Border News Agency
ကန့်ဘလူ၊ စက်တင်ဘာလ ၁၇။
ကန့်ဘလူမြို့နယ်မှာ စစ်ကော်မရှင်တပ်နဲ့ ပျူစောထီးအဖွဲ့က အရပ်သားခုနှစ်ဦးကို အရှင်လတ်လတ်မီးရှို့သတ်ဖြတ်ခဲ့တယ်လို့ ကျွန်းလှကန့်ဘလူတက်ကြွလှုပ်ရှားသူများအဖွဲ့က စက်တင်ဘာလ ၁၆ ရက်နေ့က ထုတ်ပြန်ပါတယ်။
ရွှေမှော်မှပြန်လာတဲ့အရပ်သားခုနှစ်ဦးကိုစက်တင်ဘာလ ၁၂ ရက်နေ့၊ညနေက ရွှေဘို-မြစ်ကြီးနားဗျူဟာလမ်းပိုင်း၊ ဘူးကုန်းလမ်းခွဲ ဇရပ်အနီးရှိစစ်ကော်မရှင်တပ်နဲ့ပျူစောထီးတွေက ဖမ်းဆီးခဲ့တ ယ်လို့ဆိုပါတယ်။
အဲဒီလိုဖမ်းဆီးခံရပြီးနောက်သူတို့တွေကိုကြိုးတုတ်ပြီးအရှင်လတ်လတ်မီးရှို့သတ်ဖြတ်ခဲ့ပြီး လူငယ်အမျိုးသားတဦးထွက်ပြေးလွတ်မြောက်လာခဲ့တယ်လို့ဆိုပါတယ်။
အဲဒီအသက် ၄၅ နှစ်အရွယ်ဦးစိုးတင့်၊အသက် ၂၃ နှစ်အရွယ်ကိုချစ်သဲမောင်၊အသက် ၂၃ နှစ်အရွယ်ကိုသန်းဇော်ထွ န်း၊အသက် ၁၈ နှစ်အရွယ်ကိုရီဝေမိုး၊အသက် ၁၆ နှစ်အရွယ် မိုးသက်ခ၊အ သက် ၁၄ နှစ်အရွယ်ချမ်းဖြိုးဝေမီးရှို့အသတ်ခံခဲ့ရတာပါ။
အဲဒီအသတ်ခံရတဲ့အထဲမှာ အသက် ၁၅ နှစ်အရွယ် ကလေးတဦးလွတ်မြောက်လာခဲ့တယ်လို့ဆိုပါတယ်။
သူတို့တွေဟာ စက်တင်ဘာလ ၉ ရက်နေ့မနက် ၈ နာရီအချိန်ခန့်က ဆိုင်ကယ် ၃ စီးနဲ့ရွှေဘို-မြစ်ကြီးနားဗျူဟာလမ်းပိုင်း၊ရွှေဘိုဘက်မှကန့်ဘလူဘက်သို့သွားရာ စစ်ကော်မရှင်တပ်နဲ့ပျူစောထီးအထိုင်ဂိတ်မှာ ဖမ်းဆီးခံခဲ့ရပြီး ဘူးကု န်းဘုန်းကြီးကျောင်းသို့ခေါ်သွားခဲ့တယ်လို့ဆိုပါတယ်။
သူတို့တွေကို ၄ ရက်ဆက်တိုက်အကြ မ်းဖက်နှိပ်စက်ရိုက်နှက်ခဲ့ပြီး စက်တင်ဘာလ ၁၂ ရက်နေ့ညနေမှာ ကြိုးတုပ်ကာ ကားတာယာတွေနဲ့အရှင်လတ်လ တ်မီးရှို့သတ်ဖြတ်ခဲ့တယ်လို့ ဆိုပါတယ်။
“လိုင်းပေါ်မှာ ကားသမားတွေပြည်သူတွေတင်ထားတာ။ဗျူဟာလမ်းအတိုင်းအေးအေးဆေးဆေးအစစ်ဆေးမရှိသွားလို့ရပြီ။ဘာမှကြောက်စရာမရှိဘူးဘာညာတင်ထားတော့…ကျနော်တို့လ ည်းအေးဆေးပြန်ခဲ့ကြတာဗျ။ကျနော်တို့၇ ယောက်လုံးကို လက်ပြန်ကြိုးတုပ်လျက်နဲ့ပဲတာယာပုံပေါ်တက်ခိုင်းတယ်။ပြီးတော့ခေါင်းတွေကိုတုတ်တွေနဲ့ရိုက်တယ်။မေ့မျောလို့မပြေးနိုင်တော့ဘူးဆိုမှမီးရှို့ပစ်ထားခဲ့တာ၊အဲထဲမှာကျနော်ကကံကောင်းပြီးသတိရလို့ ထွက်ပြေး လွတ်မြောက်ခဲ့တာ။” လို့ လွတ်မြောက်လာတဲ့အသက် ၁၅ နှစ်အရွယ်မောင်မောင်ကဆိုပါတယ်။
စစ်ကော်မရှင်တပ်နဲ့ပျူစောထီးတွေဟာ ကန့်ဘလူမြို့နယ်မှာ လှည့်ပတ်စစ် ကြောင်းထိုးနေနေတာ တလနီးပါးရှိနေပြီး ကျေးရွာတွေကိုမီးရှို့ဖျက်ဆီးတာနဲ့အပြစ်မဲ့ပြည်သူတွေကို ဖမ်းဆီးသတ် ဖြတ်တာတွေလည်းဆက်တိုက်လုပ်နေတယ်လို့ဆိုပါတယ်။
သူတို့တွေဟာရွှေဘို-မြစ်ကြီးနားဗျူဟာလမ်းပိုင်းကို ထိန်းချုပ်ဖို့ကြိုးစားနေပြီးရေကြည်ဦး၊ဘူးကုန်းရွာလမ်းခွဲ၊ဇီးကု န်း-မလယ်လမ်းဆုံတွေမှာလည်းနေရာယူထားသလို ပြည်သူတွေကိုဖမ်းဆီးနှိပ်စက်သတ်ဖြတ်နေတာကြောင့် ခရီး သွားပြည်သူတွေအနေနဲ့ အထူးသတိ ထားသွားလာကြဖို့ အသိပေးထားပါတယ်။
