြေဆီ၊မြေဩဇာနဲ့ ပိုးသတ်ဆေးတွေ လိုအပ်ပါတယ်။နောက်ထပ် ဧကပြတ်အောင် တိုးချဲ့စိုက်ပျိုးလို့ရပေမယ့် လယ်ထွန်စက်နဲ့ လုပ်အားခစရိတ်တွေ အခက်အခဲရှိနေပါတယ်။ဒါကြောင့် အကူအညီတွေလိုပါတယ်။"လို့ မောင်တောမြို့နယ်ရှိ နွေစပါးစိုက်တောင်သူတဦးက Border News Agency ကိုပြောပါတယ်။  အဲဒီ မောင်တောမြို့နယ်မှာ အာရက္ခပြည်သူ့တော်လှန်ရေးအစိုးရရဲ့ ​လမ်းညွှန်မှုနဲ့အတူ တိုက်ပွဲတွေကြောင့် ပျက်စီးသွားတဲ့ စိုက်ပျိုးရေးကဏ္ဍပြန်လည်ဦးမော့လာစေဖို့ အတွက်ရွယ်ရည်ပြီးစိုက်ပျိုးနေကြတာလို့ဒေသခံတွေကဆိုကြပါတယ်။ အဲဒါကြောင့် တိုက်ပွဲတွေငြိမ်သက်လာရင် စိုက်ပျိုးရေးတွေပိုမိုတိုးချဲ့လုပ်ကိုင်ချင်တယ်လို့ တောင်သူတွေကဆိုကြပါတယ်။ ​"တိုင်းပြည်အေးချမ်းလာရင် နွေစပါးတင်မကဘဲ မိုးစပါးပါ ဒီထက်ပိုပြီးတိုးချဲ့လုပ်ကိုင်ချင်ပါတယ်။ အခုလောလောဆယ်တော့ ဒီနွေစပါးစိုက်ခင်းတွေကိုပဲ ရှိတာလေးနဲ့အကောင်းဆုံးဖြစ်အောင် ပြုပြင်လုပ်ကိုင်နေရတာပါ။"လို့ တောင်သူတဦးကဆိုပါတယ်။ အာရက္ခဒေသတွင်း ရိက္ခာဖူလုံရေးအတွက် အရေးပါတဲ့ နွေစပါးစိုက်ပျိုးမှု ပိုမိုအောင်မြင်လာစေဖို့ ခေတ်မီစိုက်ပျိုးရေးနည်းပညာတွေနဲ့စက်ကိရိယာအကူအညီတွေအကူအညီတွေလိုအပ်နေတာလို့ဆိုကြပါတယ်။ အဲဒါကြောင့် မောင်တောဒေသ နွေစပါးပိုပြီးဖြစ်ထွန်းအောင်မြင်ဖို့ သက်ဆိုင်ရာတာဝန်ရှိသူတွေအနေနဲ့ အကူအညီတွေပေးဖို့ တောင်သူတွေကတောင်းဆိုနေကြပါတယ်။