Border News Agency
ပဲခူး၊ ဒီဇင်ဘာ ၁၉ ။
ပဲခူးတိုင်း၊ လက်ပံတန်းမြို့နယ်၊ ဆင်တလင်းကျေးရွာရှိ စစ်ကော်မရှင်တပ်တပ်စခန်းကို မဟာမိတ်ပူပေါင်းတပ်တွေတိုက်ခိုက်လို့ ဒုရဲ့အုပ်တဦးအပါအဝင် ဆယ့်ရှစ်ဦးသေဆုံးခဲ့တယ်လို့ အရှိုချင်းကာကွယ်ရေးတပ်(ACDF) က ဒီဇင်ဘာလ ၁၉ ရက်၊ ဒီနေ့ထုတ်ပြန်ပါတယ်။
အဲဒီ စစ်ကော်မရှင်တပ်ရဲ့ဆင်တလင်းကျေးရွာတပ်စခန်းကို အရှိုချင်းကာကွယ်ရေးတပ်( ACDF )က မဟာမိတ်ပူးပေါင်းတပ်ဖွဲ့တွေနဲ့ ဒီဇင်ဘာလ ၁၆ ရက်၊ မနက် ၆ နာရီအချိန်မှာ ဝင်ရောက်တိုက်ခိုက်ခဲ့တယ်လို့ဆိုပါတယ်။
အဲဒီတပ်စခန်းကိုတိုက်ခိုက်ရာမှာ စခန်းကိုဦးစီးနေတဲ့ ဒုရဲအုပ်အပါအဝင် တပ်ဖွဲ့ဝင်ဆယ့်ရှစ်ဦးသေဆုံးပြီး လက်နက်ခဲယမ်းအများအပြား သိမ်းဆည်းရမိခဲ့တယ်လို့ဆိုပါတယ်။
အဲဒီတိုက်ပွဲအတွင်းက MA1- လေးလက်၊ MA3 – ခြောက်လက်၊ G3 – တလက်၊ ခြောက်လုံးပြူ – တလက်၊ G3 ကျည်ဘောက်တခု၊ MA ကျည်ဘောက် နှစ်ဆယ့်တခု၊ အတိုကျည်ငါးတောင့်၊ ဦးထုပ်ခုနှစ်လုံး၊ 5.56 ကျည် နှစ်ရာ့တဆယ့်ကိုးတောင့်၊ အီကွေးမန့်သုံးခု၊ Vest တခုနဲ့ Mobile Phone လေးလုံး သိမ်းဆည်းရမိခဲ့တယ်လို့ဆိုပါတယ်။
အဲဒီတိုက်ခိုက်မှုကို အမှတ် ၂ စစ်ဆင်ရေးနယ်မြေ၊ ပဲခူးတိုင်းစစ်ဌာန၊ဗျူဟာ ၂ ကွပ်ကဲမှုနဲ့ အရှိုချင်းကာကွယ်ရေးတပ်ဖွဲ့ (ACDF)တပ်ရင်း ၃ ၊သာယာဝတီခရိုင် ၃၈၀၃ တပ်ရင်း (Myanmar Defense Force)၊ သာယာဝတီခရိုင် ၃၈ဝ၂ တပ်ရင်းမှ တပ်ခွဲ -၂၊တပ်ခွဲ -၃ ၊ ဂဠုန်ပြည်သူ့ကာကွယ်ရေးတပ်ဖွဲ့၊ ရွှေတန်းမြေသာယာဝတီခရိုင် ပကဖ တပ်ဖွဲ့ ၁ နဲ့တပ်ဖွဲ့ ၂ ၊ လက်ပံတန်းအထူးတိုက်ခိုက်ရေးတပ်ဖွဲ့ ရန်ကုန်ပကဖအထူးတိုက်ခိုက်ရေးတပ်ခွဲ ၃ တို့ ပူးပေါင်းတိုက်ခိုက်ခဲ့ကြတယ်လို့ဆိုပါတယ်။
အဲဒီစခန်းကို တိုက်ခိုက်ရာမှာ တော်လှန်ရေးပူးပေါင်းတပ်ဖွဲ့မှ ရဲ့ဘော်လေးဦးထိခိုက်ဒဏ်ရာသွားခဲ့တယ်လို့ဆိုပါတယ်။
