Border News Agency
မြေပုံ၊ ဒီဇင်ဘာ ၁၉။
မြေပုံမြို့နယ်မှာ ပျောက်ဆုံးနေတဲ့ဖိုင်ဘာစက်လှေတွေကို အာရက္ခပြည်သူ့တော်လှန်ရေးအစိုးရရဲ့တရားဥပဒေစိုးမိုးရေးနဲ့ပြည်သူ့လုံခြုံရေးဌာန(DLEPS)မှ ပိုင်ရှင်တွေဆီပြန်ပေးခဲ့ပါတယ်။
အဲဒီသိမ်းဆည်းရမိထားတဲ့ ဖိုင်ဘာစက်လှေဆယ်စီးကို ဒီဇင်ဘာလ ၁၈ ရက်၊ညနေ ၄ နာရီအချိန်ခန့်က DLEPS အဖွဲ့က ပိုင်ရှင်တွေဆီပြန်ပေးလိုက်တာပါ။
အဲဒီအာရက္ခပြည်သူ့တော်လှန်ရေးအစိုးရရဲ့တရားဥပဒေစိုးမိုးရေးနဲ့ပြည်သူ့လုံခြုံရေးဌာနမှတပ်မှူးတွေ၊တပ်ဖွဲ့ဝင်တွေ၊ အုပ်ချုပ်ရေးအဖွဲ့အပါအဝင်ဌာနဆိုင်ရာတွေမှဝန်ထမ်းတွေနဲ့ ပြည်သူတွေနဲ့တွေ့ဆုံဆွေးနွေးပြီး စက်လှေပိုင်ရှင်တွေကို ပြန်ပေးခဲ့တာဖြစ်ပါတယ်။
အဲဒီအပြင် နောပ်ထပ်ပျောက်ဆုံးနေတဲ့ ဖိုင်ဘာစက်လှေတွေကို ပိုင်ရှင်တွေဆီ အမြန်ဆုံးရောက်ဖို့ DLEPS အဖွဲ့မှ ကြိုးစားဆောင်ရွက်နေတယ်လို့ ဆိုပါတယ်။
မြောက်ဦးမြို့နယ်မှာလည်း ပြီးခဲ့တဲ့ နိုဝင်ဘာလ ၉ ရက်နေ့က ပျောက်ဆုံးနေတဲ့ဆိုင်ကယ်တွေကို အာရက္ခပြည်သူ့တော်လှန်ရေးအစိုးရရဲ့တရားဥပဒေစိုးမိုးရေးနဲ့ပြည်သူ့လုံခြုံရေးဌာနမှ ပိုင်ရှင်တွေဆီပြန်ပေးခဲ့ပါတယ်။
အာရက္ခတပ်တော်(AA)ဟာ ပလက်ဝဒေသအပါအဝင်အာရက္ခဒေသကမြို့နယ်ဆယ့်လေးမြို့နယ်ကို အပြီးသတ်သိမ်းပိုက်ထိန်းချုပ်ထားပြီဖြစ်ပါတယ်။
အာရက္ခတပ်တော်သိမ်းပိုက်ထိန်းချုပ်ထားတဲ့နယ်မြေတွေမှာ အာရက္ခပြည်သူ့တော်လှန်ရေး အစိုးရအဖြစ်အုပ်ချုပ်ရေးယန္တရားတွေဖော်ဆောင်နေပြီးအာရက္ခပြည်သူတွေအတွက် ပြည်သူ့ဝန်ဆောင်မှုတွေဆောင်ရွက်ပေးနေတယ်လို့ အာရက္ခပြည်သူတွေကဆိုကြပါတယ်။
