Border News Agency
နေပြည်တော်၊ အောက်တိုဘာ ၁၀။
လာမယ့်ရွေးကောက်ပွဲကို အာဆီယံပူးပေါင်းမယ်လို့ အောက်တိုဘာလ ၉ ရက်၊ မနေ့က စစ်ကော်မရှင်ဝါဒဖြန့်ထုတ်ပြန်ပါတယ်။
မြန်မာနိုင်ငံရဲ့ကြိုးပမ်းဆောင်ရွက်မှုတွေကြောင့် ရွေးကောက်ပွဲအတွက်အကောင်းဆုံးဖြစ်အောင်ပူးပေါင်းဆောင်ရွက်ပေးသွားမယ်လို့ စစ်ကော်မရှင်ကထုတ်ပြန်ပါတယ်။
နေပြည်တော်မှာ အာဏာသိမ်းစစ်ခေါင်းဆောင်မင်းအောင်လှိုင်နဲ့ မလေးရှားနိုင်ငံခြားရေးဝန်ကြီး မိုဟာမက်ဟက်ဆန်တို့ အောက်တိုဘာလ ၉ ရက်၊ မနေ့ကတွေ့ဆုံရာမှာ ရွေးကောက်ပွဲကိုထောက်ခံတယ်ဆိုတဲ့အကြောင်း စစ်ကော်မရှင်က ဝါဒဖြန့်ပြောလာတာပါ။
မြန်မာနိုင်ငံရဲ့ပါတီစုံဒီမိုကရေစီ အထွေထွေရွေးကောက်ပွဲပြုလုပ်ဖို့ ပြင်ဆင်နေတာကိုတွေ့ရတာကြောင့် အာဆီယံအနေနဲ့ဝမ်းမြောက်ဝမ်းသာဖြစ်တယ်လို့ မလေးရှားနိုင်ငံခြားရေးဝန်ကြီးက ပြော
တယ်လို့ စစ်ကော်မရှင်ထုတ်ပြန်ပါတယ်။
မြန်မာနိုင်ငံရဲ့ကြိုးပမ်းဆောင်ရွက်မှုတွေကို အကောင်းဆုံးဖြစ်အောင်ပူးပေါင်းဆောင်ရွက်ပေးသွားမှာဖြစ်သလို အားလုံးပါဝင်တဲ့ ရွေးကောက်ပွဲဖြစ်စေဖို့ အကြံပြုထားပြီး ရွေးကောက်ပွဲလေ့လာစောင့်ကြည့်ရေးအဖွဲ့တွေကိုလည်း စေလွှတ်ပေးသွားမယ်လို့ မလေးရှားနိုင်ငံခြားရေးဝန်ကြီးက ပြောခဲ့တယ်လို့ စစ်ကော်မရှင်က ဆိုပါတယ်။
အာဆီယံနိုင်ငံခြားရေးဝန်ကြီးတွေ ပြီးခဲ့တဲ့ဇူလိုင်လကကျင်းပခဲ့တဲ့ အစည်းအဝေးမှာ မြန်မာ့အရေးဖြေရှင်းဖို့ ရွေးကောက်ပွဲက အာဆီယံရဲ့ဦးစားပေးမဟုတ်ဘူးလို့ ဆိုထားပါတယ်။
အာဆီယံဘုံသဘောတူညီချက် ငါးရပ်နဲ့ မြန်မာ့အရေးလိုက်နာဖြေရှင်းဖို့ စစ်ကော်မရှင်ကိုအဓိက ဦးစားပေးတိုက်တွန်းခဲ့ထားပါတယ်။
အာဏာသိမ်းစစ်တပ်ဟာ လာမယ့်ဒီဇင်ဘာလ ၂၈ ရက်နေ့မှာ ရွေးကောက်ပွဲပြုလုပ်မယ်လို့ထုတ်ပြန်ထားပေမယ့်နိုင်ငံအနှံ့မှာကန့်ကွက်နေကြပါတယ်။
