Border News Agency
မဲဆောက်၊ ဩဂုတ် ၃၁။
ထိုင်းနိုင်ငံ၊မဲဆောက်မြို့မှာ ဆိုင်ဖောက်ထွင်းခိုးယူမှုနဲ့ မြန်မာနိုင်ငံသားနှစ်ဦးကို ခိုးရာပါပစ္စည်းတွေနဲ့အတူ ဖမ်းဆီးလိုက်တယ်လို့ မဲဆောက်ရဲတပ်ဖွဲ့က သြဂုတ်လ ၃၀ ရက်၊မနေ့ကထုတ်ပြန်ပါတယ်။
အဲဒီမဲဆောက်မြို့၊မယ်တောင်ကျေးရွာရှိ ဖုန်းဆိုင်နဲ့အလှပြင်ဆိုင်မှ အလှကုန်ပစွည်းတွေဟာ သြဂုတ်လ ၃၀ ရက်၊နေ့လည် ၂ နာရီအချိန်မှာ ဖောက်ထွင်းခိုးယူခံခဲ့ရတာကြောင့် ရဲတပ်ဖွဲ့ကစုံစမ်းစစ်ဆေးကာ ဖမ်းဆီးခဲ့တာဖြစ်ပါတယ်။
အဲဒီဖမ်းဆီးခံရတဲ့မြန်မာနိုင်ငံသားနှစ်ဦးဟာ ဆိုင်တံခါးသော့တွေကို သံဖြတ်လွှနဲ့ဖြတ်တောက်ပြီး ဝင်ရောက်ခိုးယူခဲ့တာဖြစ်ကာ ခိုးယူသွားတဲ့ပစ္စည်းတန်ဖိုးမှာ ဘတ် ၅၀,၀၀၀ ခန့်ရှိပါတယ်။
သူတို့နှစ်ဦးကို မဲဆောက်ရဲစခန်းမှာထိန်းသိမ်းထားပြီး ထိုင်းနိုင်ငံဥပဒေအတိုင်း ဆက်လက် အရေးယူသွားမှာဖြစ်ပါတယ်။
အခုလိုဖောက်ထွင်းခိုးယူမခံရအောင် ဆိုင်ပိုင်ရှင်တွေအနေနဲ့ CCTV ကင်မရာတွေတပ်ဆင်ထားကြဖို့နဲ့ မသင်္ကာဖွယ်ရာလူတွေကိုတွေ့ရင် အရေးပေါ်ဖုန်း ၁၉၁ သို့ ဆက်သွယ်တိုင်ကြားကြဖို့ ရဲတပ်ဖွဲ့က သတိပေးထားပါတယ်။
