Border News Agency
မောင်တော၊ စက်တက်ဘာ ၂၄။
အာရက္ခတပ်တော်(AA)ထိန်းချုပ်ထားတဲ့မောင်တောမြို့နယ်မှာ မြေမြုပ်မိုင်းနင်းမိလို့ မြိုလူငယ်တဦးဟာညာဘက်ခြေထောက်ခြေချင်းဝတ်နားမှပြတ်ထွ က်သွားတယ်လို့ မောင်တောဒေသခံတွေက ဆိုကြပါတယ်။
အဲဒီမြိုလူငယ်ဟာ မောင်တောမြို့နယ်၊ ဂြစ်ချောင်းကျေးရွာမှအသက်နှစ်ဆယ့်တနှစ်အရွယ်မောင်ရွေဟက်ဖြစ်ပါတယ်။
သူဟာ စက်တင်ဘာလ ၂၄ရက်၊ ဒီနေ့ နေ့လယ် ၁၂ နာရီကျော်အချိန်ခန့်က ရွာနဲ့နှစ်မိုင်ကျော်ခန့်ဝေးတဲ့မယူတောင် တန်းရှိ တောင်ယာကိုသွားတဲ့အချိန် မြေမြှုပ်မိုင်းနင်းမိခဲ့တာပါ။
အဲဒီလိုနင်းမိတဲ့အတွက် ညာဘက်ခြေ ထောက်ခြေချင်းဝတ်မှပြတ်ထွက်သွားပြီးပြင်းထန်ဒဏ်ရာရသွားတယ်လို့ဆိုပါတယ်။
“ဒဏ်ရာကပြင်းပါတယ်။ ဘယ်ခြေထောက်ခြေချင်းဝတ်ကနေပြတ်သွားတာ။တိုက်နယ်ဆေးရုံကို သွားပြတာဒဏ်ရာပြင်းတယ်လို့ ပြောပါတယ်။” လို့မောင်တောဒေသခံတဦးက Border News Agency ကို ပြောပါတယ်။
အဲဒီမောင်တောမြို့နယ်၊ ပေါင်းဇားကျေးရွာမှမွတ်ဆလင်အမျိုးသားတဦးမှာလည်း မေလ ၁ ရက်နေ့က မိုင်းနင်းမိလို့ ခြေထောက်တဖက်ပြတ်ထွက်သွားခဲ့ပါတယ်။
အဲဒီအပြင်မောင်တောမြို့နယ်၊ရေနော က်ငါးသားကျေးရွာကအသက်ငါးဆယ်အရွယ်အမျိုးသားတစ်ဦးဟာ မေလ ၁ ၀ ရက်နေ့က ကျေးရွာအနီးတောင်ယာသို့ ဟင်းရှာရန်သွားရာချိန်မြေမြုပ်မိုင်း
မိုင်းနင်းမိလို့ ခြေထောက်တစ်ဖက်ပြတ်ထွက်သွားခဲ့ပါတယ်။
အာရက္ခတပ်တော်ထိန်းချုပ်နယ်မြေတွေရှိ တိုက်ပွဲဖြစ်ပွားခဲ့တဲ့နေရာတွေ၊ တောတောင်တွေ၊လမ်းဘေးနေရာတွေမှာ မိုင်းရှင်းလင်းတာတွေ၊မိုင်းအသိပ ညာပေးဆိုင်းဘိုးတွေကပ်တာတွေ၊လ က်ကမ်းစာစောင်တွေဖြန့်ဝေတာတွေ၊ မိုင်းအသိပညာပေးတွေ ပြုလုပ်နေပါတယ်။
