◽ တောင်ငူမြို့ကပြည်သူတွေလမ်းပေါ်မှာအဆင်ပြေသလို အိပ်နေကြ (ဓာတ်ပုံသတင်း)Border News Agency တောင်ငူ၊ မတ် ၂၈ ။မြန်မာနိုင်ငံမှာ မတ်လ ၂၈ ရက်၊ ဒီနေ့အင်အား ၇ ဒသမ ၇ အဆင့်ရှိအင်အားအလွန်ပြင်းထန်တဲ့ငလျင်ကြီးလှုပ်ခတ်ခဲ့ပြီးနောက် တောင်ငူမြို့မှပြည်သူတွေဟာ ကားလမ်းတွေ၊ ကားတွေပေါ်မှာအဆင်ပြေသလို အိပ်နေကြရပါတယ်။အဲဒီလိုငလျင်ကြောင့် ကလေးသူငယ်တွေ၊ အမျိုးသမီးတွေ၊ ရဟန်းသံဃာတော်တွေ သေဆုံးဒဏ်ရာရခဲ့ကြသလိုအဆောက်အအုံတွေလည်း အများအပြားရှိပျက်စီးသွားခဲ့ပါတယ်။အဲဒါကြောင့် မန္တလေးတိုင်း၊ စစ်ကိုင်းတိုင်း၊ မကွေးတိုင်း၊ ပဲခူးတိုင်း၊ ရှမ်းပြည်အရှေ့၊ ရှမ်းပြည်မြောက်ပိုင်းနဲ့ နေပြည်တော်ကောင်စီနယ်မြေတွေကို အာဏာသိမ်းစစ်ကောင်စီရဲ့အမျိုးသားသဘာ၀ဘေးအန္တရာယ်ဆိုင်ရာစီမံခန့်ခွဲမှုကော်မတီမှ မတ်လ ၂၈ ရက်၊ ဒီနေ့အရေးပေါ်အခြေအနေကြေညာလိုက်ပါတယ်။အဲဒီငလျင်ကြီးဟာ မန္တလေးမြို့အရှေ့မြောက်ဘက် ၁၂ မိုင်အကွာကို ဗဟိုပြုလှုပ်ခတ်ခဲ့ပြီးနောက် ဒေသခြောက်ခုကို အရေးပေါ် အခြေအနေကြေညာလိုက်တာဖြစ်ပါတယ်။အဲဒီငလျင်ကြီးကြောင့်ပျက်စီးဆုံးရှုံးမှုတွေကို အမြန်ဆုံးစုံစမ်းပြီးကူညီကယ် ဆယ်ရေးလုပ်ငန်းတွေကို အလျင်အမြန်ဆောင်ရွက်နေတယ်လို့ ဆိုပါတယ်။အဲဒီငလျင်ကြောင့်ထိခိုက်ခံစားခဲ့ရသူတွေကို လူသားချင်းစာနာထောက်ထားမှုဆိုင်ရာအကူအညီတွေရရှိအောင် ဆောင်ရွက်သွားမယ်လို့ ဆိုပါတယ်။အဲဒီငလျင်ကြီးကြောင့် လမ်း၊ တံတာ၊ ဆေးရုံ၊ဘာသာရေးဆိုင်ရာအဆောက် အအုံတွေ၊ လူနေအိမ်တွေ၊ ဌာနဆိုင်ရာရုံးတွေပျက်စီးသွားခဲ့ပါတယ်။အဲဒီအပြင်လူတွေလည်း သေဆုံးဒဏ် ရာရခဲ့ကြသလို ပိတ်မိနေသူတွေ၊ ပျောက်ဆုံးနေကြသူတွေလည်း ရှိနေကြပါတယ်။