Border News Agency
စက်တင်ဘာ ၂၅၊ ၂၀၂၅

မြို့ပြတော်လှန်ရေးတပ်ဦး(Urban Revolutionary Front – URF) ရဲ့ ရဲဘော်တွေကို စိတ်ပိုင်း၊ ရုပ်ပိုင်းဆိုင်ရာကူညီစောင့်ရှောက်မှုနဲ့ ပတ်သက်တဲ့သင်တန်းပြုလုပ်ခဲ့တယ်လို့ စက်တင်ဘာလ ၂၄ ရက်၊ မနေ့ကထုတ်ပြန်ပါတယ်။

အဲဒီသင်တန်းကို သူတို့ရဲ့စခန်းတနေရာမှာ ၂ ရက်တာသင်တန်းကို စက်တင်ဘာလနောက်ဆုံးအပတ်မှာ ပြုလုပ်ခဲ့တယ်လို့ ဆိုပါတယ်။

အဲဒီသင်တန်းကို ကရင်နီအခြေစိုက်စိ တ်ပိုင်းဆိုင်ရာကူညီစောင့်ရှောက်မှု ဆ ရာဖြစ်သင်တန်းပြီးစီးအောင်မြင်ထားတဲ့ လူငယ်အဖွဲ့က ဦးဆောင်မျှဝေပေးခဲ့တယ်လို့ ဆိုပါတယ်။

အဲဒီသင်တန်းမှာ စိတ်ဖိစီးမှုနဲ့စိတ်ဒဏ်ရာတွေအကြောင်း၊ အပြုသဘောဆောင်တဲ့စိတ်ခံစားမှုနဲ့ မအီမသာဖြစ်စေတဲ့စိတ်ခံစားမှုတွေကိုသိရှိနားလည်စေတာ၊ မိမိကိုယ်ကို ဂရုစိုက်တဲ့နည်းလမ်းတွေ၊ သူတပါးရဲ့ရင်ဖွင့်ခံစားချက်တွေ နည်းလမ်းတကျနားထောင်တတ်စေတာ စတာတွေကို စာတွေ့၊ လက်တွေ့ ဆွေးနွေးခဲ့တယ်လို့ ဆိုပါတယ်။

အဲဒီစိတ်ခံစားချက်တွေကို ဖြေရှင်းနိုင်မယ့် နည်းလမ်းတွေကိုလည်း လေ့လာခဲ့ပြီး အသက်ရှူလေ့ကျင့်ခန်းပြုလုပ်တာ၊အတိတ်နဲ့လက်ရှိကာလအကြောင်းအ ရာတွေနဲ့အဖြစ်အပျက်တွေကို ရင်ဖွင့်မျှဝေတဲ့ အုပ်စုလိုက်ကုသမှုတွေ (Memory Box’s Group Therapy)ကိုလည်း ကျွမ်းကျင်သူတွေရဲ့လမ်းညွှန်ချက်တွေနဲ့အညီ ပြုလုပ်ခဲ့တယ်လို့ ဆိုပါတယ်။

အဲဒီတော်လှန်ရေးကာလ ၄ နှစ်တာကာလမှာ ထိခိုက်ခံစားခဲ့ရတဲ့လူငယ်တွေရဲ့စိတ်ပိုင်းနဲ့ရုပ်ပိုင်းဆိုင်ရာတွေပြန်လည်သန်စွမ်းကျန်းမာလာဖို့က စစ်ရေးနဲ့ထပ် တူအရေးကြီးတဲ့အတွက် ခုလိုစိတ်ပိုင်းဆိုင်ရာကူညီစောင့်ရှောက်မှုသင်တန်းတွေ ပြုလုပ်နေတာလို့ဆိုပါတယ်။