Border News Agency
စစ်ကိုင်း၊ စက်တင်ဘာ ၈။
စစ်ကိုင်းတိုင်း၊ကန့်ဘလူမြို့နယ်မှာ လှည့်ကင်းထွက်လာတဲ့ စစ်ကော်မရှင်တပ်ဖွဲ့ဝင်နဲ့ ပြူစောထီးပူးပေါင်းအင်အား ၁၇ ဦးကို မဟာမိတ်ပူးပေါင်းတပ်တွေကကြားဖြတ်တိုက်ခိုက်ခဲ့တာကြောင့် ၇ ခုနှစ်ဦးသေဆုံးသွားတယ်လို့ ပြည်သူ့လွတ်မြောက်ရေးတပ်မတော်(PLA)မှ စက်တင်ဘာလ ၈ ရက်၊ဒီနေ့ထုတ်ပြန်ပါတယ်။
စစ်ကော်မရှင်တပ်ဖွဲ့ဝင်နဲ့ပြူစောထီး ပူးပေါင်းအင်အား ၁၇ ဟာ စက်တင်ဘာလ ၈ ရက်၊ ဒီနေ့မနက် ၆ နာရီ ၃၀ မိနစ်အချိန်က လှည့်ကင်းထွက်လာချိန်မှာ တိုက်ခိုက်ခဲ့တာလို့ဆိုပါတယ်။
အဲဒီစစ်ကော်မရှင်တပ်ဖွဲ့တွေရဲ့လှည့်ကင်းကို ကန့်ဘလူလှုပ်ရှားအဖွဲ့(ပကဖ)၊ ရေဦးမြို့နယ်ပြည်သူ့ကာကွယ်ရေးအဖွဲ့(ပကဖ)တန့်ဆည်မြို့နယ်ပြည်သူ့ကာကွယ်ရေးအဖွဲ့(ပကဖ)နဲ့ ပြည်သူ့လွတ် မြောက်ရေးတပ်မတော်(PLA)က ကြားဖြတ်တိုက်ခိုက်ခဲ့တာလို့ဆိုပါတယ်။
အဲဒီလှည့်ကင်းဟာ ၀က်တိုးရွာနဲ့ ကာဘိုးရွာကြားအရောက် ၇ နာရီ ၄၅ မိနစ်အချိန်ကမှာ တိုက်ပွဲစဖြစ်ပွားခဲ့ပြီး စစ်ကော်မရှင်တပ်ဖွဲ့ဝင် ၇ ဦးသေဆုံးခဲ့တယ်လို့ဆိုပါတယ်။
အဲဒီတိုက်ပွဲမှာ စစ်ကော်မရှင်ဖက်က ကာဘိုင် ၂ လက်၊ MA-1 ၁ လက်၊ G-3 ၁ လက်နဲ့ပြောင်းချော ၁ လက်သိမ်းဆ ည်းရမိခဲ့ပြီး မဟာမိတ်တပ်ဖွဲ့တွေဖက်က အထိခိုက်အကျဆုံးမရှိပြန်ပြီးဆုတ် ခွာလာနိုင်ခဲ့တယ်လို့ဆိုပါတယ်။
