Border News Agency
မိုင်းလုံ၊ စက်တင်ဘာ ၂၇။
မိုင်းလုံမြို့နယ်၊ ပန်သပြေကျေးရွာကို စစ်ကော်မရှင်တပ်လေကြောင်းတိုက်ခိုက်လို့ ဘုန်းကြီးကျောင်းနဲ့နေအိမ်နှစ်ဆယ် ပျက်စီးသွားတယ်လို့ တအာင်းတပ်မတော်က စက်တင်ဘာလ ၂၇ ရက်၊ ဒီနေ့ထုတ်ပြန်ပါတယ်။
စစ်ကော်မရှင်တပ်ဟာ ပန်းသပြေကျေးရွာကို လေကြောင်းတိုက်ခိုက်ခဲ့တာကြောင့် ဘုန်းကြီးကျောင်းနဲ့နေအိမ်နှစ်ဆယ်ပျက်စီးသွားခဲ့တာပါ။
အဲဒီပန်သပြေကျေးရွာရှိပြည်သူလူထုတွေကိုဒီနေ့ ည ၄ နာရီ ၇ မိနစ်အချိန်ခန့်က ရည်ရွယ်ချက်ရှိရှိလေကြောင်းကြဲတိုက်ခိုက်ခဲ့တယ်လို့ဆိုပါတယ်။
အဲဒီအပြင် ပန်သပြေကျေးရွာကို စက်တင်ဘာလ ၂၆ ရက်နေ့ကလည်း လေကြောင်းတိုက်ခိုက်လို့အသက် ၆၁နှစ်အရွယ်အမျိုးသားတဦးသေဆုံးသွားခဲ့ပြီး နေအိမ်တလုံးလည်းပျက်စီးသွားခဲ့တယ်လို့ ဆိုပါတယ်။
စစ်ကော်မရှင်တပ်ဟာစက်တင်ဘာလအတွင်း ကျောက်မဲ၊ သီပေါနဲ့မိုးကုတ်မြို့ နယ်ကို လေကြောင်း၊ လက်နက်ကြီးအသေခံဒရုန်းနဲ့ ဗုံးကြဲပစ်ခတ်တိုက်ခိုက်တာကြောင့် အမျိုးသားနှစ်ဦးသေဆုံးခဲ့ပြီး အမျိုးသားတဦး၊ အမျိုးသမီးလေးဦးထိခိုက်ဒဏ်ရာရရှိခဲ့ပြီးနေအိမ်နှစ်ဆယ်၊ စာသင်ကျောင်းတကျောင်း၊ ဘုန်းကြီးကျောင်းတကျောင်း၊ ကျောင်းဆောင်တဆောင်နဲ့ ကားတစီးပျက်စီးသွားခဲ့တယ်လို့ ဆိုပါတယ်။
အဲဒါကြောင့် စစ်ကော်မရှင်တပ်လေကြောင်းတိုက်ခိုက်တာကို ရှောင်ရှားနိုင်ဖို့စစ်ရေးသတိအမြဲရှိရန်လိုအပ်ပြီးလေကြောင်းရန်ကာကွယ်နိုင်ဖို့ လေကြောင်းရန်ကာကွယ်ရေးဆိုင်ရာနည်းလမ်းတွေကို လိုက်နာဆောင်ရွက်ရန်လိုအပ်တယ်လို့ဆိုပါတယ်။
