Border News Agency
စစ်ကိုင်း၊ ဒီဇင်ဘာ ၁၉။
စစ်ကိုင်းတိုင်း၊ ရွှေဘိုခရိုင်၊ ခင်ဦးမြို့နယ် ဗျူဟာလမ်းပိုင်းပေါ်ကို စစ်ကော်မရှင်တပ်လေကြောင်းတိုက်ခိုက်လို့ အရပ်သားတဦးမီးလောင်သေဆုံးခဲ့ပြီး ခြောက်ဦးဒဏ်ရာရသွားတယ်လို့ ခင်ဦးမြို့နယ်ပြည်သူ့အုပ်ချုပ်ရေးအဖွဲ့က ဒီဇင်ဘာလ ၁၉ ရက်၊ ဒီနေ့ထုတ်ပြန်ပါတယ်။
အဲဒီခင်ဦးမြို့နယ်၊ ဗျူဟာလမ်းပိုင်းပေါ်ရှိ ယာဥ်ကြောပိတ်ဆို့ရဲ့လူစုလူဝေးဖြစ်နေတဲ့နေရာကို ဒီဇင်ဘာလ ၁၈ ရက်၊ မနက် ၁၁ နာရီအချိန်ခန့်က စစ်ကော်မရှင်တပ် တိုက်လေယာဥ်လေးစီး၊ ဂျိုင်ရိုကော်ပတာသုံးစီးနဲ့ လေကြောင်းတိုက်ခိုက်ခဲ့တယ်လို့ဆိုပါတယ်။
အဲဒီလိုတိုက်ခိုက်လို့ အရပ်သားတဦးမီးလောင်သေဆုံးပြီး ခြောက်ဦးဒဏ်ရာရသွားတယ်လို့ဆိုပါတယ်။
နောက်ပြီး ဗျူဟာလမ်းပိုင်းပေါ်ရှိ ယာဥ်ကြောပိတ်ဆို့နေတဲ့ ကုန်စည်၊ ခရီးသွား၊ ဆီဘောက်ဆာစတဲ့ ယာဥ်တန်းတွေ၊ ဆိုင်ခန်းတွေမီးလောင်ပျက်စီးခဲ့ရတယ်လို့ဆိုပါတယ်။
စစ်ကော်မရှင်တပ်ဟာ ခင်ဦးဘက်မှ ကန့်ဘလူဘက်သို့တက်မယ့်ကားတွေကို တားဆီးပိတ်ဆို့ထားကာ၊ ယာဥ်ကြောပိတ်ဆို့နေတဲ့ကုန်စည်ကား၊ ဆီဘောက်ဆာ၊ အရပ်သားခရီးသွားပြည်သူတွေကို
ပစ်မှတ်ထားပြီး ရွယ်ရည်ချက်ရှိရှိတိုက်ခိုက်တာလို့ဆို့ပါတယ်။
အဲဒီအပြင် ဒီဇင်ဘာလ ၁၆ ရက်၊ ၁၇ ရက်တွေမှာ ဧရာဝတီမြစ်ကြောင်း ဆိပ်ကမ်းဘက်တွေကိုလည်း စစ်ကော်မရှင်တပ်က လေကြောင်းတိုက်ခိုက်ခဲ့တာကြောင့် အရပ်သားပြည်သူတွေ သေဆုံး၊ ဒဏ်ရာရခဲ့ကြတယ်လို့ဆိုပါတယ်။
