Border News Agency
ပေါက်တော၊ စက်တင်ဘာ ၂၀။
အာရက္ခတပ်တော်ထိန်းချုပ်ထားတဲ့ ပေါက်တောမြို့နယ်က ငါးဖမ်းထွက်တဲ့ငါးဖမ်းသမားခုနှစ်ဦးကို စစ်ကော်မရှင်တပ်ကဖမ်းဆီးသွားတယ်လို့ ဒေသခံတွေက ဆိုကြပါတယ်။
သူတို့ဟာ ပေါက်တောမြို့နယ်၊ ချောင်းဝနဲ့ကုန်တန်းကျေးရွာက ငါးဖမ်းလုပ်င န်းနဲ့အသက်မွေးဝမ်းကျောင်းပြုနေကြတာဖြစ်ပြီးစက်တင်ဘာလ ၁၆ ရက်နေ့က ငါးဖမ်းစက်လှေတွေနဲ့အတူဖမ်းဆီးခံလိုက်ကြရတာပါ။
သူတို့ကို စစ်တွေအခြေစိုက်စစ်ကော်မ ရှင်ရေတပ်စစ်ရေယာဥ်မှတပ်သားတွေအမြန်ရေယာဥ်နဲ့လာရောက်ဖမ်းဆီးသွားခဲ့တာလို့ ဆိုကြပါတယ်။
“သေနတ်တွေကိုင်ပြီး စပီဘုတ်နဲ့လာဖမ်းတာပြောတယ်။ငါးဖမ်းနေတော့ သ တိမထားမိဘူးထင်တယ်။ငါးဖမ်းထွက်ရင်တော့ သူတို့နဲ့မတွေ့ဖိုလိုတယ်။စစ်ရေယာဥ်ကနေပြီး အဝေးကြည့်စိန်ပြော င်းတွေနဲ့လှမ်းကြည့်တော့ မြင်ရတာနဲ့လာဖမ်းတာထင်ပါတယ်။” လို့ ဖမ်းဆီးခံရသူတွေနဲ့နီးစပ်သူတဦးက Border News Agency ကို ပြောပါတယ်။
သူတို့ကို စစ်တွေမြို့အခြေစိုက်၊အမှတ် ၁ ရဲစခန်းမှာဖမ်းဆီးထားတယ်လို့ဆိုတယ်။
ပေါက်တောဒေသခံအများစုဟာ မိသားစုစားဝတ်နေရေးကြောင့် ပင်လယ်ပြင်မှာ ငါးဖမ်းထွက်ကြရပေမယ့် စစ်ကော် မရှင်တပ်ဖမ်းဆီးတာတွေ ဆက်တိုင်းပြုလုပ်နေတာမို့ စိုးရိမ်နေကြရတယ်လို့
ဆိုကြပါတယ်။
ဒါပေမယ့် ငါးဖမ်းမထွက်ရင် စားဝတ် နေရေးမပြေလည်မှုတွေရှိနေလို့ အဖမ်း အဆီးတွေကြားကအသက်စွန့်ပြီးငါးဖမ်းထွက်ဝမ်းစာရှာဖွေနေကြရတယ်လို့ ဆိုကြပါတယ်။
အာရက္ခအဆုံးအဖြတ်စစ်ပွဲစတင်ကတ ည်းက စစ်ကော်မရှင်တပ်ဟာ အာရက္ခဒေသက ကုန်လမ်း၊ ရေလမ်းအားလုံးကိုတားဆီးပိတ်ဆို့ထားတာဖြစ်ပါတယ်။
အဲဒါကြောင့် ပင်လယ်ပြင်မှာ ငါးဖမ်းခွင့်မရရှိတော့တဲ့ဒေသခံရေလုပ်ငန်းပိုင် ရှင်တွေနဲ့ငါးဖမ်းသမားတွေဟာ အခက်အခဲတွေနဲ့ကြုံနေရတယ်လို့ ဆိုကြပါတယ်။
စစ်ကော်မရှင်တပ်စစ်ရေယာဥ်ဟာ ပေါက်တောမြို့နယ်၊တန်းတင်ကျေးရွာနဲ့ငရုပ်ချောင်းရွာကဒေသခံငါးဖမ်းသ မားခြောက်ဦးကိုလည်း စက်တင်ဘာလ ၈ ရက်နေ့က ဖမ်းဆီးသွားခဲ့ပါတယ်။
အဲဒီအပြင် ပေါက်တောမြို့နယ်၊မြေငူကျွန်းအနီးမှာငါးဖမ်းနေတဲ့ ပေါက်တောဒေသခံငါးဖမ်းသမားနှစ်ဆယ်သုံးဦးကိုလည်း ပြီးခဲ့တဲ့ဧပြီလ ၅ ရက်နေ့က စစ်ကော်မရှင်တပ်ဖမ်းဆီးသွားခဲ့ပါတယ်။
စစ်ကော်မရှင်ရေတပ်ဟာ ရေတပ်စစ် သင်္ဘောကြီးတွေအပါအဝင် စစ်သည်အင်တားဖြည့်တင်းထားသလို ဒေသခံတွေ၊ ဒေသခံရေလုပ်သားတွေကို ပစ်ခ တ်တာတွေ၊ဖမ်းဆီးတာတွေမကြာခဏပြုလုပ်နေကြတယ်လို့ ပြည်သူတွေကဆိုကြပါတယ်။
