Border News Agency
ကျောက်တော်၊ ဒီဇင်ဘာ ၁၀။
အာရက္ခဒေသမှာ နှစ်နှစ်အတွင်း စစ်ကော်မရှင်တပ်ကြောင့် ၁၀၀၅ ဦးသေဆုံးပြီး ၂၁၃၅ ဦးဒဏ်ရာရသွားတယ်လို့ အာရက္ခတပ်တော်ရဲ့ လူသားချင်းစာနာထောက်ထားရေးနဲ့ ပူးပေါင်းဆောက်ရွက်ရေးရုံး (HDCO) က ဒီဇင်ဘာလ ၁၀ ရက်၊ ဒီနေ့ထုတ်ပြန်ပါတယ်။
ပြီးခဲ့တဲ့ ၂၀၂၃ ခုနှစ်၊ နိုဝင်ဘာလ ၁၃ ရက်နေ့မှ ၂၀၂၅ ခုနှစ်၊ နိုဝင်ဘာလ ၁၃ ရက်နေ့ထိ စစ်ကော်မရှင်တပ်ကြောင့် အာရက္ခဒေသက အရပ်သား ၁၀၀၅ ဦးသေဆုံးပြီး ၂၁၃၅ ဦးဒဏ်ရာရသွားခဲ့တယ်လို့ ဆိုပါတယ်။
အဲဒီထဲမှာ စစ်ကော်မရှင်တပ်ရဲ့ လေကြောင်းတိုက်ခိုက်တာတွေ၊ တပ်ရင်းဌာနတွေနဲ့ ရေတပ်စစ်သင်္ဘောတွေမှ လက်နက်ကြီး ပစ်ခတ်တာတွေကြောင့် သေဆုံးဒဏ်ရာရသွားခဲ့တာလို့ ဆိုပါတယ်။
အဲဒီသေဆုံးသွားတဲ့ ၁၁၅၂ ဦးထဲမှာ အမျိုးသမီး ၃၉.၄ ရာခိုင်နှုန်းပါဝင်ပြီး အသက် ၁၀ နှစ်အောက်ကလေးသူငယ် ၇ ရာခိုင်နှုန်း ပါဝင်တယ်လို့ ဆိုပါတယ်။
အဲဒီအပြင် ဒဏ်ရာရသူ ၂၁၅၃ ဦးထဲမှာအမျိုးသမီး ၄၀ ရာခိုင်နှုန်းနဲ့ အသက် ၁၀ နှစ်အောက်ကလေးသူငယ် ၉ ရာ ခိုင်နှုန်းပါဝင် တယ်လို့ ဆိုပါတယ်။
နောက်ပြီး ဖမ်းဆီးခံရသူ ၁၀၃၄ ဦးထဲမှာလည်း အမျိုးသမီး ၁၆.၃ ရာခိုင်နှုန်းနဲ့ အသက် ၁၀ နှစ်အောက်ကလေးသူငယ် ၁၀.၅ ရာခိုင်နှုန်းပါဝင်တယ်လို့ ဆိုပါတယ်။
